Universal Gurlan bozor

Qo‘shimcha ishni qayerdan topish mumkin?

Agar sizda ozgina bo‘sh vaqt bo‘lsa, uni qo‘shimcha daromad topish uchun ishlating. Biz sizga bir martalik ishlardan tortib to qisman va to‘liq bandlikkacha bo‘lgan mos vakansiyalarni topish mumkin bo‘lgan platformalarni to‘pladik.

📌 Olx.uz
Siz qo‘shimcha ish, mavsumiy yoki to‘liq kunlik ish topishingiz yoxud ko‘ngilli bo‘lishingiz mumkin. Biroq firibgarlardan ehtiyot bo‘ling: ish qanday qidirilishi va aldanib qolmaslik haqida boshqa postimizda batafsil ma’lumot bergan edik.

📌 Teamwork.uz
IT, media va dizayn sohalarida ko‘pincha soatbay yoki loyihaviy bo‘sh ish o‘rinlari mavjud bo‘lgan frilanserlar platformasi. To‘liq stavkali takliflar ham bor, lekin agar siz hozircha tayyor bo‘lmasangiz, bu portfoliongiz uchun dastlabki buyurtmalarni olishning yaxshi varianti hisoblanadi.

📌 Milliy mehnat bazasi
Bandlik va kambag‘allikni qisqartirish vazirligi sayti. Bu yerda faqat litsenziya va buxgalteriya hujjatlarini taqdim etgan yuridik shaxslar ish o‘rinlarini e’lon qilishadi. Agar ish beruvchi ko‘rsatilgan shartlarni bajarmasa, mehnat nazorati inspeksiyasiga shikoyat qilishingiz mumkin.

📌 HeadHunter
Bu xizmat nafaqat mos keladigan bo‘sh ish o‘rinlarini topishga, balki rezyume va taklifni to‘g‘ri tuzishga ham yordam beradi. Shunchaki ko‘rsatmalardan foydalaning, tizim esa kerakli ma’lumotlarni avtomatik ravishda to‘plab, ularni to‘g‘ri shaklda rasmiylashtiradi.

📌 Ishplus.uz
Bu yerda nogironligi bor shaxslar uchun ish o‘rinlari e’lon qilinadi. Maydoncha BMT, “Yevroosiyo” jamg‘armasi va “Yandeks” kabi bir nechta xalqaro tashkilotlar tomonidan qo‘llab-quvvatlanadi. Ko‘pincha davlat ta’lim muassasalarida ish taklif etiladi.

Ishonch telefoni mavjud bo‘lib, undan huquqiy maslahat olish yoki ish topishda yordam so‘rash mumkin. Qo‘llab-quvvatlash xizmati ish kunlari soat 9:00 dan 18:00 gacha ishlaydi. Telefon raqami: +998 (90) 818-07-08

📌 “Есть работа!” Facebook guruhi
Guruhda asosan to‘liq stavkali ish o‘rinlari bo‘lsa-da, qisman bandlik imkoniyatlari ham mavjud. Xizmat ko‘rsatish, yetkazib berish sohalari hamda ofis xodimlari uchun takliflarni topish mumkin. Salbiy tomoni shundaki, ko‘plab bo‘sh ish o‘rinlari shaxsiy profillar orqali e’lon qilinadi, bu esa ish beruvchining ishonchliligini baholashni qiyinlashtiradi.

📌 Ishbor Vakansiya Telegram kanali
Kanalda asosan shtatdagi bo‘sh ish o‘rinlari e’lon qilinadi, lekin "qisman bandlik" yoki "soatbay ish haqi" kabi kalit so‘zlar orqali qo‘shimcha ish takliflarini topish mumkin. E’lonlar tekshiruvdan o‘tmaydi - ish beruvchini tekshirish va shartlarni mustaqil ravishda aniqlashtirib olish lozim.

📌 Korxonalarning rasmiy saytlari
Korxonalar ko‘pincha o‘z veb-saytlarida bo‘sh ish o‘rinlarini e’lon qiladilar. Misol uchun, “Yandeks” kuryerlik ishini taklif etsa, “Beeline” aloqa markazi mutaxassislarini izlaydi. Agar ma’lum bir kompaniyada ishlashni istasangiz, uning veb-saytiga kirib, “Vakansiyalar” bo‘limini toping.

NECHPUL — pul haqidagi hamma narsa. Obuna boʻling 💵



@reklamagurlan1

Davomi keyingisida
https://www.instagram.com/reel/DBAB7wZq43Y/?igsh=ZmxyOWdhNDRibTh1

Telegram (99)-710_51_53
Bepul ma'lumot Amal qilsanggiz Foydali bo'ladi
https://www.instagram.com/reel/DBPHNUgKP5K/?igsh=MTY2aWd0aGU0czF0dg==