UTG.UZ

🚒“Urganchtransgaz” UK tasarrufidagi Qoraqalpog‘iston va Tuley magistral gaz quvurlari boshqarmasida favqulodda yuz berishi mumkin bo‘lgan vaziyatlarda Favqulodda vaziyatlar davlat xizmati hududiy bo‘linmalari va magistral gaz quvurlari boshqarmasi xodimlarining birgalikdagi harakatlari bo‘yicha maxsus-taktik o‘quv mashg‘ulotlari o‘tkazildi.

🚑Tadbirlarda ishchi-xodimlarning mutasaddi tashkilot mutaxassislari bilan hamkorlikda bajaradigan ishlari sinovdan o‘tkazildi. Mutaxassislar tomonidan mashg‘ulotlar jarayoni baholanib zarur tavsiyalar berildi.

🌐 UTG.UZ |💬 Facebok |📷Instagram|▶️YouTube|👉 Telegram

Buxoro viloyati, Gazli hududi.
Havo harorati -8 daraja sovuq

Magistral gaz quvurida yuzaga kelgan nosozlikni taʼmirlash-tiklash ishlari amalga oshirilmoqda.

Eslatib oʻtamiz, tabiiy gaz zaxira gaz quvuri orqali hech bir uzilishsiz oʻtkazilyapti va uning isteʼmolchilarga yetkazilishi shtat rejimida davom etmoqda.

🌐 UTG.UZ |💬 Facebok |📷Instagram|▶️YouTube|👉 Telegram

✨Navoiyga ehtirom

♨️"O‘ztransgaz" AJ ijroiya apparatida  9-fevral – Alisher Navoiy tavallud topgan sanaga bag‘ishlab maʼrifiy tadbir o‘tkazildi. Navoiyshunos mutaxassis ishtirokidagi uchrashuvda so‘z mulkining sultoni, davlat va jamoat arbobi Alisher Navoiyning hayoti, ijodi va ma'naviy merosining ahamiyati haqida muhim maʼlumotlar berildi. Taʼkidlanishicha,

– Navoiy merosini o‘rganish nafaqat adabiyotshunoslar, balki har bir ziyoli insonning maʼnaviy yuksalishida muhim o‘rin tutadi. Har bir inson buyuk shoir ijodi orqali o‘zining shaxsiy kamoloti va maʼnaviy taraqqiyotiga ulkan hissa qo‘shishi mumkin. Navoiyning asarlari orqali nafaqat o‘zbek adabiyoti va tilining yuksak salohiyatini anglash, balki umumbashariy qadriyatlar, insonparvarlik, maʼrifat va axloqiy yuksalish borasida chuqur bilimga ega bo‘lish mumkin.

Tadbirda ishchi-xodimlar ham so‘zga chiqib, shoir g‘azallaridan o‘qib berishdi.

🌐 UTG.UZ |💬 Facebok |📷Instagram|▶️YouTube|👉 Telegram

Xalqqa xizmat qilish davlat xizmatchilari uchun muhim qoidaga aylanmoqda

Mamlakatimiz Prezidentining 2024-yil 18-iyuldagi "Nogironligi bo‘lgan shaxslarga qulay va to‘siqlarsiz muhit yaratish bo‘yicha qo‘shimcha chora-tadbirlar to‘g‘risida"gi qarori talablariga ko‘ra "O‘ztransgaz" AJ tizimidagi murojaatlar bilan ishlovchi masʼul xodimlardan 3 nafari surdotarjimonlik kurslarida tahsil olishdi. Darslarda ularga imkoniyati cheklangan fuqarolarni tushuna olish va javob qaytarish bo‘yicha zarur ko‘nikmalar berildi.

Mashg‘ulotlar yakuni bo‘yicha sinovda ijobiy natijaga erishgan mutaxassislarga maxsus sertifikat topshirildi. Bu o‘z navbatida murojaatchilar qabulida surdotarjimon mutaxassining bo‘lishi va o‘zaro muloqotlarda murojaatchilarni yaxshi tushunish, ularga kerakli javoblarni bevosita yetkazish imkonini berishi bilan ahamiyatli.

🌐 UTG.UZ |💬 Facebok |📷Instagram|▶️YouTube|👉 Telegram

Yoqilgʻi-energiya resurslaridan noqonuniy foydalanish bilan bogʻliq holatlarni fosh etishga qaratilgan nazorat tadbirlari davom etmoqda.

Tadbirlarda aniqlanishicha, Samarqand viloyati Tayloq tumanidagi “E.L” xususiy korxonasi rahbari Sh.L. jamiyatga qarashli novvoyxonadagi 7 ta tandirni oʻzboshimchalik bilan tarmoqqa ulab, 760 mln soʻmlik tabiiy gazni talon-toroj qilgan.

Hozirda mazkur holat boʻyicha Tаyloq tumani prokuraturasi tomonidan Jinoyat kodeksining 169-moddasi 4-qismi “a” bandi bilan jinoyat ishi qoʻzgʻatilib, dastlabki tergov harakatlari olib borilmoqda.
——
Shuningdek, Yangi Namangan tumanidagi yakka tartibdagi tadbirkor A.G. va fuqaro Sh.X.lar oʻziga qarashli savdo doʻkonini elektr tarmogʻiga hisoblagichdan tashqari oʻzboshimchalik bilan ulashi oqibatida 245 mln soʻmlik elektr energiyasini oʻgʻrilik yoʻli bilan talon-toroj qilgan.

Mazkur holat yuzasidan Jinoyat kodeksining 169-moddasi 4-qismi “a” bandi bilan jinoyat ishi qoʻzgʻatilgan.Dastlabki tergov davomida jamiyat tomonidan yetkazilgan zarar toʻliq undirilishi taʼminlandi.

Hurmatli tadbirkorlar!

Faoliyatingiz davomida energiya resurslaridan qonuniy tartibda va oqilona foydalaning.

Huquqni muhofaza qiluvchi va nazorat organlari tomonidan tabiiy gaz va elektr energiyasidan noqonuniy foydalanish holatlarini fosh etishga qaratilgan kuchaytirilgan reyd tadbirlari davom etmoqda.

Shuni unutmangki, energiya resurslaridan qonunga xilof ravishda foydalanish holatlari fosh etiladi va jazo muqarrarligi ta’minlanadi.

🌐 UTG.UZ |💬 Facebok |📷Instagram|▶️YouTube|👉 Telegram