UzChess

O‘tgan yil davomida FIDE bilan hamkorlik boshlanganida katta umidlar paydo bo‘lgandi: Chess960 Jahon Chempionatini o‘tkazishdan tortib, o‘yinchilar uchun qulay jadval tuzish va ularni noqulay to‘qnashuvlardan himoya qilishgacha bo‘lgan rejalar muhokama qilingan edi. Biroq oxir-oqibat o‘yinchilarga tahdid qilish, sanksiyalar bilan qo‘rqitish va bosim ostida shartnoma imzolashni talab qilish kabi holatlar paydo bo‘lib, ziddiyatli vaziyat yuzaga keldi.

“Freestyle Chess Grand Slam Tour” hech qachon an’anaviy Jahon Chempionatini o‘rnini egallash yoki FIDEdan “kattaroq” ekani haqida da’vo qilmagan. Biz shunchaki har mavsumda Freestyle Chess chempionini aniqlaymiz, kelajakda esa Chess960 yoki boshqa shakllarni ham qamrab olishimiz mumkin. FIDE barcha shaxmat turlari ustidan cheksiz huquqga ega emas, “jahon” atamasiga ham to‘liq egalik qilmaydi. Shuningdek, kuchli o‘yinchilarga tahdid qilishga asos yo‘q, chunki ular hech qanday qoidabuzarlik sodir etmagan.

Freestylening har yili FIDEga 100 ming dollar ajratish taklifi rad etildi. Aksincha, FIDE 500 ming dollar talab qildi, bu esa tashkiliy ishlarda ishtirok etmaydigan FIDEning asosiy maqsadi moliyaviy manfaat ekanini ko‘rsatadi. Homiylarimizning aksariyati FIDE bilan hamkorlik qilishni istamaganligi bois, Freestyle mustaqil qolishni ma’qul ko‘rdi. Freestyle’ning maqsadi — o‘yinchilarni siyosiy bosimlardan xoli muhitda o‘ynash imkoniyati bilan ta’minlash. Agar FIDE bosimni davom ettirsa, biz o‘yinchilarni huquqiy va tashkiliy jihatdan himoya qilishga tayyormiz.

Mojaroni chuqurlashtirmasdan, FIDE konstruktiv muloqotga qaytishi, musobaqalar va shaxmat hamjamiyati manfaatlari yo‘lida hamkorlik qilishi kerak. Tahdid va sanksiyalar adolatli raqobat tamoyillarini buzadi hamda shaxmatga bo‘lgan hurmatga putur yetkazadi. Freestyle doimo muloqotga ochiq. Biz hali ham FIDEga har yili 50 ming dollar to'lashga tayyormiz.