Unga yangi yilni qanday boshlasang yana shunday tugatasan deyishgan edi; u o'n bir oy oldin yangi yilni onasi va akasi bilan kutib olgan edi undan oldingi yil esa yaqinlarining qatorida dadasi ham bor edi bugun esa hech kim yo'q. Aftidan Santa uning ustidan ataylabdan kulayotgandek har yili bir yaqinidan ajraladi, har yili yangi yil dasturxoni atrofida bir kishi kamayadi, lekin oila a'zolari unga bu so'zni aytishdan charchashmaydi "Yangi yilni qanday kutib olsang, shunday kuzatasan, keyingi yiling ham shunday o'tadi"
Rostdan ham shundaymi?
U ilgarilari qora soqollilarni ko'rsa ulardan o'lgudek qo'rqardi, balki o'qituvchisining saboqlari bunga sabab bo'lgandur, xattoki qora soqolli insonlar undan qayergadur olib borishni so'rashsa hech ishonmasdi, bugun esa o'sha oppoq soqolli insonga uning ishonchi yo'qoldi. Daxshat!
Santa vadasida turmadi bugun uning oldida akasi ham onasi ham yo'q. Aftidan har yili bir nafar yaqinlarini undan ayriguvchi yangi yil bu gal hisobda adashgandur, bu safar yangi yil undan naq sakkiz milliard insonni tortib olib uni shu la'nati o'rmonning qoq o'rtasiga tashladi, endi yozni kutishdan boshqa iloji yo'q, agar ungacha yeta olsa.
Said shu tarzda tarixga nazar tashlarkan bo'rilar ortidan quvganda va o'zini handaqqa otganda bexos "Alloh o'zing qutqar" degan so'zini xotirladi va bobosi "Handaqda ateistlar bo'lmaydi" deb aytgan iborasi esiga tushdi.
Qo'rqib ketti, qattiq qo'rqdi.
Nahotki bugun g'oyalar o'zgarsa.

©️Yastiriy

Tanganing ikkinchi tomoni (roman)

https://t.me/yastiriy