ULUL ALBAB - The People of Intellect

@weareululalbab

Гео и язык канала: Узбекистан, Узбекский

Категория: Блоги

"Фақат ақл эгаларигина эсларлар" (2:269)
❗️Kitoblar, tajriba, saviya, fikrlash, rivojlanish.
@weareululalbab
©️ Manba bilan olinsin!
Reklama olinmaydi.
Ayollar uchun xos kanalga qo'shilish uchun @mukhiddinova_link

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

ULUL ALBAB - The People of Intellect

23 Feb, 08:50

Sog'lom ovqatlanish mahsulotlarni (ya'ni, oqsil, yog' va uglevodlarni) to'g'ri kombinatsiya qilolish bilan bog'liq.

Bananning o'zini emas, yong'oq bilan yeyish.
Tuxumning o'zini emas, pomidor bilan yeyish.

Bunda ozuqaviy qiymat oshadi va yeganingiz uzoqroq muddat quvvat bo'ladi, Allohning izni bilan. #ramazonga

@weareululalbab

2.2k 1 59 119

ULUL ALBAB - The People of Intellect

22 Feb, 07:55

Doim intizomli yashash qiyinmasmi?

Avvalgi 3 kun, 1-2 hafta qiynalish butun umr intizomsiz, o'zidan ko'ngli to'lmay yashashdan yaxshiroq.

Natijaga emas, jarayonga e'tibor qaratib bardavom bo'lish, har boshlagan ishini oxiriga yetkazmay, tashlab ketishdan yaxshiroq.

Nafsni sindirib, tarbiya qilib, intizomga o'rgatish, uni taltaytirib, quliga aylangandan yaxshiroq.

Intizom daraxtining mevasi hozir taxir tuyulsa ham, ular pishganida beradigan ta'm shirinroq.

Bir-ikki oy sinab ko'rish "qiyin-ku" deb yurishdan samaraliroq.

@weareululalbab

1.9k 0 74 208

ULUL ALBAB - The People of Intellect

21 Feb, 08:10

Kishi Alloh bilan munosabati qandayligini bulardan bilib olishi mumkin:

😀qalbi va xulqi;
Og'zimdan qanday gaplar chiqyapti?
😀namozi va ibodatining ahvoli;
Namozda hayolim qayerda? Xushu bormi?
😀ma'siyatga munosabati;
Gunohni katta-kichik deb ajratmaymanmi?
Tavba qilamanmi, yo'qmi?
Keyin yaxshiligim ortadimi yo ma'siyat ketidan ma'siyat?
😀nima bilan mashg'ul ekani;
Vaqtimni nimaga sarflayapman?
Kunlarim qanday o'tyapti?
😀boshqalar bilan munosabati;
Atrofdagilarga xayrixohmanmi?
😀yolg'iz qolgandagi holati;
Yolg'iz holim boshqa hollarim bilan bir xilmi?
😀musibat, qiyinchilikdagi holati;
Taqdirimdan rozimanmi yo zo'rg'a chidayapmanmi?

O'qigan-o'rganilganlardan jamlashga harakat qilindi.

@weareululalbab

2.3k 0 69 194

ULUL ALBAB - The People of Intellect

20 Feb, 08:45

Shunday otalar, shunday farzandlar, shunday oyatlar...

Fuzayl ibn Iyyoz bir kuni namozda ushbu oyatni tilovat qildilar:

"Ular deydilar: Ey Robbimiz! Badbaxtligimiz bizlarga g'olib kelib, adashgan qavm bo'lib qolgan ekanmiz" (Mu'minun surasi, 106-oyat).

O'g'li bu oyatni eshitib, behush bo'lib yiqildi. Uning orqasida turib yiqilganini bilgan Fuzayl qiroatni qisqa qildilar. Uning onasiga xabar berishdi. Onasi bola yuziga suv sepdi va u o'ziga keldi. Ayol Fuzayl ibn Iyyozga: "Siz bu bolani o'ldirib qo'yasiz", dedi.

Bir kuni yana namoz o'qiyotganida bolasini orqasida emas deb o'ylab, ushbu oyatni qiroat qildi:

"(Chunki u kunda) ularga Alloh tomonidan ular (dunyoda yashagan paytlarida) o'ylab ham ko'rmagan narsalar (azoblar) namoyon bo'lur" (Zumar surasi, 47-oyat).

O'g'li bu oyatni eshitib, vafot etdi. #kitobdan

@weareululalbab

3.3k 0 46 211

ULUL ALBAB - The People of Intellect

19 Feb, 08:01

"Siz"lash haqida

Sensirash odamlarni bir-biriga yaqinlatgandek tuyiladi. Aslida, o'zi bilan ko'p salbiyotlarni ergashtirib keladi.

Kishini sizlash rasmiy eshitilsa-da, hurmatning nafaqat borligini, balki uni ifoda qilolishni ham bildiradi. (20 yillik dugonalar uchun ham).

Ikkinchidan, o'sha rasmiylikda ham foyda bor. Har qanday munosabatda ma'lum masofa va chegara bo'lishi kerak. Ikki tomon haddini bilib turishi uchun bu muhim. Begonadek his qildirmagan holda, me'yorda rasmiylikni ushlay olish yetilganlik (maturity)dan.

Eng muhimi - sizlash kamtarlik alomati. Sizlash orqali kishi narigi tomonning mavqesini tan olib, o'zini kamtar tutish va kibr qilmaslikni o'rganadi.

Munosabatlarni sog'lom va odob yuzasida saqlamoqchi bo'lsangiz "siz" deganda foyda ko'p va zararni oldini olish bor.

@weareululalbab

3.8k 3 155 264

ULUL ALBAB - The People of Intellect

18 Feb, 07:33

Ramazon oyi uchun ba'zi maqsadchalar:

- 5 mahal namozni vaqtida va chiroyli o'qish;
- har kuni saharlik qilish (o'tar ro'za tutmaslik);
- tongda zikr va tilovat uchun 30 daqiqa;
- kuniga 20/40/60/80... bet Qur'on o'qish;
- yangi sura yodlash va takrorlash;
- biror suraning tafsirini o'rganish;
- har kuni tarovih namozini o'qish;
- yangi duo yodlash va aytib yurish;
- sog'lom ovqatlanish;
- iftorlikda zam-zam bilan xurmo/mevalar yeb, shomdan keyin ovqatlanish;
- yaqinlarga iftorlik/saharlik dasturxoni tayyorlash;
- shukr, tavoze, taqvo, tafakkurga vaqt ajratish;
- yomon xulq va negativ gaplar o'rniga yaxshi gapirish;
- musiqa eshitish/kino-serial ko'rish o'rniga ma'ruza tinglash;
- oila bilan solih suhbatlar qilish;
- qiyomda musulmonlar haqqiga duo qilish;
- har kuni ehson, tabassum, yaxshilik qilish;
- qo'ldan kelgancha yordamlashish va hkz.

@weareululalbab

5.4k 1 277 258

ULUL ALBAB - The People of Intellect

17 Feb, 16:59

Ramazondan avval va davomida yaxshiliklarga shoshilib qolaylik. Bu borada yetarli oyat va hadislar bilasiz, in sha Alloh.

Yetim va muhtojlarimizga ehsoningiz ishonchli tarzda yetib borishini ta'minlaydigan jamoa bor, in sha Alloh.

Ushbu hisobga imkoningizdagi miqdorni o'tkazishingiz mumkin:
5614 6820 3664 3403
K.Z.

Biz yordam qilsak ham, qilmasak ham, ularning rizqini Alloh beradi. Sababchi bo'lib qolish ne'mati ba'zilargagina nasib qiladi. Alloh siz-u bizdan qabul qilsin.

@weareululalbab

3.8k 0 37 137

ULUL ALBAB - The People of Intellect

17 Feb, 07:49

"Sabiqun" - peshqadamlardan bo'lish nafaqat oxiratda ajri bilan xursand qiladi, balki dunyoda ham insonni boshqalar yetmagan manzillarga boshlaydi:
1️⃣Muqarrablik va Naiym jannati. (Voqea surasi, 10-12-oyatlar)
2️⃣Alloh mag'firati va jannat. (Oli Imron, 133)
3️⃣Yaxshiliklarda ilg'orlik.
4️⃣Haqiqiy xotirjamlik.
5️⃣Dunyo va oxiratda nadomat chekmaslik.

Nimalarda peshqadam bo'lish kerak:
🔴Allohga yaqinlik va ibodatda;
🔴solih amallarda (Baqara, 148);
🔴ilmda;
🔴sabr, taqvo, adolat kabi xislatlarda;
🔴kechirim va nafs tarbiyasida;
🔴yaxshi odatlarni shakllantirishda;
🔴yomonlarini tark qilishda;
🔴yordam va ummat xizmatida.

@weareululalbab

3.6k 1 58 147

ULUL ALBAB - The People of Intellect

15 Feb, 08:23

Qur'on yodlovchisi mahkam turishi kerak bo'lgan asosiy narsalar:

1. Niyat va duo:
- qanday ne'mat ustida ekaningiz haqida hadislar o'qib yuring;
- niyatingiz doim yangilanib tursin;
- yodlayotganingiz Allohning kitobi ekani esingizdan chiqmasin;
- doim Allohdan quvvat va zehn so'rang.

2. Harakat va bardavomlik:
- har kunlik vazifa tayib qiling, bajarmay uxlamang!
- ba'zi kunlar yodlolmay qolasiz, lekin to'xtab qolmang;
- Qur'ondan tashqari hadis yo manzuma yodlab yuring, zerikib qolmasligingizga yordam beradi;
- harakatingiz motivatsiyaga emas, Allohning roziligi, niyatingiz va intizomga asoslangan bo'lsin;
- oxiriga bormaguncha to'xtamang.

3. Vaqtga egalik:
- vaqtga munosabatingiz boshqalarnikidan farq qilishi shart;
- ertalabki vazifangiz alohida, kechki vazifangiz alohida bo'lsin;
- vaqt bo'lganda dars qilmang, vaqt TOPIB, dars qiling;
- vaqtli uxlang, vaqtli turing.

4. Amal va tatbiq:
- Allohning zikri va tadabburda bo'ling;
- tahajjuddan nasibangiz bo'lsin;
- Qur'oniy xulq bilan xulqlanishga intilish vazifamiz;
- yodlashdan oldin va keyingi holatingizda ijobiy o'zgarish bo'lsin;
- yodlayman, deb, xatm va takrorni tashlab qo'ymang.

Boshlanishiga shular.

@weareululalbab

4.5k 1 124 168

ULUL ALBAB - The People of Intellect

14 Feb, 08:27

Ommalashishida sizning hissangiz bor

Qariyb 10 yil oldin ustozimizdan islom moliyasi haqida eshitdik.
6 yil oldin sohadagi boshlang'ich bilimdan sinovi imtihoni topshirdik.
4 yil oldin shu sohada universitetga kirdik.
Allohning yordami bilan 1 yil oldin mana bu ish yozib, bitkazildi.

Nima demoqchiman?
- Bizga islom moliyasidan xabar bergan ustozning qiziqtiruvi bilan yillar o'tib ilmiy ish vujudga keldi. Sizda ham shunday hissa qo'shish yo hissa olish imkoni bor.
- Yaqinda ham yurtimizda islomiy moliyaviy yechimlar deyarli yo'q edi. Lekin hozir ko'payib bormoqda, alhamdulillah, va bunda sizning hissangiz bor.

Shunday loyihalardan bo'lgan "Mezon kengashi" kanaliga a'zo bo'lishingizni tavsiya qilaman. Sizga va korxonangizga qator islomiy-yuridik yechimlar taklif qiladi. Kengash asoschilari bundan avval Zakotim loyihasini ham taqdim qilishgan. Alloh ishlariga rivoj bersin.

Dalolat qiling va soha rivojiga hissa qo'shing.

@weareululalbab

4.3k 0 32 79

ULUL ALBAB - The People of Intellect

13 Feb, 08:00

Ko'proq o'qish va kitoblardagini eslab qolish uchun:

1️⃣ Telegramda shaxsiy kanal ochib qo'ying. Unga hech kimni qo'shishingiz shartmas.
2️⃣ Kanalni telegram chatlar orasida "pin" qilib (mixlab) qo'ying. Doim ko'zingizga ko'rinib tursin.
3️⃣ O'qiganingiz yoki o'qishingiz kerak bo'lgan kitoblar ro'yhatini yozib yuring.
4️⃣ Kunlik, haftalik va oylik real maqsad qo'ying.
5️⃣ Kunlik vazifalarga focus qarating. 10/20/30/40 bet bo'lsa ham, o'qimasdan uxlamang.
6️⃣ O'qish jarayonida duch kelganingiz iqtibos, insayt va xulosalarni shaxsiy kanalingizga yozib boring. Vaqtingiz bo'lmasa, ovozli xabar shaklida yozsangiz ham bo'ladi.
7️⃣ Vaqti-vaqti bilan ularni o'qib, eshitib turing. Kamida 2-3 yaqiningizga o'z so'zlaringiz bilan aytib bering. Eslab qolishning eng yaxshi yo'li - amal qilish.
8️⃣ Har safar bir kitobni tugatganingizda ✅ bilan belgilab boring.
9⃣ Har oy 4⃣-band progressini tekshirib turing.

Telegram kanal ishlatishni istamaganlar daftarga belgilasa ham bo'ladi. Faqat bunda daftar ochiq, ko'zga ko'rinib turishi kerak.

@weareululalbab

4.5k 0 111 200

ULUL ALBAB - The People of Intellect

12 Feb, 07:47

Natija emas, vosita bular

Bir kun namozga, Qur'onga, umraga tayyor bo'laman, deb kutmang. Ungacha ibodatni va islohni cho'zib yurmang. Qalbingiz o'zidan-o'zi poklanishi kutmang - qadam tashlang.

- Ehtimol, namozga kirganingizdan keyingina yashashni boshlarsiz, isloh bo'larsiz...

- Ehtimol, Qur'on yodlaganingizdan keyingina qalbingiz poklanar, yumsharsiz...

- Ehtimol, hali tayyormasman, deyotganingiz hajj yo umradan keyingina ruhingizga jon kirar, oxirat uchun yashashni boshlarsiz...

Biz "natija" deb yurgan narsalar "boshlang'ich nuqta"dir, aslida.

@weareululalbab

5.3k 1 108 255

ULUL ALBAB - The People of Intellect

11 Feb, 16:42

"Qanday qilib, axir?!", degan savollarning javobi
"Alloh uchun", bo'ladi...

- YK

@weareululalbab

4.6k 0 26 221

ULUL ALBAB - The People of Intellect

11 Feb, 07:55

Mashinangda yoqilg'i tugab qoldi. Yoqilg'i shahobchasiga borib qarasang, narxlar juda oshibti, lekin benzin o'rniga apelsin sharbati arzon sotilyapti.

Rangi o'xshash, birdek suyuq, baribir hech kim farqiga bormaydi, deb mashina bakini apelsin sharbati bilan to'ldirding. Nima bo'ladi? Butun-boshli mashina buziladi.

Har bir insonda shunday bak bor - qalb. Qalbning markazida Yaratguvchi va "la ilaaha illalloh" kalimasi bo'lishi kerak. Ammo biz unga boshqa inson/narsaning muhabbatini joylaymiz. Bakka quyilgan apelsin sharbati mashinani buzgani kabi Allohga atalgan joyga boshqa muhabbat qo'yilsa, insonni buzadi. (Yasmin Mogaheddan mazmuniy tarjima).

O'ylang: mening "apelsin sharbati"m nima?
Mana shu narsa men va Alloh o'rtasida turibti.
Mana shu narsa meni ilohiy sevgidan to'syapti.

@weareululalbab

6.9k 2 98 275

ULUL ALBAB - The People of Intellect

10 Feb, 08:54

Ramazondan avval "Ongli Muslima: Foundation" (3-mavsum)ga qabul ochilganini e'lon qilamiz!

Loyiha:
- maqsadi: dunyo va din saodati uchun intizom, kuchli ruhiy tarbiyali, shaxsiy rivojlangan/rivojlantiradigan ongli muslima bo'lish yo'lida birlashish;
- kontenti: bir muslima o'ziga zarur dastlabki bilim va amallar;
- muddati: 3 oy, ya'ni 12 hafta, 12 dars;
- dars vaqti: shanba kunlari, 20:00;
- to'lovi: 300.000 so'm (ya'ni oyiga 100.000dan);
- talabi: jidd-u jahd, sabr va vazifalarni bajarish, bajarmasa jarima to'lash.

Insonni yuksak xislatlarga eltadigan qadamlar uchun vazifalar beriladi. Biz faqat ko'maklashamiz, birlashamiz - bajarib-bajarmaslik, erishib-erishmaslik ishtirokchilarga qolgan gap.

FAQAT jiddiy niyatli, oxirigacha boradigan ayol-qizlar to'ldirsin: Ariza to'ldirish
Qabul 19-fevral 23:59da yopiladi ❗️

@weareululalbab

5.9k 0 186 105

ULUL ALBAB - The People of Intellect

9 Feb, 09:01

Birodarga nisbatan salbiy hislaringiz bo'lsa, bu duo (Hashr surasi,10-oyat) Allohning izni bilan:
- qalbda g'ill-u g'ash, gina-kuduratni ketkazish;
- o'rniga yaxshi tuyg'ular hosil bo'lishi;
- ularga duo qilish orqali o'zingizga ham duo olishingizga vasila bo'ladi.

"Insonlarni (to ular musulmon ekan) hech yomon ko'rolmadim. Ularga nisbatan gina saqlash qalbimdan kelmasdi, garchi menga ozor bersalar ham. Sababi haqida o'ylab ko'rdim va yillardan beri shu Qur'oniy duoni o'qib yurganimdan, deb bildim", - deyishdi.

Ikki soniya ajratib, duoni aytishni odat qiling.
Qolganini Allohga qoldiring, qalbingizni O'zi tuzatadi.

@weareululalbab

5.1k 0 190 143

ULUL ALBAB - The People of Intellect

8 Feb, 07:59

Imkon boricha imkonlarni oling.
Hatto u bir dona bo'lsa ham.
Nimayam bo'lardi, demang. Alhamdulillah, deng va berganida oling. U birgina narsa bo'lsa ham.

Bir kun.
Bir qaror.
Bir kitob.
Bir tajriba.
Bir loyiha.
Bir manzil.
Bir inson.
Bir gap kishini ko'p o'zgartirishi mumkin.
Bir yil insonni tubdan boshqacha qilishi mumkin.
"Bir"ginalarni kichik sanamang. Aynan u sizga atalgan ekanligi muhimroq.

O'sha "bir" siz bo'lishingiz ham mumkin.
Allohning izni bilan.

@weareululalbab

5.2k 2 79 183

ULUL ALBAB - The People of Intellect

7 Feb, 08:01

Ramazondan oldin qilinishi kerak:

1️⃣ Qarz ro'zalari bo'lsa, tutish. Nafl ro'zalar bilan tanani hozirdan tayyorlab borish.
2️⃣ Namoz va zikrlarni qayta ko'zdan kechirish va ularni yaxshilash. Yangi duolar yodlash.
3️⃣ Qur'on bilan aloqani yangilash va mustahkamlash. Har kuni o'qish odatini hozirdan shakllantirish.
4️⃣ Bu Ramazon nimaga erishmoqchiligimizni aniqlash. Ko'proq tilovat, tafsir, hifz? Ko'proq qiyom?
5️⃣ Ramazondagi kun tartibiga bugundan tushishga intilish. Ish, o'qish, dars, uyquni tartiblash.
6️⃣ Iftorlik va saharlik uchun taomnomalar tayyorlash. Isrof qilmaslik, sog'lom yeb-ichish choralarini ko'rish.
7️⃣ Ruhiy holatimizni yaxshilash uchun kuniga kamida 1ta ma'ruza eshitish. Aynan Ramazon haqidagilarini ham.
8️⃣ Allohdan Ramazonga yetkazishini, vaqtimizga baraka berishini va qabul bo'luvchi ibodatlarga yo'naltirishini so'rab duo qilish.

Ramazon boshlanganda ko'pchilik moslashib olgunicha oyning yarmi o'tib bo'ladi. Shunga tayyorgarlikni oldindan ko'rish foyda.

@weareululalbab

6.7k 0 197 230

ULUL ALBAB - The People of Intellect

6 Feb, 07:55

Bular uchun umr bo'yi tirishib yashaymiz. Bilmaymizki, bizni yemiradigan, oxiri yakson qiladigan ham aynan shular:

▫️ish va karyera - robot qilib;
▫️komfort - dangasa qilib;
▫️tan olinish - ujbli va kibrli qilib;
▫️uzluksiz samaradorlik - fe'lni toraytirib;
▫️vaqtincha rohat - nafsning quli qilib;
▫️ko'ngilyozdi - o'limni unuttirib;
▫️mansab va shuhrat - Allohdan boshqasidan kuttirib;
▫️pul va boylik - isrofgar ba baxil qilib...

Qarmoqqa o'xshaydi. O'ziga chaqiradi.
Unga yetishilganda, insonni o'ldiradi.

@weareululalbab

5.4k 1 90 258

ULUL ALBAB - The People of Intellect

5 Feb, 07:55

Til (xususan, ingliz tili) o'rganib, ozini native speaker deb o'ylayotganlarga

Ba'zi tillar qo'polroq.
Ba'zilarida qo'pollik osonroq.
Fahsh osonroq, ochiqroq.
Kimgadir o'xshashingiz shartmas.
Kino, qo'shiqlardagi yomon so'zlarni aytishingiz shartmas.
Ular ishlatadigan lug'at boyligi (to'rirog'i kambag'alligi)ni ishlatishingiz shartmas.

O'sha tilda oson aytayotgan gap-so'zlaringizni ona tilingizda aytingchi. Aytolarmikinsiz?!
O'sha yomon so'zlarni o'zbek tilida ham aytganda, yuz qizarmasmikin?!

Tilingiz - dilingiz.
Siz g'arb tilini o'rganing, axloqini emas.
Axloqni esa Qur'on va jannat tilidan oling.

@weareululalbab

6.3k 0 72 395

Показано 20 последних публикаций.

5 562

подписчиков

Статистика канала

Язык сайта

Ваш доход с телеграм-канала

Заработок с телеграм-канала

Доход с телеграм-канала

ULUL ALBAB - The People of Intellect

Гео и язык канала

Категория

5 562

Популярное в канале