#kombinat🤝

KOMPLEKS TEKSHIRUV O‘TKAZILDI VA TAHLIL QILINDI

Joriy yilning 30-yanvar kuni kombinatimizning Navli prokat bo‘linmasida tibbiy muhandislik brigadasi tomonidan nazorat tekshiruv ishlari o‘tkazildi. Ushbu tekshiruvlar yakunlari bo‘yicha faollar zalida ochiq suhbat bo‘lib o‘tdi. Unda 2024-yilga sanoat xavfsizligi, mehnatni muhofaza qilish, yong‘in xavfsizligi, kasbiy salomatlik va xavfsizlik menejmenti tizimi faoliyati bo‘yicha ishlarning yakuni hamda 2025-yildagi vazifalar to‘g‘risida so‘z yuritildi.

Bo‘lib o‘tgan suhbat davomida Sanoat xavfsizligi va mehnat muhofazasi departamenti, Sanoat xavfsizligi boshqarmasi boshlig‘i Gulmira Toshmatova, "Metallurg" nomli shahar shifoxonasidan O‘g‘iloy Baratova, Kombinat markaziy laboratoriyasi boshlig‘i Akmal Vohidov, Ovqatlanish kombinati boshlig‘i Marhabo Xoliqova tekshiruv natijalari bo‘yicha fikrlarini bildirib o‘tishdi. Ta’kidlash kerakki, tibbiy muhandislik brigadasining asosiy maqsadlari kombinat tarkibiy bo‘linmalarida mehnat va dam olish sharoitlarini yaratish, umumiy va kasbiy kasalliklarning, tibbiy yordam sifatini oshirish, xodimlarning ishlab chiqarish jarohatlarini oldini olishdan iborat.

Komissiya tomonidan tarkibiy bo‘linmada tekshirish o‘tkazish mobaynida quyidagi savollar ko‘rib chiqildi va tahlil qilindi. - xodimlarga sog‘lom mehnat sharoitlari yaratilganligi va kasallanish darajasi xavfini kamaytirish chora-tadbirlarini ishlab chiqilganligi va tahlili;
- xodimlarni sog‘ligini muhofaza etish chora-tadbirlari ishlab chiqilganligi. - xodimlarni salomatligini nazorat qilish ishlarini tashkillashtirilganligi va kasallanish darajasini xavfini kamaytirish chora-tadbirlarini ishlab chiqilganligini tahlili - tibbiy ko‘rik natijalari va tibbiy komissiya tomonidan berilgan tavsiyalarni bajarilganligi - sog‘lom va xavfsiz mehnat sharoitini yaratishga doir ishlar shakllari va usullarni takomillashtirilishi va ta’minlashini;
- kiyim almashtirish va yuvinish xonalari muntazam dezinfeksiya qilinishi va sanitariya talablariga javob berishi - oshxona va bufetlar holati
- xodimlarning shaxsiy gigiyena talablari va shaxsiy himoya vositalarini to‘g‘ri qo‘llash talablariga amal qilish bo‘yicha holatlari ham o‘rganildi.

Tibbiy tekshiruv natijalari yakuni bo‘yicha yig‘ilishda ishchilarning kasallanishi va shikastlanish holati, mehnatni muhofaza qilishni yaxshilash bo‘yicha ko‘rilayotgan chora-tadbirlar to‘g‘risida tarkibiy bo‘linmalar hisobotlari tinglandi va kelgusida komissiya tomonidan ko‘rsatilgan takliflar bo‘yicha chora-tadbirlar ishlab chiqilishi belgilandi.

🌐www.uzbeksteel.uz 📱Facebook 📱Instagram 📱Twitter ✉️Telegram 🌐You Tube