Гудоклар ялинди, бермадинг жавоб.
Тутдай тўкилмоқда сўнгги тоқатлар..
Сендан беш дақиқа сўрадим, ҳолос
Ёниб кетмайдими қолган соатлар.

Беш дақиқа - менинг дақиқаларим.
Ҳар бир лаҳзасига тўшалсин юрак.
Ширин нафасингдан ёрилиб кетиб,
Тўрт ярим дақиқа яшасам керак..

Гудоклар ялинди, бермадинг жавоб.
Тутдай тўкилмоқда сўнгги тоқатлар..
Шу беш дақиқага вафони жо эт,
Майли, жафо қилсин қолган соатлар.

Беш дақиқа - менинг умрим мазмуни,
Изламайман қолган умримдан маъни.
Ўтиниб сўрайман, қизғонма мендан
Беш кунлик дунёда беш дақиқани..

Гудоклар ялинди, бермадинг жавоб...
"Изҳорни кам қилдинг"- дея койима,
Барча изҳорларим юракда асли.
Ажратинг деганим бешгина холос,
Дақиқалар қадрин ўргатай сенга.
Гудоклар ялинди бермадинг жавоб..

❤Artìkoff Live❤