YURIDIK TAʼLIM / Rasmiy kanal

​​⚡️Malakali yurist yoki bilimli advokatni qanday bilsa boʻladi?

Kundalik hayotda insonlar turli xildagi jinoyat, zoʻravonlik yoki huquqbuzarliklarga duch kelishib, qanday qilib mazkur holatlardan chiqish yoʻllarini izlashadi. Tanish bilishlarga maslahat soʻrab chiqishadi.
🔹Xoʻp shunday holat Siz bilan sodir boʻlgan boʻlsa qanday yoʻl tutish yoki nimalarga eʼtibor berishni bilasizmi? Quyidagilarga eʼtibor qarating:

✅ Avvalo internet orqali (Oʻzbekistonda bu haqda kam maʼlumot beriladi) malakali huquqshunos, yuridik firma yoki muayyan advokatlik firmasi (byurosi) xususida maʼlumotlarni topishga harakat qiling.Topdingiz, uchrashib gaplashib oldingiz.

Birinchi navbatda amalga oshiriladigan ish bu: ushbu advokatning uchinchi shaxslar bilan aloqadorligini aniqlashdir. (asos: Advokat yoki yurist oʻziga ayon boʻlgan maʼlumotlarni oshkor etishi va bu maʼlumotlardan oʻz manfaatlari yoki uchinchi shaxslar manfaatlari yoʻlida foydalanishi man etiladi).
✅ Tajribali advokat yoki yurist yuridik xizmat koʻrsatiladigan shaxs bilan aloxida uchrashishi lozim.(Sababi: murojaatchining shaxsi va u aytgan tafsilotlar advokatlik sirini tashkil qiladi.)

- Oʻzaro kelishuvga (yuridik yordam) kelinib, shartnoma tuzishda, shartnoma shartlarini oʻqib chiqing, unda bandlar toʻliq toʻldirilganligi, maʼlumotlar (summa va h.k) aniq kiritilganligiga eʼtibor qarating.

- Muloqot davomida yurist (advokat) ilmli va ishga vijdonan yondoshadigan boʻlsa, u birinchi galda ish holatini oʻrganib, mavjud hujjatlar bilan sinchkovlik bilan tanishishga harakat qiladi, Sizni vaj va eʼtirozlaringizni tinglaydi va aniqlashtiruvchi savollarni beradi.

✅ Eʼtibor qarating: tajribali advokat yoki yurist faqatgina siz malum qilgan malumotlardan tashqari ishi materiallariga qoʻshib qoʻyilishi, shuningdek albatta baholanishi lozim boʻlgan dalillarni toʻplash va taqdim qilish bilan koʻproq shugʻullanadi.

- Yurist hujjatlar bilan tanishib, Sizga katta vada yoki ishni yutib chiqishga kafolat berdimi bundan aslo xursand boʻlmang. Chunki tajribali va malakali yurist (advokat) ishning ijobiy yakunlanishiga kafolat berolmaydi, u ishni maksimum ijobiy va zarur natijaga erishish imkoniyatlarini baholaydi.

- Yurist ishga kirishgandan soʻng, uning tayyorlayotgan hujjatlari (ariza, soʻrov, iltimosnoma, eʼtiroznoma va h.k) bilan tanishib boring. Ishni qanday holatdaligi, nimalar qilinayotganligi bilan qiziqib boring, undan bu haqda Sizga maʼlumot va xabar berib borishini soʻrang.

✅ Yurist (advokat)ning har bir qabul qilayotgan qarorini siz bilan maslahatlashmay qabul qilishiga, turli ishontirishlariga, shubhali takliflariga rozi boʻlmang ( ayrimlari sudyani koʻraman, tergovchi boʻyicha prokurorni koʻraman deydiganlari bor). Shu tipdagi yuristmi bilingki aldoqchi (firibgar) va ilmi yoʻq yuristga duch kelibsiz. Hushyor boʻling ogʻir huquqiy oqibatlarni keltirib chiqarishiga yoʻl qoʻymang!

Yuqorida qayd etilganlarga asoslansangiz, hushyor boʻlsangiz, keraksiz va ortiqcha tashvishlardan uzoq boʻlasiz.
Ushbu tavsiyalarni boshqalarga ( ayniqsa adolatsizlikka uchraganlarga) ham ulashing. Birovni gʻami, tashvishidan pul qiluvchilar borligi va shu yoʻl orqali oilasiga “luqma” olib boruvchilar mavjudligi bois ushbu eslatma tayyorlandi.

© Inson huquqi madaniyati markazi.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

⚡️⚖ O'rta-maxsus ma'lumotli Yuristlar qayerlarda ishlashi mumkin ?!

🔰 Yuridik texnikum bitiruvchilariga davlat taʼlim standartlariga muvofiq oʻrta maxsus professional taʼlimdagi yoʻnalishlar, kasblar va mutaxassisliklar boʻyicha malaka darajasi koʻrsatilgan holda, oʻrta maxsus professional taʼlim toʻgʻrisida davlat namunasidagi diplom beriladi.

Yuridik texnikumni tamomlagan oʻquvchi respublika miqyosida malaka talablariga binoan oʻrta maxsus yuridik maʼlumot zarurati mavjud boʻlgan davlat organlari va tashkilotlarida, shu jumladan:

➖Oʻzbekiston Respublikasi Adliya vazirligi huzuridagi Davlat xizmatlari agentligining hududiy tuzilmalari,

➖ Bosh prokuratura huzuridagi Majburiy ijro byurosining hududiy organlari,

➖ notarial idoralar, advokatlik tuzilmalari va shu kabi qator idoralarning umumiy shtat birliklari soni doirasida vakant lavozimlarga ishga kirish boʻyicha tanlovda belgilangan tartibda ishtirok etish mumkin.

© Manba: «Yuridik ta'lim».

♻️ Do'stlarga yuboramiz.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

✅ Majburiy fan blokidagi testlar qaysi mavzular boʻyicha tuziladi?

👨🏻‍💻 Oliy taʼlim muassasalarining bakalavriat taʼlim yoʻnalishlariga kirish test sinovlarida qoʻllaniladigan test topshiriqlarining boʻlimlar boʻyicha oʻrtacha taqsimoti (foiz hisobida).

Majburiy fanlar:

1️⃣ Ona tili (oʻzbek):
— Orfografiya va punktuatsiya — 40 %;
— Leksikologiya, uslubiyat — 40 %;
— Grammatika — 20 %.

2️⃣ Ona tili (rus):
— Fonetika — 10 %;
— Leksika — 10%;
— Grammatika — 40 %;
— Orfografiya — 40 %.

3️⃣ Ona tili (qoraqalpoq):
— Fonetika — 10 %;
— Leksika — 20 %;
— Grammatika — 40 %;
— Orfografiya — 30 %.

4️⃣ Matematika:
— Sonlar va ular ustida amallar — 40 %;
— Foiz, proporsiya va tenglama — 30 %;
— Geometriya — 30 %.

5️⃣ Oʻzbekiston tarixi:
— Qadimgi va oʻrta asrlar tarixi —35-45 %;
— XVI-XX asr boshlaridagi tarixiy davr — 35-45 %;
— Sovetlar davri va mustaqillik davri tarixi — 20-25 %.

💻 Yuridik taʼlim: Eslatib oʻtamiz majburiy fanlar bo‘limidagi test topshiriqlari soddalashtirilgan bo‘lib, abituriyentlarning umumiy savodxonligi va tayanch bilimlarini baholashga yo‘naltirilgan birinchi murakkablik darajasida bo‘ladi.

© Manba: «Yuridik ta'lim».

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

⚡️Bilishingiz lozim

🔹Qarz berayotganda uni oddiy yozma shartnoma bilan rasmiylashtirish kerak.

• Qarzning miqdori BHMning 10 baravaridan (3 mln 750 ming soʻmdan) koʻp boʻlsa, yozma shartnoma tuzilishi shart.

• Qarz oluvchi yoki beruvchining biri yuridik shaxs boʻlganida esa qarz miqdoridan qatʼi nazar yozma shartnoma tuzilishi kerak.

• Qarz oluvchi olingan qarz summasini qarz shartnomasida nazarda tutilgan muddatda va tartibda qarz beruvchiga qaytarishi shart.

❗️Yozma shaklda tuzilishi lozim boʻlgan qarz shartnomasi yuzasidan guvohlarning koʻrsatmalari yordamida daʼvolashish mumkin emas ( aldov, tahdid yoki qiyin vaziyatlar taʼsirida tuzilgan shartnoma bundan mustasno).

© Inson huquqi.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

Magistraturaga kirishda sertifikat talab qilinmaydi. Kimlarga ?!

Nogironligi boʻlgan shaxslarga magistraturaga kirishda imtiyoz mavjud bo'lib, davlat oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga oʻqishga qabul qilishda koʻrish, eshitish va nutqida nuqsoni boʻlgan shaxslar tomonidan xorijiy tilni bilish boʻyicha milliy yoki unga tenglashtirilgan xalqaro sertifikatni taqdim etish talab etilmaydi.

Eslatma: Bu barcha toifadagi nogironligi boʻlgan shaxslar uchun emas. Aynan shu qoidaga koʻra imtiyoz koʻrish, eshitish va nutqida nuqsoni boʻlgan shaxslarga taqdim etiladi.

Asos: Prezidentimizning 20.10.2022-yildagi PQ-407-son qarori 4-bandida nazarda tutilgan.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

1991-yildan 2025-yilgacha yil nomlari!

1991-yil — Alisher Navoiy yili.
1992-yil — Hamshiralar yili.
1993-yil — Ahmad Yassaviy yili.
1994-yil — Mirzo Ulug‘bek yili.
1995-yil — Abu Ali ibn Sino yili.
1996-yil — Amir Temur yili.
1997-yil — Inson manfaatlari yili.
1998-yil — Oila yili.
1999-yil — Ayollar yili.
2000-yil — Sog‘lom avlod yili
2001-yil — Ona va bola yili.
2002-yil — Qariyalarni qadrlash yili.
2003-yil — Obod mahalla yili.
2004-yil — Mehr-muruvvat yili.
2005-yil — Sihat-salomatlik yili.
2006-yil —Homiylar va shifokorlar yili.
2007-yil —Ijtimoiy himoya yili.
2008-yil — Yoshlar yili.
2009-yil — Qishloq taraqqiyoti va farovonligi yili.
2010-yil — Barkamol avlod yili.
2011-yil — Kichik biznes va xususiy tadbirkorlik yili.
2012-yil — Mustahkam oila yili.
2013-yil — Obod turmush yili.
2014-yil — Sog‘lom bola yili.
2015-yil — Keksalarni eʼzozlash yili.
2016-yil — Sog‘lom ona va bola yili.
2017-yil— Xalq bilan muloqot va inson manfaatlari yili.
2018-yil — Faol tadbirkorlik, innovatsion g‘oyalar va texnologiyalarni qo‘llab-quvvatlash yili.
2019-yil — Faol investitsiyalar va ijtimoiy rivojlanish yili.
2020-yil — Ilm-ma'rifat va raqamli iqtisodiyotni rivojlantirish yili.
2021-yil — Yoshlarni qo‘llab-quvvatlash va aholi salomatligini mustahkamlash yili.
2022-yil — Inson qadrini ulug‘lash va faol mahalla yili.
2023-yil — Insonga eʼtibor va sifatli taʼlim yili.
2024-yil — “Yoshlar va biznesni qo’llab-quvvatlash yili”

2025-yil — Atrof-muhitni asrash va "yashil iqtisodiyot" yili

⚡️Oʻzbekistonda advokatlar soni qancha?

🔹 Kanalda 2023-yilning aprelida berilgan maqolada, 36 mln aholisi boʻlgan Oʻzbekistonda, advokatlar soni 4 625 nafarligi, 7,6 ming aholiga 1 nafar advokat toʻgʻri kelishi va 30 yoshgacha boʻlganlar 1 foiz (51 nafar) ni tashkil qilishi xususida maʼlumot berilgandi.
Bu borada:
➖ Isroilda – har 136 aholiga;
➖ Italiyada – har 265 aholiga;
➖ Germaniyada – har 499 aholiga;
➖ Rossiyada – har 1 870 aholiga;
➖ Qozogʻistonda – har 3 932 aholiga 1 nafar advokat toʻgʻri kelishi bildirilgandi. Xoʻp. Nima oʻzgardi?

Muhim qadam, advokatlikka yosh huquqshunoslarni jalb qilish maqsadida, “Advokatura toʻgʻrisida”gi qonunga oʻzgartirish kiritilib, advokat maqomiga ega boʻlish uchun zarur boʻlgan ikki yillik yuridik mutaxassislik boʻyicha ish staji bekor qilingandi. Natijada,

❗️Bugun 38 million aholisi boʻlgan Oʻzbekistonda, har 6,2 ming nafar aholiga 1 nafar advokat toʻgʻri kelmoqda.

🔺P.S. Albatta bu Xalqaro standartlarga koʻra past koʻrsatkich. Ammo tendensiya yaxshi tomonga oʻzgarmoqda.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

❗️Toshkent va Namanganda prokuratura xodimlari ushlandi

➖ Toshkent shahri Olmazor tumani prokuraturasi tergovchisi jinoyat ishi doirasida gumonlanuvchi sifatida jalb qilingan shaxsga nisbatan “qamoqqa olish” tarzidagi ehtiyot chorasi qo‘llamaslik evaziga 30 ming AQSh dollari talab qilib, shundan 20 ming dollarni olayotgan vaqtida ushlandi.

***

➖ Namangan viloyati Chortoq tumani prokurorining katta yordamchisi tuman ko‘p tarmoqli markaziy poliklinikasi shifokori 5 nafar fuqaroga nogironlik nafaqasini belgilashda soxta hujjatlar tayyorlab berganligi yuzasidan taqdim qilingan materiallarni o‘rganib chiqib, unga nisbatan qonuniy chora ko‘rmaslik evaziga 3000 AQSH dollari talab qilgan. U so‘ralgan puldan 2400 dollarni olayotgan vaqtida ashyoviy dalillar bilan ushlandi.

📥 𝗞𝗮𝗻𝗮𝗹𝗴𝗮 𝘂𝗹𝗮𝗻𝗶𝘀𝗵:
✅ @YURIDIK_TALIM

❓ Mansab soxtakorligi nima anglatadi ?…

🔹Mansab soxtakorligi – davlat organi, davlat ishtirokidagi tashkilot yoki fuqarolarning oʻzini oʻzi boshqarish organi mansabdor shaxsining:

➖ gʻarazgoʻylik yoki boshqa manfaatlarni koʻzlab, rasmiy hujjatlarga bila turib soxta maʼlumotlar va yozuvlar kiritishi,
➖ hujjatlarni qalbakilashtirishi yoki bila turib soxta hujjatlar tuzishi va taqdim etishi.

❗️Mansab soxtakorligi fuqarolarning huquqlariga yoki qonun bilan qoʻriqlanadigan manfaatlariga yoxud davlat yoki jamoat manfaatlariga jiddiy zarar yetkazilishida ifodalanadi.

🔺P.S. JKning 209-moddasida jinoiy jazo belgilangan.