Bank | Moliyaviy savodxonlik

Bayram kunlari ham bir qator banklar xizmatlaridan foydalanishingiz mumkin!

8-martdan 10-martga qadar quyidagi banklarning valyuta ayirboshlash va pul o‘tkazmalari shoxobchalari faoliyat olib boradi:

🏦 Ipak yo'li bank
🏦 Milliy bank
🏦 "Biznesni rivojlantirish banki" ATB
🏦 Agrobank
🏦 Hamkorbank
🏦 Trastbank
🏦 Turonbank
🏦 Aloqabank
🏦 Sanoatqurilishbank
🏦 Xalq banki
🏦 Asakabank
🏦 Infin bank
🏦 Ipoteka bank OTP group
🏦 Garant bank
🏦 Mkbank
🏦 Asia Alliance bank
🏦 Orient Finans Bank
🏦 Tenge bank

Shu bilan birga, “24/7” rejimida ishlovchi avtomatlashtirilgan valyuta ayirboshlash bankomatlari orqali valyuta ayirboshlash amaliyotlarini kun-u tun amalga oshirishingiz mumkin.

@uzbankinfo

O‘z huquqini talab qilgan mijoz tufayli siz ham o‘sasiz!

#mulohaza

⁉️Nega mumkin emas? Nega bundan ko’p summani o’tkaza olmayman? Nega tasdiqlovchi xujjat talab qilyapsiz? Qayerda yozilgan?...

Ko‘pchilik bank xodimlari mijozning o’z huquqini bilish yo’lida bergan savollarini negativ yoki muammo deb qabul qiladi. Ammo aslida, bunday mijozlar sizni o‘stiradi! Qanday qilib deysizmi? Quyida bankda ishlash davomida orttirgan tajribamdan kelib chiqib, sizga ham tushuntirib berishga harakat qilaman.

🔻Yangi bilim va tajriba orttirasiz
Mijoz savol beradi, e’tiroz bildiradi – siz esa javob izlaysiz. Bu jarayonda yangi qonun-qoidalarni o‘rganasiz, shartnomalarni chuqurroq tahlil qilasiz va bilimlaringiz mustahkamlanadi. Shaxsan o’zimda bu holat ko’p takrorlanar edi. Ayniqsa, naqdsiz to’lovlar endi rivojlanayotgan vaqtlarda, o’z plastik kartangizdan boshqa shaxs uchun to’lov qilishga cheklov bor edi (hozir bu qanchalik noreal va mantiqsiz tuyulmasin, o’sha vaqtda rasmiy xujjatlarda bunday cheklov yozilgan edi), mijozlar ko’p e’tiroz bildirar edi. “O’zimni shaxsiy pulim, nega xohlagan joyimga o’tkaza olmayman” - deb. Mijozga tegishli Yo’riqnomani tegishli bandini ko’rsatib, batafsil ma’lumot berar edik: “Hurmatli mijoz, siz pulingizni o’tkazish uchun bankga olib kelyapsiz. Pul mablag’lari bank hisobraqamidan o’tadi. Bankda o’ziga yarasha tegishli tartib o’rnatilgan. Mana bu yerda bu haqida yozilgan…”.

Unutmang, har qanday cheklov yoki rad etish ortida qonuniy asos bo’lishi kerak! Va buni mijozga to’g’ri yetkazib bera olmasangiz, mijozni bank haqidagi tasavvuri sizning timsolingizda juda saviyasiz ko’rinib qolishi mumkin va bu holat bank uchun katta reputatsion risk hisoblanadi.

🔻Muammoni hal qilish bo‘yicha tajribali mutaxassisga aylanasiz
Ba’zan mijoz haqli bo‘ladi, ba’zan esa xato qiladi. Lekin har qanday vaziyatni professional tarzda boshqarishni o‘rgansangiz, kelajakda murakkab muammolarni oson hal qilasiz. Muammo, savol, e’tirozlarni oldindan ko’ra bilasiz va ularni yuzaga kelishidan avval tegishli qarorlar va yechimlarni joriy qilishga kirishasiz.

🔻Muloqot mahoratingiz oshadi
Hamma mijoz ham muloyim emas. Kimdir baland ovozda gapiradi, kimdir esa to‘g‘ridan-to‘g‘ri shikoyat yozadi. Ammo siz xotirjam qolib, to‘g‘ri muloqot qilishni o‘rgansangiz, har qanday odam bilan ishlash siz uchun oson bo‘ladi. Bu sizga kelajakda katta-katta muzokaralarda ishonch bilan qatnashish, har bir nutqingizda muammo va unga yechim berish kabi ko’nikma shakllanishiga sabab bo’ladi. Ayniqsa, e’tirozlar bilan ishlash kabi ko’pchilikda yetishmaydigan xislatga ega bo’lasiz.

📝Xulosa: Har qanday savol ortida siz izlanasiz va bu sizga ulkan tajriba va bilim beradi. Tadqiqotlarga ko’ra, birov o’rgatganidan ko’ra o’zingiz izlanib, o’rgangan ma’lumotingiz yodingizda uzoq vaqt qoladi. Shuning uchun, mijozning shikoyati yoki talabidan qo‘rqmang. Aksincha, uni tajriba sifatida qabul qiling va undan maksimal foyda oling! O’ylab ko’ring, agar shu savol berilmaganida siz izlanmagan va o’rganmagan bo’lar edingiz ehtimol…

✈️Ushbu postni yosh bankirlarga jo’natib qo’ying! Kelajakda muvaffaqiyatli karyera qurishda va yetuk bank mutaxassisi bo’lishida foydali bo’ladi degan umiddaman.

✅Kanalga obuna bo’lib qo'ying! Bankdagi faoliyatim davomida orttirilgan hayotiy va kasbiy tajribalar bilan ulashib boraman!
@uzbankinfo

Shikoyat qiladigan mijoz – eng yaxshi mijoz!

#mulohaza

Ko‘pchilik shikoyat qiladigan mijozni muammo deb hisoblaydi. Nafratlanib qaraydiganlar ham bor. Lekin aslida, u eng yaxshi mijoz hisoblanadi! Nega deysizmi? Chunki u bizga bepulga bankdagi kamchiliklarni topib, aniqlab beradi.

✅ Muammoni ko‘rsatadi. Ko‘pchilik mijozlar muammoga duch kelganda jim ketadi yoki boshqa bank xizmatidan foydalanadi. Bu degani bir mijoz ortidan, kelajakda bankga mijoz bo’lishi va foyda keltirishi mumkin bo’lgan o’nlab, yuzlab ushbu norozi mijozning tanishlari va do’stlarini ham yo’qotishi mumkin. Shikoyat qilgan mijoz muammoni ochiq aytadi, bu esa uni tuzatish imkonini beradi. Bunday vaziyatda holatga holisona yondashib, agar ushbu jarayon haqiqatda noto’g’ri yoki ortiqcha ovoragarchiliklarni keltirib chiqaradigan bo’lsa va uni optimallashtirishning imkoni bo’lsa, darhol amalga oshirish maqsadga muvofiqdur.

✅ Yaxshilanish uchun imkon yaratadi. Agar mijoz norozi bo‘lsa va shikoyat qilsa, bu bizga o‘z xizmatlarimizni yanada yaxshilash uchun signal bo‘ladi. Bunday vaziyatda eng asosiysi mijozning asosli e’tirozini chetda qoldirmaslik. Qisqa fursatda xizmatlarni takomillashtirish bank tomonidan doimiy ravishda mijozlar uchun ma’qul keladigan va foyda keltiradigan mahsulotlar ishlab chiqishiga zamin yaratadi.

✅ Haqiqiy tahlil uchun asos. Statistikaga qaraganda, faqat 1 ta shikoyat qilgan mijoz ortida o‘nlab indamay ketgan norozi mijozlar bo‘lishi mumkin. Agar bitta shikoyatga jiddiy e’tibor berilsa, katta muammolarni oldini olish mumkin. Agar e’tibor qaratilmasa, bank xizmatlaridan voz kechgan mijozlar soni o’nlab, yuzlab va hatto undan ham ko’pga borishi hech gap emas!

✅ Ishonchli bank bo‘lishimizga yordam beradi. Mijoz shikoyat qildi – demak, u hali ham bizga ishonadi va muammoni hal qilishimizni kutadi. Agar biz bu ishonchni oqlasak, mijoz doimiy va sodiq bo’ladi, chunki mijoz o’zini kerakligini va eshitilayotganligini his qiladi. Bu esa juda muhim hisoblanadi!

🚀 Xulosa: Shikoyat qilgan mijozdan xafa bo‘lish o‘rniga, unga rahmat aytish kerak! Chunki u bizga qimmatli ma’lumot beradi va yaxshiroq xizmat ko'rsatishimizga yordam beradi.

Siz qanday fikrdasiz? Mijoz shikoyati bilan ishlash borasida qanday tajribangiz bor? Fikrlaringizni yozib qoldiring!

@uzbankinfo

Shunchaki eslatib qo'ymoqchiman... Bayram yaqinlashgani sari narx-navo ham oshadi! Kredit satvkalari ham oshib ketishi mumkin 😁😇

Bankda ishni filialda sotuv bo‘limidan boshlang...

Ko‘pchilik bankda ishlashni bosh ofisda boshlashni orzu qiladi. Lekin men sizga tavsiya qiladigan yo‘l – filialda sotuv bo‘limida ish boshlash! Nega aynan shu yo‘lni tanlash kerak? 14 yillik tajribamdan kelib chiqib tushuntiraman:

1) Bank mahsulotlarini sotishni o‘rganasiz. Filialda ish boshlagan inson real mijozlar bilan bevosita ishlaydi va mahsulotlarni qanday targ‘ib qilishni tushunib yetadi. Eng asosiysi, unda muomila madaniyati shakllanadi. Qaysi mahsulotlar uchun talab katta, qaysilariga esa kam bo’layotganini va bunga sababni ayni ushbu mahsulot iste’molchilari – ya’ni mijozlarning o’zidan bilib olishingiz mumkin bo’ladi.

2) Biznes jarayonlarni o‘z ko‘zingiz bilan ko‘rasiz. Har bir bank mahsuloti qanday sotilishini, rasmiylashtirilish jarayoni qanday kechishini, qaysi mahsulot qaysi mijozlar uchun mos ekanini o‘rganasiz. Bu sizga mahsulot sotishda qaysi bo’limlar o’zaro bog’langanini (front, bek, bosh ofis va boshqalar) yaxshi tushunishingizga, biznes jarayonlardagi ortiqcha qadamlarni va muammoli nuqtalarni aniqlashga yordam beradi.

3) Mijozlarning dardi va talablarini tushunasiz. Filialda ishlagan odam mijozlarning og‘riqli nuqtalarini bilib oladi. Qaysi xizmat mijozlarga qulay, qaysinisi esa qiyinchilik tug‘diradi – bularning barchasini ichidan ko‘rgan inson kelajakda yaxshi mutaxassis bo‘ladi. Muammoli mijozlarni ko’radi, ularni muammosi nimada ekanini tushunadi va muammoga yechim qidirishga urinadi. Bir so’z bilan aytganda – mijozning bank haqidagi tasavvuri aynan sotuvchi bank xodimlariga qarab shakllanadi. Bank xodimi bu o’z navbatida bankning “yuzi” ham hisoblanadi. Agar biror mijozga qo’pol muomila qilsangiz, u sizni emas, bankni yomon ko’rib qoladi. Bu mas’uliyatni chuqur tushunish juda muhim hisoblanadi.

4) Bosh ofisdagi muammolarni tushunadigan kadr bo‘lasiz. Ayrim bosh ofis xodimlari filialdan telefon bo‘lsa, javob bermaydi yoki telefon ovozini o’chirib qo’yadi... Nega? Chunki katta ehtimol bilan ular filialdagi jarayonlarni yaxshi tushunmaydi yoki filialda ishlamagan. Aytaylik, filialda ishlaydigan bank xodimi yonida mijoz e’tiroz bildirib tursa, uning muammosini bo'yicha bosh ofis xodimga telefon qilsangiz, u javob bermasa… Vaziyatdan o’zingiz chiqishingizga to’g’ri keladi. Men o‘zim karyeramni bosh ofisda boshlaganman. 2 yildan keyin boshqa bankda chakana biznes bo’limida ishimni davom ettirganman va buni o‘zim his qilganman. Keyinchalik yana bosh ofisga qaytganda esa filial xodimlarining qo‘ng‘iroqlari ortida real mijoz muammosi yotganini aniq tushunardim.

5) Kelajakda yaxshi rahbar bo‘lishingiz uchun mustahkam poydevor yaratasiz. Rahbarlik qilish uchun faqat nazariy bilim emas, real tajriba ham kerak. Filialda ishlagan inson kelajakda yaxshi boshqaruvchi bo‘ladi, chunki u tizimning ichidan qanday ishlashini biladi. Qaysi biznes jarayonlarda qanday muammoli va zaif nuqtalar borligini, qaysi ishni bajarishga qancha vaqt ketishini, qaysi xodimda qanday “объём” borligini juda yaxshi anglaydi va uni aldashni hayolingizga ham keltirmasangiz bo’ladi. Chunki, “siz o’qiyatgan kitobni u yozgan bo’ladi”.

O‘z tajribam: Men ishni bosh ofisda boshlaganman. 2 yil ishlaganimdan keyin filialga o‘tib, jismoniy shaxslar bilan ishlash bo‘limida tajriba orttirdim. O‘sha vaqtda omonat rasmiylashtirish eng qiyin jarayon edi, chunki mijozga juda ko’p hujjatga qo’l qo’ydirish kerak edi va bu kamida 30 daqiqa vaqtni talab etardi. Taqdir taqozosi bilan, oradan 6 yil o‘tib, boshqa bank bosh ofisida aynan chakana biznes yo’nalishida ish boshladim va sherigim bilan birinchi qilgan ishimiz – bu aynan chakana bank mahsulotlari bo’yicha jarayonlarni optimallashtirish va hujjatlarni qisqartirishdan boshlangan. Agar avval filialda ishlamagan bo‘lganimda, bu muammoni tushunmagan va hal qila olmagan bo‘lardim.

Xulosa: Bankda muvaffaqiyatli karyera qilishni xohlasangiz, ishni filialdan boshlang! U yerda haqiqiy tajriba, real bilim va kelajakdagi karyerangiz uchun mustahkam poydevor bor.

Siz bu haqda qanday fikrdasiz? Fikr-mulohazalaringizni kutib qolaman😇

@uzbankinfo

⚡️Subsidiyaga ariza berish haqida batafsil ma'lumot

Bugun, 3 martdan O‘zbekistonda ipoteka kreditlari bo‘yicha subsidiya uchun arizalar qabul qilish boshlandi.

Buning uchun Davlat xizmatlari markazlariga bevosita borish yoki “my.gov.uz” portali orqali mustaqil ravishda ariza topshirish mumkin.

Subsidiyani ajratishda ijtimoiy mezon ishlab chiqilgan va arizachilar bir nechta mezonlar bo‘yicha ball to‘plashi mumkin.

Oylik maoshga qarab hududlarda (Qoraqalpog‘iston va viloyatlar) quyidagicha ball beriladi:

🔻 MHTEKMning 2,7 barobaridan 7 barobarigacha yoki 3 118 500 so‘mdan 8 085 000 so‘mgacha — 10 ball;
🔻 MHTEKMning 7 barobaridan ko‘p va 8 barobarigacha yoki 8 085 000 so‘mdan 9 240 000 so‘mgacha — 5 ball.

Toshkent shahrida esa quyidagicha:

🔻 MHTEKMning 2,7 barobaridan 8 barobarigacha yoki 3 118 500 so‘mdan 9 240 000 so‘mgacha — 10 ball;
🔻 MHTEKMning 8 barobaridan ko‘p va 9,2 barobarigacha yoki 9 240 000 so‘mdan 10 626 000 so‘mgacha — 5 ball.

Butun mamlakat bo‘ylab ariza beruvchi yoki uning oilasiga tegishli mulk yoki turar-joy bo‘lmasligi — 20 ball.

"Labor-migratsiya" dasturida ro‘yxatdan o‘tgan mehnat migranti — 10 ball.

Olis yoki chekka hududlarda mehnat faoliyatini amalga oshiruvchi mutaxassislar, tibbiyot xodimlari — 5 ball.

30 yoshgacha bo‘lgan yoshlar — 5 ball.

O‘g'ir ijtimoiy ahvolga tushib qolgan ayollar (ajrashgan, beva yoki yolg‘iz onalar) — 5 ball.

“Tibbiy ijtimoiy ekspertiza” tizimidan ro‘yxatdan o‘tganlar — 5 ball.

Umumiy yig‘ish mumkin bo‘lgan maksimal ball — 35 ball.

Subsidiyalar qancha miqdorda beriladi?

2024 yildan boshlab yangi uylar uchun ipoteka kreditlariga subsidiyalar qat’iy belgilangan 30 mln. so‘m miqdorida to‘lab berilmoqda.

Talabgor xohishiga ko‘ra, subsidiya quyidagi tartibda ham to‘lanishi mumkin:

🔻 Dastlabki to‘lovning bir qismini qoplash uchun — ajratiladigan kreditning 15 foizi miqdorida;
🔻 Foiz to‘lovlarining bir qismini qoplash uchun — kredit muddatining birinchi 5 yili davomida 12 foizdan oshgan qismiga.

O‘zbekistonliklarga subsidiya asosida ipoteka krediti Qoraqalpog‘iston Respublikasi va viloyatlarda 330 mln so‘mgacha, Toshkent shahrida esa 420 mln. so‘mgacha beriladi.

Agar dastlabki to‘lovning bir qismini qoplash tanlansa, 50 mln. so‘mgacha subsidiya olish mumkin bo‘ladi.

Qanday holatlarda subsidiya rad etiladi?

🔻 Taqdim etilgan arizada ko‘rsatilgan ma’lumotlar ijtimoiy mezonlarga mos kelmaganda;
🔻 Taqdim etilgan ma’lumotlar noto‘g‘ri yoki soxta bo‘lganda;
🔻 Ilgari imtiyozli ipoteka kreditlaridan foydalangan holda subsidiya olganlar (avval olingan uy-joy boshqa shaxsga begonalashtirilgan bo‘lsa ham) takroriy murojaat etganda;
🔻 Joriy yilda hudud uchun ajratiladigan subsidiya soni tugaganda.

Shunday qilib, my.gov.uz portaliga kirib, “Ipoteka krediti uchun davlat subsidiyasini olishga ariza berish” xizmati orqali hoziroq ariza topshirishingiz mumkin!

@uzbankinfo

Alohida to'lov evaziga omonat yoki kreditga chiroyli foiz stavkasini o'rnatib beramiz:

🔻ipoteka - 17,71% yoki 17,77%;
🔻avtokredit - 27,72% yoki 27,77%
🔻mikroqarz - 39,93% yoki 39,99%
🔻omonat - 22,22% yoki 24,42%

Ushbu g'oyani amaliyotga tadbiq qilgan bank, har bir tranzaksiyadan manga mualliflik huquqi uchun 7,77% to'lashi kerak bo'ladi😂😂😂

NBU ishga chorlamoqda📝

#vakansiya

Namangan viloyati Bosh boshqarmasi BXM/BXO lariga mutaxassis (stajyor) lavozimiga

Talablar:

🔹Tugallangan oliy (yoki bitiruvchi kurs) Iqtisodiy ma’lumotga ega bo’lish
🔹30 yoshgacha bo'lish

Rezyumelar 2025 yil 10-martgacha qabul qilinadi!

Ariza topshirish

Bank sohasi bo'yicha eng sara kontentlar va vakansiyalar ushbu kanalda 👉 @uzbankinfo

OBUNA BO'LING✅