Husaynxon domla Yorqinjon qori domladagi fazilatlar haqida

- Zakovatlar beqiyos edi.
- Zehnlari, o'qigan-ko'rganlarini, undagi tagma'nolarni yaxshi ilg'ab olardilar.
- Bayonga mohir edilar.
- Hech kimga gina-kudurat saqlamasdilar.
- Tushlarida Rasululloh alayhissalomni ko'p ko'rardilar.
- Biror qadimgi olimga oid masalada ikkilanib qolsalar yoki biror xato ish qilsalar, tushlarida o'sha yoki tegishli olimlarni ko'rar va ulardan oydinlik yoki tanbeh olardilar.
- Sunnatni mahkam ushlar edilar. Masalan vitrdan keyin payg'ambar alayhissalom shunday qilgan ekanlar deb quvvatlari yetsa ham namozni o'tirib o'qirdilar.
- Ilmga muhabbatlari kuchli edi.
- Misrda ustozlar fiqh darsida ikkilanib qolishsa, o'quvchilar orasida o'tirgan domlaga qarab, "Shayx Yorqin, sen nima deysan?" deb so'rashardi? Domla javob bersalar, ustozimiz "masala shunday bo'ladi", deb tasdiqlashardi.
- Foydali narsani o'zidan darajasi quyidan ham, yuqoridan ham olaverardilar.
- O'ta samimiy inson edilar, bir narsani bilmasalar yoki xato qilsalar, osonlik bilan tan olardilar.