JaDiD VIDEO

Хайр Афганистан

Assalomu alaykum

"Одам-подам бўлмаймиз" шеъри.

Муаллиф: @habikatura
Рақсида: муаллифни кўрсатмайдиганлар.


Ҳалолми, ҳаромми суриштирмай еб,
Ажаб, тиқилмаймиз, ажаб, ўлмаймиз.
Нокасу ношукур, номаҳрамни деб,
Хотам бўламизу, одам бўлмаймиз.

Соққага берилганмиз, соққага.
Отадан тўйганмиз, пулга тўймаймиз.
Ўтган онагамас, кетган чақага
Мотам тутамизу, одам бўлмаймиз.

Амали бор зотлар бизга хўжайин.
"Кул" деса, куламиз, йўқса, кулмаймиз.
Пахталар қўйгувчи юмшоқ ва майин
Ходим бўламизу, одам бўлмаймиз.

Биз учун муқаддас нарса қолмади
Виждон, имон тикиб қимор ўйнаймиз.
Ҳеч бир чора қолмаганда Аллоҳдан
Ёрдам кутамизу, одам бўлмаймиз.

​​😅 2020-Йилдан кейинги мақоллар

✓ Кучи бор бирни йиқитар, билими бор вирусни
✓ Aблах дўст вирусдан ёмон.
✓ Вирус билан барбод уйинг, гар бўлса у кошона хам
✓ Ухандан чиққан балога қайга борай давога
✓ Вирус олдила шоху гадо тенг
✓ Келинни келганда кўр, вируси юққанда кўр.
✓ Ўзинга эхтиёт бўл қўшнингни COVID дема
✓ Вирус юқтирган бўлса хам бой гапирсин
✓ Етти ўлчаб вирусдан қоч
✓ Стикерсизни югургани постгача.
✓ Қулоқ омон бўлса маска топилади.
✓ Ўзингни бил,кўшнингга вирус юқтирма.
✓ Гўштсиз ошим, вируссиз бошим.
✓ Билаги зўр бирни йиқитар, коронавирус мингни.
✓ Касалга яқин, юрсанг вируси юқар!
✓ Вирус юқтирган қиз эрга ёлчимас.
✓ Дўстинг кимлигини айт, COVIDмисан айтаман.

😉 Аъло кайфият билан хар қандай касалликни енгиш мумкин

Африка шеъриятидан

Бу қандай юрт бўлди, хўп
Деҳқони ер талашган.
Хоким, амалдори кўп,
Бўйинбоғи ярашган.

Мақтайди - мақтаганни, “Соққа, кўкат, пул" дейди. "Нотўғри" деб айтганни, Миршабига: "Ур" дейди.

Қарор қилар қозилар,
Ҳафа қилмай "теппа"ни. Қолдирмай бирон излар, Тутқазишар паттани.

Бироз ёлғон гапирсанг,
Айтишади: ”Бемалол”.
Ҳақиқатни қидирсанг,
Бир ҳовуч, ё бир мисқол.

Ваъдалар қоп бўлганда,
Нон ўрнида ейишар.
Бажармоққа келганда,
“Режада бор” дейишар.

"Ватан" деб куйлайверса,
Ватаннинг ўзи ҳайрон.
Бир бой, юз ночор бўлса,
Миллат мазлум, юрт вайрон.