Oʻzbekiston Respublikasi Prezidentining 2023-yil 10-apreldagi “Tashabbusli byudjetlashtirish amaliyotini yanada takomillashtirish hamda faol mahallalarni qoʻllab-quvvatlash chora-tadbirlari toʻgʻrisida”gi 117-sonli qaroriga asosan byudjet mablagʻlarini sarflanishida fuqarolar ishtirokini yanada oshirish va yurtimizdagi mavjud ichki yoʻllar sifatini yaxshilash maqsadida 2023-yildan boshlab tuman va shaharlar hududiy ichki yoʻllarini taʼmirlash “Tashabbusli byudjet” dasturi asosida ovoz berish yoʻli orqali aniqlanishini hamda kerakli ovoz yigʻilsa taʼmirlash ishlari olib borilishi belgilangan.
2025-yil 1-fevraldan joriy yilgi "Tashabbusli byudjet" loyihasining birinchi bosqichiga start berilgan boʻlib, takliflar 20-fevralgacha davom etadi.
Ijtimoiy tarmoqlar orqali eʼlon qilingan Toʻrtkoʻl tumani “Yoshlik” mahallasidagi 1854 metr uzunlikdagi Temiryoʻlchilar koʻchasi 4-fevral kuni faol fuqaro tomonidan "Tashabbusli byudjet" loyihasiga kiritilgan.
Hududimizning obod boʻlishi uchun hamyurtlarimiz tomonidan hamjihatlikda ushbu loyihani yutib olish rejalashtirilmoqda.
✅ To‘rtko‘l tumani hokimligi Axborot xizmati
🌐 WS |📷 IG | 📒 FB |🖤 YT