Тўрақўрғон туман ҳокимлиги |расмий канали

Bozorlarda oʻquv mashqi oʻtkazilmoqda...

Toʻraqoʻrgʻon tumani Toshkent MFY Kosonsoy  koʻchasida joylashgan "Markaziy dehqon bozori"da Favqulodda vaziyatlar boshqarmasi hamda hamkorlikdagi xizmatlar bilan yongʻin oʻchirish amaliy taktik mashgʻuloti oʻtkazildi.

Shartli ravishda yuzaga kelgan yongʻinni bartaraf etishda bozor ishchi xodimlari va fuqaro muhofazasi tuzilmalarining harakatlari amalda koʻrsatildi. 

Oʻtkazilgan oʻquv mashqining asosiy maqsadi, sodir boʻlishi mumkin boʻlgan yongʻin va favqulodda vaziyatlarda  kuch va vositalarni jangovar shayligini tekshirish hamda bunday vaziyatlarda ularning toʻgʻri harakat qilishni taʼminlash, amaliy  koʻnikmalarini oshirish etib belgilandi.

Ushbu oʻquv mashgʻuloti yakuni boʻyicha Namangan viloyati favqulodda vaziyatlar boshqarmasi xodimlari  tomonidan mashgʻulotda yoʻl qoʻyilgan kamchiliklar va kelgusida ushbu kamchiliklarga yoʻl qoʻymaslik yuzasidan qoʻshimcha tushuntirish ishlari olib borildi.

Namangan FVB Axborot xizmati.

Тўрақўрғон тумани прокурори А.Юсупов тумандаги спорт муассасалари  фаолияти билан танишди

Туманда 2024 йилги спорт олимпиадаларида 17 та тур бўйича, 13 та Жаҳон чемпиони, 2 та Осиё чемпиони, 18 та Ўзбекистон чемпионати ва кубоклари совриндорлари етишиб чиқди.

Албатта, бу натижалар билан фахрланса арзийди. Аммо, ундан-да баланд марраларни эгаллаш имкониятлари бор.

Туман прокурори спортчиларга халқаро миқёсда юқори натижаларга эришишлари учун янада яхшироқ шароитлар яратиш муҳимлигини таъкидлади. Шунингдек, мутахассислар томонидан спорт мактабининг бундан-да ривожланиши учун таклифлар ишлаб чиқилиши топширилди.

Бундай чора-тадбирлар ёшларнинг спортга бўлган қизиқишини ошириш ва уларнинг жисмоний ҳамда руҳий ривожланишида муҳим аҳамият касб этади.

🇷🇺Россияга ҳеч қандай тўловларсиз, қонуний ишга бормоқчимисиз унда Миграция агентлиги Сизга ёрдам беради!

“РУСАЛ Комплектация” корхонаси Иркутск, Екатеринбург, Кемерова, Братск ва Красноярск вилоятида жойлашган Алюминни қайта ишлаш заводларига фуқароларни ишга таклиф этади.

Танлов 2025 йил 13 март (пайшанба) куни соат 10:30 да бошланади

◾️иш тури:
- электр пайвандловчи;
- гидравлик дисклар ишлаб чиқариш ишчиси;
- чилангар ва оддий ишчи

💵 Ойлик маоши 70-95 минг Россия рубли

◾️Талаблар:
- РФга кириш таъқиқ бўлмаган;
- рус тилида эркин мулоқот қила олиш;
- муқаддам судланмаган;
- жисмонан соғлом

◾️Корхона ҳисобидан:
1. Авиа чипта
2. Патент ҳаражатлари
3. Ётоқхона ва озиқ-овқат
4. Махсус ишчи кийим

Ишлаш истагида бўлган фуқаролар биометрик ва хорижга чиқиш паспортлари билан келишлари сўралади

☎️ +998692279727
+998692279464

📍Манзил: Наманган ш., Нодира 3-уй (Мўлжал: "Сардоба бозори" атрофи, собиқ "Зангори экран" корхонаси ёнида)

Мigratsiyasi agentligi

Тўрақўрғон тумани ИИБ бошлиғи, подполковник Ж.Хусайнов томонидан "Ермасжид" маҳалласида содир этилган енгил тан жароҳати етказиш жинояти муҳокама қилинди.

Унга маҳалла ҳудудида яшовчи фаоллар, оқсоқоллар, ёшлар таклиф этилиб, содир этилган жиноят тафсилотлари эшиттирилди. Иштирокчилар мазкур ҳолатни келтириб чиқарувчи омиллар ва унинг олдини олиш мумкинлиги тўғрисида гапириб ўтдилар.

Муҳокама якунида иштирокчиларга фуқароларнинг бир-бирлари билан дўстона муносабатда бўлиши, ўз мулкларини ўзлари асраши кераклиги, жиноят содир этилиши учун шароит яратиб бермаслик, арзимаган сабаблар туфайли жанжаллашмаслик, транспорт воситаларини бошқаришда ҳушёр бўлиш тўғрисида тушунтириш берилди.