QISHLOQ XO'JALIGI VAZIRLIGI

🌱🌱🌱🌱🌱🌱

Dorivor issop (hyssopus): u o‘zida qanday foydali xususiyatlarni jamlagan?

✅Ushbu shifobaxsh o‘simlik qadimdan tibbiyotda keng qo‘llanilib kelinadi. Uning tarkibidagi fotokimyoviy moddalar yallig‘lanishni kamaytirishga yordam beradi. Shamollash, bronxit va boshqa nafas yo‘llari kasalliklarini bartaraf etishda birlamchi vosita sifatida ko‘riladi.

🍃O‘simlik yo‘talni yengillashtiradi va nafas olish yo‘llarini tozalashga yordam beradi. Shuningdek, teri yaralari va kesiklarini davolashda qo‘llaniladi. Qolaversa, oshqozon va ichak faoliyatini yaxshilash, ovqat hazm qilish tizimidagi muammolarni yengillashtirish xususiyatiga ham ega.

🔵Uni qanday yetishtirish mumkin?

🔘Dorivor issop (hyssopus) o‘simligi asosan urug‘idan yoki vegetativ yo‘l bilan ko‘paytiriladi. Uning yaxshi o‘sishi va rivojlanishi uchun unumdor tuproqlar, quyosh yaxshi tushadigan maydonlar tanlanishi kerak. Issop ko‘p yillik o‘simlik bo‘lganligi sababli, uni almashlab ekish dalalariga joylashtirmaslik lozim. Chunki, u bir yerda 20-25 yil davomida hosil berishi mumkin.

💬O‘simlik ekiladigan yerlarni kuzda gektar hisobida 15-20 tonna chirigan go‘ng va 30-40 kg superfosfat, yog‘ingarchilik kam bo‘ladigan mintaqalarda va sizot suvlari chuqur joylashgan tuproqlarda 20 kg dan azot o‘g‘iti berib, yerni 25-28 sm chuqurlikda haydab qo‘yiladi.

❗️Uni urug‘idan ko‘paytirish eng yaxshi usul hisoblanadi. Urug‘ni eng mo‘tadil ekish vaqti oktabr oyining oxiri va noyabr oyining birinchi haftasi hisoblanadi. Urug‘lar chuqurroq (2-3 sm) ekiladi. Ular qurib qolmasligi va mog‘orlamasligi uchun vaqti-vaqti bilan namlab turiladi.

💧Ekishdan oldin yerlar begona o‘tlar qoldiqlaridan tozalanadi, boronalanadi va mola bilan tekislanadi. Havo harorati 15-17°C isiganda egat oralari 70 sm qilib ekiladi. Har bir gektar yerga 4 kg gacha urug‘ sarflanadi. Agar tuproq tarkibida namlik yetishmasa, ekilgandan so‘ng darhol sug‘oriladi.

🌐Website 💬Telegram 💬Facebook 📺YouTube 📷Instagram

🌱🌱🌱🌱🌱🌱

Uy hovlisiga qanday daraxt turlarini ekish mumkin?

🌳Uy hovlisiga ekish uchun bir qancha foydali daraxt turlari mavjud. Ular havo sifatini yaxshilash, soya hosil qilish, meva berish yoki estetik jihatdan go‘zal ko‘rinishni ta’minlash maqsadida tanlanadi. Quyidagi daraxtlar uy hovlilari eng foydali hisoblanadi:

🍒 Mevali daraxtlar:
➖Olma: Ekilishi oson va hosildor daraxt. Bahorda go‘zal gullar, kuzda esa mazali meva beradi.
➖Gilos: Shirin mevalari va bezakli ko‘rinishi bilan yaxshi tanlov.
➖O‘rik: Tez o‘sadi va mazali mevalar beradi.

🌳Soyali daraxtlar:
➖Yong‘oq: Katta va keng soyali, mevalari ham foydali.
➖Akatsiya: Juda tez o‘sadi va issiqda yaxshi soya beradi.

🌺Bezakli daraxtlar:
➖Magnoliya: Bahorda chiroyli gullaydi va juda go‘zal ko‘rinish hosil qiladi.
➖Sireniya (lilak): Xushbo‘y gullari va bezakli ko‘rinishi bilan ma’lum.

ℹ️Shuningdek, har qanday daraxtni ekishda tuproq va iqlim sharoitlariga e’tibor berish muhim. Hovlingizning o‘lchami va boshqa shartlarni inobatga olib, o‘zingiz uchun eng mos daraxtni tanlashingiz mumkin.

🌐Website 💬Telegram 💬Facebook 📺YouTube 📷Instagram

Bodom daraxti: turlari va zararkunandalari

🌱Bodom – yong‘oqsimon mevalilar turkumiga mansub bo‘lib, mamlakatimiz hududida juda keng tarqalgan, qadimdan parvarishlanib kelinadigan daraxtlardan biridir.

✅Hozirgi kunda bodomning 40 ga yaqin turi ma’lum. Osiyo shimoli hamda Markaziy Amerikada, Yevropaning janubida, O‘rta Osiyoda tarqalgan. O‘zbekistonda 5 turi mavjud bo‘lib, ulardan asosan, shirin mag‘izli bodom (A.somminis L.) ekiladi, qolganlari yovvoyi holda uchraydi.

↔️Bodom daraxtiga 20 turga yaqin zararkunandalar zarar keltiradi. Quyida esa uning asosiy zararkunandalari keltirilgan:
– yong‘oq mevaxo‘ri;
– sharq mevaxo‘ri;
– olti nuqtali zlatka;
– bodom zlatkasi;
– akmeodera;
– shiralar.

🌐Website 💬Telegram 💬Facebook 📺YouTube 📷Instagram

Soyaning yangi istiqbolli “Xumo” navi xususiyatlari

🟡Soyaning "Xumo" navi Qishloq xo‘jaligi vazirligi tizimidagi Sholichilik ilmiy-tadqiqot instituti olimlari tomonidan yaratilgan.

O‘suv davri 120-123 kun;
O‘simlik bo‘yi: 145-155 sm;
Ekish me’yori: 50-60 kg/ga;
Ekish muddati: 25-aprel – 5-may;
1000 ta don vazni: 172-174 gr;
Hosildorligi: 32–34 s/ga;
Oqsil: 38-40%;
Moy: 22-26%;

↔️Mexanizatsiya yordamida yig‘ishtirishga qulay va kasalliklarga chidamli.

✅Ushbu nav Qishloq xo‘jaligi ekinlari navlarini sinash markaziga sinov uchun topshirilgan.

🌐Website 💬Telegram 💬Facebook 📺YouTube 📷Instagram

Qishloq xo‘jaligi vazirligida Jamoatchilik kengashi yig‘ilishi: Asosiy qarorlar va kelajakdagi yo‘nalishlar

✅Bugun Qishloq xo‘jaligi vazirligida Jamoatchilik kengashining yig‘ilishi bo‘lib o‘tdi.

🔗Kengash a’zolari va soha vakillari ishtirok etgan mazkur yig’ilishni kirish so’zi bilan ochib bergan vazir Ibrohim Abdurahmonov vazirlikning bugungi kundagi oldida turgan vazifalarini bajarishda ushbu Kengashning ko’makchi, hamfikr bo’lishi naqadar muhim ahamiyatga ega ekanligini ta’kidladi.

🗣Aytish mumkinki, mazkur Kengash tarkibiga nodavlat notijorat tashkilotlar, fuqarolik jamiyati institutlari va turli soha vakillari jalb etilgan bo’lib, bu kengashning mustaqil va xolis faoliyat yuritishini ta’minlashda muhim ahamiyat kasb etadi. Vazir nutqi davomida mana shu jihatlarga ham alohida urg’u qaratdi.

🏓Shundan so’ng, Kengash tarkibi shakllantirilib, a’zolarning ovoz berish yo‘li bilan Kengash raisi etib Chori Latifov, o’rinbosarlikka Adiba Axmedjanova va Bobur Rasulov, kotib sifatida esa ko’pchilikning ovozi bilan Charos Anvarbekova saylandi.

🔄Kengash raisi va a’zolarining taklifiga ko’ra, qator masalalar muhokamaga qo’yildi va guruhlarga bo’lingan holda mavzularni chuqur tahlil qilish, bunda OAV bilan hamkorlik aloqalarini yo’lga qo’yish, jarayonlarni interaktiv usulda tashkil etish va masalalarni hal etishda ijtimoiy tarmoqlardagi imkoniyatlardan foydalanishga doir bir qator vazifalar belgilab olindi.

📌Jumladan, yig’ilish davomida quyidagi besh asosiy masala ko‘rib chiqildi:

– Hududiy darajada amalga oshirilayotgan agrotexnik chora-tadbirlarning samaradorligini o‘rganish va takomillashtirish bo‘yicha takliflar ishlab chiqish;
– Kadrlar tayyorlash va ularning malakasini oshirish mexanizmlarini modernizatsiya qilish, yangi o‘quv dasturlari va treninglar joriy etish masalalari muhokama qilindi;
– HECI dasturining imkoniyatlari va afzalliklarini keng jamoatchilikka yetkazish, uning sohadagi o‘rni va samaradorligini oshirish yo‘nalishida chora-tadbirlar belgilandi;
– Ilmiy-tadqiqot faoliyatini rivojlantirish va innovatsion yondashuvlarni qo‘llab-quvvatlash maqsadida qishloq xo‘jaligi fanlar akademiyasini tashkil etish choralari ko‘rib chiqildi;
– Ichki bozor sharoitida narxlarning o‘zgaruvchanligi bilan bog‘liq muammolarni bartaraf etish va barqaror iqtisodiy sharoit yaratish uchun tegishli choralar muhokama qilindi.

📝Kengashning shaffof va ochiq ishlash prinsipi asosida faoliyat yuritishi, uning beradigan tavsiyalariga asoslanib, qishloq xo‘jaligi tizimida amaliy natijalarga erishish katta ahamiyatga ega ekanligi yana bir bor ta’kidlandi. Shu bois, kengash faoliyatini yanada mustahkamlash va uning takliflarini samarali integratsiya qilish bo‘yicha qo‘shimcha chora-tadbirlar ishlab chiqilishi belgilandi.

❗️Yig‘ilish so‘nggida Kengashning chinakamiga xalqchil, shaffof va adolat tamoyillariga ko‘ra faoliyat olib boradigan Jamoatchilik kengashlaridan bo‘lishini ta’kidlab, bu borada bir yoqadan bosh chiqarib ish tashkil etish zarurligini qayd etib o‘tildi.

🌐Website 💬Telegram 💬Facebook 📺YouTube 📷Instagram

#Qonunchilikdagi_yangiliklar

❗️Chorvachilik va parrandachilik xo'jaliklari to'lagan QQSning 50 foizi qaytarib beriladi

“Chorvachilik va parrandachilikni qo'llab-quvvatlash, sohada yuqori qo'shilgan qiymat yaratish bo'yicha qo'shimcha chora-tadbirlar to'g'risida”gi Prezident qarori (PQ-34-son, 30.01.2025 y.) qabul qilindi.

🔰Qarorga ko'ra, quyidagilar tasdiqlandi:

➖2025-yilda go'sht va sut ishlab chiqarish hajmining prognoz ko'rsatkichlari;

➖2025-yilda parranda go'shti va parranda tuxumi yetishtirish hajmining prognoz ko'rsatkichlari;

➖2025-yilda hududlarda parrandachilik kooperatsiyasi tizimi asosida aholi bandligini ta'minlash ko'rsatkichlari;

➖2025-yilda parranda mahsulotlarini eksport qilishning prognoz ko'rsatkichlari.

📌2025-yil 1-apreldan 2028-yil 1-yanvargacha chorvachilik va parrandachilik xo'jaliklari tomonidan Davlat byudjetiga to'langan QQSning 50 foizini har oyning 25 sanasigacha qaytarish tartibi joriy etiladi.

📝Parrandachilikning go'sht va tuxum yo'nalishida kooperatsiya tizimi asosida 1 million aholini ish bilan ta'minlash bo'yicha “Parranda boqish – daromad topish” loyihasi amalga oshiriladi.

⚠️Naslchilik korxonalari uchun ularning asosiy faoliyat turi bo'yicha foyda solig'i, mol-mulk solig'i, yer solig'i va suv resurslaridan foydalanganlik uchun soliqlarni 50 foiz pasaytirilgan stavkada to'lash shaklidagi soliq imtiyozlarining amal qilish muddati 2028-yil 1-yanvargacha uzaytiriladi.

🌐Website 💬Telegram 💬Facebook 📺YouTube 📷Instagram

Qishloq, o‘rmon va baliqchilik xo‘jaligi mahsulotlari hajmi 467,0 trln. so‘mni tashkil etgan

📊Statistika agentligining dastlabki ma’lumotlariga ko‘ra, 2024-yilning yanvar-dekabr oylarida qishloq, o‘rmon va baliqchilik xo‘jaligi mahsulot (xizmat)larining umumiy hajmi 467,0 trln. so‘mni tashkil etgan.

🔼Bu ko‘rsatkich 2023-yilning mos davri bilan solishtirilganda 3,1% ga ko‘p.

➡️2024-yil yanvar-dekabr oylarida barcha toifadagi xo‘jaliklar tomonidan yetishtirilgan chorvachilik mahsulotlari hajmi:
🥩Go‘sht (tirik vaznda) – 2,9 mln tonna;
🥛Sut – 12,4 mln tonna;
🥚Tuxum – 8,8 mlrd dona.

🌐Website 💬Telegram 💬Facebook 📺YouTube 📷Instagram

Don va dukkakli ekinlar ilmiy-tadqiqot institutida yana bir yutuq

🌾"Boshoqli don ekinlari seleksiyasi, urug‘chiligi va yetishtirish agrotexnikasi" laboratoriyasi olimlari tomonidan kuzgi yumshoq bug‘doyning o‘ta erta pishar “Asr jilosi” navi yaratildi.

Tur xili: Erythrospermum;
Vegetatsiya davri davomiyligi: 190-200 kun;
O‘simlik bo‘yi: 80-85 sm;
1000 dona don vazni: 40-42 gr;
Hosildorlik imkoniyati: 90-100 sentner.

✅Nav mintaqa sharoitida optimal muddatlarda 4-4,5 mln ko‘chat qalinligida ekish tavsiya etiladi.

Donning texnologik sifat ko‘rsatkichlari:
Kleykovina miqdori – 29-30%;
Oqsil miqdori – 14,5-15%.

🔢Agar to‘g‘ri agrotexnik tadbirlar qo‘llanilsa nav kuchli don shakllantiradi.

Navning qo‘shimcha xususiyatlari:
– Ushbu nav kasalliklardan Septorioz, Un shudring, Fuzarioz hamda Sariq zangga chidamlilik xususiyati yuqori.
– Qurg‘oqchilik, sho‘r va sovuqqa bardoshli.

🌐Website 💬Telegram 💬Facebook 📺YouTube 📷Instagram

#Qonunchilikdagi_yangiliklar

❗️Ipakchilik va jun sanoatini rivojlantirish qo'mitasi tugatiladi

“Yaylovlarni muhofaza qilish va ulardan oqilona foydalanishning zamonaviy mexanizmlarini joriy etish chora-tadbirlari to'g'risida”gi Prezident Farmoni (PF-15-son, 30.01.2025 y.) qabul qilindi.

⚡️Farmonga ko'ra, Ipakchilik va jun sanoatini rivojlantirish qo'mitasi tugatiladi.

🏢Ipakchilik qo'mitasining vazifa va funksiyalari quyidagi qo'mita va vazirliklarga o'tkaziladi:

🔹yaylovlarni boshqarishga oid vazifa va funksiyalari – Veterinariya va chorvachilikni rivojlantirish qo'mitasiga;

🔹pilla yetishtirish va ipakchilik sohasini rivojlantirishga oid vazifa va funksiyalari – Qishloq xo'jaligi vazirligi hamda “O'zbekipaksanoat” uyushmasiga;

🔹Qorako'lchilik va cho'l ekologiyasi ilmiy-tadqiqot instituti hamda Buxoro cho'l-yaylov ozuqabop o'simliklar urug'chiligi ilmiy-ishlab chiqarish markazi – Veterinariya qo'mitasi tizimiga;

🔹Ipakchilik ilmiy-tadqiqot instituti va O'zbekiston tabiiy tolalar ilmiy-tadqiqot instituti – Qishloq xo'jaligi vazirligi tizimiga.

▪️Veterinariya qo'mitasi muassisligida Qoraqalpog'iston, Buxoro, Jizzax, Qashqadaryo, Navoiy, Samarqand va Surxondaryo yaylov xo'jaliklari (hududiy yaylov xo'jaliklari);

▪️Veterinariya qo'mitasi markaziy apparati tuzilmasida Yaylov xo'jaligini rivojlantirish boshqarmasi;

▪️Yaylov yerlaridan samarali foydalanishni tashkil etish va ularni muhofaza qilish, qorako'lchilik, teri va jun sanoati sohalarini yanada rivojlantirish bo'yicha respublika komissiyasi.

✅Hududiy yaylov xo'jaliklari yaylov yerlarini boshqarish va ulardan foydalanish, o'zlariga doimiy foydalanish huquqi bilan berilgan yaylovlarni ijaraga berish sohasida o'rmon xo'jaliklari uchun belgilangan huquq va majburiyatlardan foydalanadi.

⏺Yaylovlar chorvachilik va boshqa xo'jaliklarga Respublika komissiyasining qaroriga asosan to'g'ridan-to'g'ri ijaraga berilishi mumkin.

🗓Yaylovlar 49 yilgacha ijaraga beriladi.

🖥2025-yil 1-dekabrgacha yaylovlardan samarali foydalanishni nazarda tutuvchi “E-yaylov” elektron platformasi ishga tushiriladi.

🌐Website 💬Telegram 💬Facebook 📺YouTube 📷Instagram

O‘zbekiston qancha mayiz eksport qilgan?

🍇O‘zbekiston 2024-yilning yanvar-dekabr oylarida qiymati 79,5 mln AQSh dollariga teng bo‘lgan 53,5 ming tonna mayiz eksport qilgan.

O‘zbekiston 2024-yilning 12 oyida eng ko‘p mayiz eksport qilgan davlatlar:

🇨🇳Xitoy – 8 649 tonna;
🇹🇷Turkiya – 8 532 tonna;
🇰🇿Qozog‘iston – 7 147 tonna;
🇷🇺Rossiya – 3 753 tonna;
🇦🇪BAA – 3 492 tonna;
🌍Boshqa davlatlar – 21 925 tonna.

🌐Website 💬Telegram 💬Facebook 📺YouTube 📷Instagram