⚠️ O‘zbekiston Respublikasi Prezidentining 2024-yil 6-maydagi PF-73-sonli “O‘zbekiston Respublikasida giyohvandlik vositalari va psixotrop moddalarning noqonuniy aylanmasiga chek qo‘yish orqali ularning aholi salomatligi va mamlakatimiz genofondiga salbiy ta’sirini bartaraf etish strategik chora-tadbirlari to‘g‘risida”gi Farmoni ijrosini ta’minlash maqsadida “Mutlaq yovuzlik” nomli 4-qismli to‘liq metrajli hujjatli filmni tasvirga olish ishlariga start berildi.

🎞 Ushbu kartina Madaniyat vazirligi huzuridagi Kinematografiya agentligi direktorining 2024-yil 20-maydagi 56a-sonli buyrug‘iga muvofiq “O‘zbekiston milliy kinofondi” Davlat muassasasi tomonidan ishlab chiqarishga tushirilgan bo‘lib, yurtimizda giyohvandlik va narko jinoyatlarning noqonuniy aylanmasiga chek qo‘yish, aholi, ayniqsa, xotin-qizlar va yoshlarda “giyohvandlikka qarshi ayovsiz immunitet”ni shakllantirishga qaratilgan.

“Mutlaq yovuzlik” to‘liq metrajli hujjatli filmning ilk tizerini hoziroq yuqorida ushbu xabarga qadalgan videolavha orqali tomosha qilishingiz mumkin.

Ma’lumot uchun, noodatiy uslubda suratga olinayotgan ushbu hujjatli filmning to‘liq premerasi joriy yilning 26-iyun sanasida bo‘lib o‘tishi rejalashtirilgan.
Film rejissyori: Eljon Abbasov
Kartina direktori: Baxtiyor Asilov
Operator: Rahmatilla Yakubov.

🎞 Kinematografiya agentligi Axborot xizmati

🌐 Website 🔵Facebook 📷Instagram 🚀Telegram❕