Joriy yilning 3-fevral kunidan Toshkent davlat transport universiteti bilan “Oʻztemiryoʻlyoʻlovchi” AJ oʻrtasidagi hamkorlik shartnomasiga asosan vagon kuzatuvchilari uchun moʻljallangan bir haftalik malaka oshirish kurslarida oʻquv mashgʻulotlari boshlandi.

Mashgʻulotlarga universitetning yetakchi professor-oʻqituvchilari jalb qilingan. Hozirgi kunda 50 nafar vagon kuzatuvchilari mazkur oʻquv kurslarida kasbiy faoliyat uchun zarur boʻlgan bilim va koʻnikmalarni oʻzlashtirishmoqda. Oʻquv kursi yakunida tinglovchilar malaka imtihonlari topshirishadi hamda muvaffaqiyatli topshirgan tinglovchilarga sertifikat taqdim etiladi.

Mazkur oʻquv kurslari vagon kuzatuvchilarida sohaga oid zamonaviy bilimlarni egallash bilan bir qatorda kasbiy kompetentligini yuksaltirishga ham xizmat qiladi.