"Ўзмиллийбанк" АЖ матбуот котиби

Jamoat transporti: "Bir millionlik shahar"ga yarasha xizmat ko‘rsatiladi

Xabaringiz bor, Navro‘z bayrami arafasida namanganliklar uchun sovg‘a - xorijdan yana 30 ta zamonaviy avtobuslar yetib kelgan edi.

Yangi avtobuslar 7 aprel kunidan shahar ko‘chalarida harakatlana boshlaydi. Shu munosabat bilan bugun bo‘lib o‘tgan tantanali taqdimot marosimida viloyat jamoatchiligi: nuroniylar, soha faxriylari va xodimlari ishtirok etdilar.

Namangan viloyati hokimi Shavkatjon Abdurazzoqov tabrik so‘zida viloyat markazida yo‘lovchi tashish tizimini takomillashtirish borasida amalga oshirilayotgan ishlarga alohida to‘xtalib, bu kabi loyihalar davom ettirilishini ta’kidladi.

Shundan so‘ng ramziy lenta qirqilib, jamoatchilik vakillari yangi avtobus qulayliklari bilan tanishdilar.

“Turon-95 MBI” MCHJ tomonidan olib kelingan va Xitoyning “ZHONG TONG BUS” kompaniyasida ishlab chiqarilgan mazkur avtobuslar "O‘zmilliybank" AJning imtiyozli krediti xisobidan xarid qilingan bo‘lib, zamonaviyligi,manzilga tez yetib borishi, yo‘lovchilarga arzon va bir qator qulayliklar yaratishi bilan ahamiyatli. @zebotukhtaeva

O'zbekiston Respublikasi Prezidentining 2023-yil 16-fevraldagi "Jamoat transporti tizimini isloh qilish chora-tadbirlari tog'risida"gi 59 sonli qaroriga asosan Navoiy viloyat markazlari uchun avtobuslar harid qilish belgilandan edi. Ushbu qarorning ijrosini ta'minlash maqsadida Navoiy shahrida jamoat transporti tizimini yanada yaxshilash va aholiga qulay transport xizmatilarini ko'rsatish maqsadida O'zmilliybank AJ Navoiy viloyat Bosh boshqarmasi hamda tashabbuskorlar bilan birgalikda Xitoy Tiklanish va Taraqqiyot banki xorijiy kredit liniyasi mablag'lari hisobidan 60 ta avtobus xarid qilindi. Loyiha ishga tushirilishi natijasida 130 ta yangi ish o'rinlari yaratilishi ko'zda tutilgan.
@zebotukhtaeva

Жорий йилнинг 26 февраль куни Андижон шаҳри ва Асака тумани ҳокимлигида “Ўзмиллийбанк” АЖ томонидан тадбиркорлар билан очиқ мулоқот ўтказилди. Тадбирда тадбиркорлик субъектларининг муаммо ва таклифлари ўрганилди. Шунингдек аҳоли бандлигини таъминлаш ва камбағалликдан чиқариш бўйича таклиф мулоҳазалар кўриб чиқилди.
@zebotukhtaeva

👍👌😎🫡

“Банклардаги омонатларни ҳимоя қилиш кафолатлари тўғрисида”ги Қонун қабул қилинди

⏺Президент томонидан 18 февраль куни “Банклардаги омонатларни ҳимоя қилиш кафолатлари тўғрисида”ги Қонун имзоланди.

⏺Эндиликда кафолатланган омонат миқдори бир банкда бир омонатчига 200 млн сўмни ташкил этади. Бу талаб банкка қўйиладиган янги омонатларга нисбатан қўлланилади. Агар Сизнинг банкларда янги қонун кучга киргунга қадар қўйган муддатли ёки жамғарма омонатингиз бўлса, омонатларингиз миқдоридан қатъи назар тўлиқ кафолатланади.

⏺Агарда пулингиз 200 млн сўмдан кам миқдорни ташкил этадиган бўлса, унда омонатингиз тўлиқ миқдорда кафолатланади.

⏺Яна бир янгилик, эндиликда фақат аҳолининг эмас, балки тадбиркорлик субъектлари, шу жумладан, якка тартибдаги тадбиркорларнинг ҳам омонатлари кафолатланади.

❓Омонатларни кафолатлаш нима учун керак ва уларни маълум миқдорда кафолатлашнинг муҳим жиҳатлари нималардан иборат?

⏺Биринчидан, бу омонатчиларни ҳимоя қилиш, яъни банк тугатилган тақдирда, омонатчиларга уларнинг маблағларини қайтариш;

⏺Иккинчидан, бу банкларни юқори фоиз ставка билан эмас, балки барқарор фаолият билан рақобатлашишга ундайди.

❓Омонат миқдорингиз 200 млн сўмдан ошса, қандай кафолатланади?

⏺Шуни айтиш керакки, кафолатланган омонат миқдори 200 млн сўмни ташкил этади дегани, банкка ундан кўпроқ пул қўйиш мумкин эмаслигини англатмайди. Аксинча пулларни банкда сақлаш, уларни уйда сақлашдан анча хавфсиз ва манфаатли. Омонатни бу миқдорда кафолатлаш эса фақатгина банк тугатилган тақдирдагина қўлланилади, акс ҳолда банклар омонатлар бўйича ўз мажбуриятларини шартнома асосида бажараверади.

⏺Компенсация тўлаб бериш муддатларига тўхталадиган бўлсак: янги қонун қабул қилингунча омонатларни қайтариб беришни бошлаш муддати 83 кунни ташкил этган, энди эса бу муддат 20 иш кунини ташкил этади ва босқичма-босқич 7 иш кунига қисқартирилади. Бу дегани Агентлик компенсацияни тўлаб беришни бошлаши учун унга энг узоғи билан 20 иш куни берилади, зарур тадбирлар амалга оширилган тақдирда, Агентлик ушбу муддатдан ҳам олдин тўлаб бериши мумкин бўлади.

⏺Агарда сиз компенсация тўлаб бериш учун белгиланган муддат ичида ўз маблағларингизни қайтариб олишга улгурмаган бўлсангиз ҳам хавотирга ўрин қолмайди, яъни ўз пулларингизни Агентликдан исталган вақтда қайтариб олишингиз мумкин бўлади.

⏺Мазкур Қонун тўғрисидаги батафсил маълумотларни Марказий банкнинг расмий веб-сайти ва унинг ижтимоий тармоқлардаги саҳифалари, finlit.uz сайти ҳамда Омонатларни кафолатлаш агентлиги расмий веб-сайтидан олишингиз мумкин.

#qonunchilik

@zebotukhtaeva