TRM Metodik yordam

#Kasbiy_rivojlantirish_kuni

Pedagoglarning kasbiy mahoratini uzluksiz oshirib borish, taʼlim jarayoniga innovatsion pedagogik texnologiyalarni, oʻqitishning samarali shakl va usullarini joriy etish.

💻 Vebinarda ishtirok etish uchun havola: https://zoom.us/j/96130809664?pwd=rYv937RjeAUZYqBbcCJHQCgORRpguP.1

Kanalga ulanish:👇
https://t.me/trm_metodika

🐟"Baliq ovi" o'yini

Ushbu oʼyin o‘quvchilarning bilimlarini mustahkamlash va darslarni qiziqarli qilish uchun samarali vosita sifatida qo‘llaniladi.

Tayyorlanishi:

Bu o'yinda doskaning bir tomoniga dengiz rasmi, ikkinchi tomoniga esa akvarium rasmi chiziladi yoki o‘yin tayyor plakatga tayyorlanib ilinadi.

O’tkazilishi:

Dengizda baliqlar tasvirlanadi. O‘quvchi dengizdagi baliqlardan birini tanlab, orqa qismiga yozilgan savollarga javob beradi.

Agar javob to‘g‘ri bo‘lsa, baliq akvariumga qo‘yiladi; noto‘g‘ri javob berilgan taqdirda, baliq dengizga qaytariladi.

Qachon qo’llaniladi?

➖ Savol-javob faoliyatida: O‘quvchilarga mavzu bo‘yicha savollar berilib, to‘g‘ri javoblar akvariumga baliq sifatida qo'yiladi. Bu usul o'quvchilarning bilimlarini mustahkamlash va mavzuni yaxshiroq o'zlashtirishga yordam beradi.

➖ Mavzularni takrorlashda: O‘quvchilarning oldingi darslarda o‘rgangan bilimlarini qayta ko‘rib chiqish va mustahkamlash uchun "Baliq ovi" o‘yini samarali vosita.

➖ Guruh ishlarida: O‘quvchilarni kichik guruhlarga bo‘lib, har bir guruhga o‘z savollarini tayyorlash va boshqa guruhlar bilan almashish orqali o‘yinni tashkil etish mumkin. Bu usul hamkorlik va jamoaviy ishlash ko‘nikmalarini rivojlantiradi.

"Baliq ovi" o‘yini o‘quvchilarning diqqatini jamlash, bilimlarini mustahkamlash va darslarni qiziqarli qilish uchun samarali vosita hisoblanadi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

#Kasbiy_rivojlantirish_kuni

Pedagoglarning kasbiy mahoratini uzluksiz oshirib borish, taʼlim jarayoniga innovatsion pedagogik texnologiyalarni, oʻqitishning samarali shakl va usullarini joriy etish.

💻 Vebinarda ishtirok etish uchun havola: https://zoom.us/j/91360811710?pwd=aIbSmKMtiHJls1F4vOSzBjS1kOlc05.1

Kanalga ulanish:👇
https://t.me/trm_metodika

Yashirin qo‘llab-quvvatlovchi

O'qituvchi darsni boshlashdan avval o‘quvchilarga qarab:

"Keling, bir-birimizga mehr ulashaylik!" deb aytishi tavsiya etiladi.

Dars boshida har bir o‘quvchi yashirin tarzda sinfdoshlaridan birini qo‘llab-quvvatlashi yoki unga iliq so‘zlar aytish vazifasini oladi.

O‘z vazifasini chin dildan bajargan o‘quvchi dars so‘ngida rag‘batlantiriladi.

Foydalari:

➖ O‘quvchilar o‘rtasida ijobiy muhit shakllanadi – mehribonlik va qo‘llab-quvvatlash hissi kuchayadi.
➖ O‘zaro hurmat oshadi – har bir o‘quvchi sinfdoshlarining hissiyotlariga e’tiborli bo‘lishni o‘rganadi.
➖ Ishonch va motivatsiya ortadi – bolalar o‘zlarini qadrlangan va qo‘llab-quvvatlangan his qilishadi.
➖ Muloqot ko‘nikmalari rivojlanadi – iliq so‘zlar aytish, dalda berish va fikr bildirish odati shakllanadi.
➖ Ichki ishonch oshadi – ham o‘zini qo‘llab-quvvatlagan o‘quvchilar, ham yordam olganlar o‘zlarini kuchliroq his qilishadi.

Yordam shakllari:

Ijobiy so‘zlar – “Sen bunga qodirsan!”, “Ajoyib natija!”, “Sen bilan faxrlanaman!” kabi ruhlantiruvchi gaplar.

Amaliy yordam – sinfdoshiga darsda tushunmagan joylarini tushuntirish, uy vazifasini bajarishda yo‘l-yo‘riq ko‘rsatish.

Rag‘batlantirish – kichik qog‘ozcha yoki eslatmalar orqali iliq tilaklar yozib berish.

Yutuqlarni tan olish – kimdir yaxshi javob berganda yoki harakat qilganda, uni alqash.

Do‘stona qo‘llab-quvvatlash – darsdan tashqari vaqtlarda ham mehribonlik va iliqlikni davom ettirish.

Ushbu metod sinfda iliq muhit yaratilib, har bir o‘quvchi o‘zini qadrlangan his qiladi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

#Kasbiy_rivojlantirish_kuni

Pedagoglarning kasbiy mahoratini uzluksiz oshirib borish, taʼlim jarayoniga innovatsion pedagogik texnologiyalarni joriy etish

💻 Vebinarda ishtirok etish uchun havola: https://zoom.us/j/93678566457?pwd=OcwQlnQz49gZPl0M1G3Ijty76GCufr.1

Kanalga ulanish:👇
https://t.me/trm_metodika

O‘qituvchi vazifasini o‘quvchiga topshirish

“Eng yaxshi o‘rganish – bu o‘qitishdir”

Ushbu fikrni ilgari surgan Aristotel boshqalarga o‘rgatish orqali eng yaxshi o‘rganish hosil bo‘lishini ta'kidlagan. Bu fikr, o‘rganish va bilimni chuqurroq anglash uchun o‘rganilayotgan narsalarni boshqalarga tushuntirishning samarali usul ekanligini ko‘rsatadi.

Bu metod zamonaviy metodikada “Talaba–o‘qituvchilar” (Student-teacher method) deb nomlanadi va unda o‘quvchilar o‘qituvchining vazifasini bajaradilar.

O‘quvchilarga dars materiallarini tayyorlash va o‘rganish uchun bir necha kunlik vaqt (masalan, bir hafta) beriladi. Bu vaqt davomida o‘quvchilar mavzu bo‘yicha ma’lumotlar to‘plab, tengdoshlariga dars o‘qitish uchun tayyorlanadilar.

Bundan tashqari, quyidagi ko‘nikmalar shakllanishi kutiladi:

➖ tadqiqotchilik;
➖ materiallarni tahlil qilish;
➖ o‘z taqdimotlarini samarali o‘tkazish;
➖ mustaqil ishlash;
➖ ta’lim jarayonida liderlik;
➖ jamoada ishlash;
➖ o‘z bilimlarini boshqalarga etkazish ko‘nikmalarini ham rivojlantiradilar.

Tayyorlanish jarayoni:

O‘quvchilarga dars tayyorlash uchun aniq ko‘rsatmalar va qoidalar berish zarur. Ularning qanday materiallar to‘plashi, qaysi resurslardan foydalanishi, qanday tartibda ishlashlari kerakligi haqida yo‘riqnomalar taqdim etilishi lozim.

Maqsadli fan va mavzularni to‘g‘ri tanlash kerak. Ular faqat o‘ziga mos, qiziqarli va tushunarli bo‘lgan mavzularni tanlashlari kerak.

Vaqtni boshqarish:

O‘quvchilarga tayyorlanish uchun beriladigan vaqt (masalan, bir hafta) samarali ishlatilishi kerak. Vaqtni to‘g‘ri taqsimlash, o‘quvchilarga o‘z darslarini tayyorlashda yordam berish, ularni har bir bosqichda kuzatib borish muhimdir.

Agar vaqt yetishmasligi yoki boshqa muammolar yuzaga kelsa, qo‘shimcha yordam yoki qo‘llab-quvvatlash ko‘rsatish zarur.

Resurslar va materiallar:

O‘quvchilarga ma'lumot to‘plash uchun ishonchli resurslar (kitoblar, maqolalar, internet manbalari va boshqalar) taqdim etilishi lozim.

Ularning materiallarni to‘plash va qayta ishlashdagi mustaqilligi, shuningdek, tanlangan resurslar to‘g‘ri va ishonchli bo‘lishiga e'tibor berish kerak.

Taqdimot va dars o‘tkazish:

Darsni o‘qitish jarayonida o‘quvchilarning o‘zaro hamkorligi va faoliyatini kuzatib borish kerak. O‘qituvchilar o‘z darslarini qanday taqdim etishlarini va ularni boshqalarga qanday tushuntirayotganini nazorat qilish zarur.

O‘quvchilarning taqdimot qilish ko‘nikmalarini rivojlantirish uchun ularga taqdimot qilish usullari, savollar berish, fikrlarni aniq va lo‘nda ifodalashni o‘rgatish muhimdir.

Baholash va fidbek (fikr-mulohazalar):

O‘quvchilarning ishini baholashda ularning nafaqat bilimini, balki taqdimot qobiliyatini, tashkilotchilikni va kommunikatsiya ko‘nikmalarini ham hisobga olish kerak.

Jamoaviy ish va motivatsiya:

O‘quvchilarni bir-birlariga yordam berishga, o‘z fikrlarini ochiq bildirishga undash zarur. Bu jamoaviy ishlash ko‘nikmalarini rivojlantirishga yordam beradi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

#Muloqot_uchrashuvi
Pedagoglarni kasbiy rivojlanishiga koʻmaklashish va metodik qoʻllab-quvvatlash

💻 Meetup'da ishtirok etish uchun havola:
https://zoom.us/j/92073534724?pwd=81LGpq0a9ujaraPk89AHDlW6V5SWkJ.1

Kanalga ulanish:👇
https://t.me/trm_metodika

🧠 Mnemonika usuli: yodlashni osonlashtirish va darsda qo‘llash

Mnemonika — bu ma'lumotlarni yodlashni osonlashtiradigan qoidalar va usullar to‘plamidir. Bu usul yordamida o‘quvchilar raqamlar, harflar yoki murakkab ma'lumotlarni yodlashda tasvirlar va obrazlardan foydalanadilar.

Foydalari:
➖ Yodlashni qiziqarli va interaktiv qilish.
➖ O‘quvchilarga murakkab ma'lumotlarni tez va samarali yodlashga yordam beradi.
➖ Darsda motivatsiya va qiziqishni oshiradi.

Darsda qanday qo‘llash:

Tasvirlar yaratish: O‘quvchilarga o‘rgatmoqchi bo‘lgan ma'lumotni jonli tasvirlarga aylantiring.

Misol uchun, tarixiy sanalarni yodlash uchun har bir sana uchun yodda qoladigan obrazlar yaratish mumkin (masalan, yilni qahramon yoki voqeaga bog‘lash).

Hikoya tuzish: Ma'lumotlarni biror qisqa hikoya shaklida taqdim eting.

Raqamlar yoki harflarni qiziqarli, oson yodlanadigan hikoyalar bilan bog‘lang. Bu o‘quvchilarga ma'lumotni yodlashda yordam beradi.

Ma’lumotlarni kichik qismlarga ajratib, yodlash: Har bir kichik qismni biror tasvir yoki obraz bilan bog‘lash osonroq bo‘ladi.

Qayta-qayta takrorlash: O‘quvchilarga yodlagan tasvirlar va hikoyalarni dars davomida takrorlashni tavsiya qiling.

Bu yodlashni mustahkamlashga yordam beradi.

Kichik guruhlarda ishlash: O‘quvchilarga amaliy mashg‘ulotlar yoki kichik guruh ishlarini tashkil qiling.

Ular o‘rganilgan ma’lumotlarni mnemonika usuli yordamida yodlashlari va bir-birlari bilan bo‘lishishlari mumkin.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Binar ma'ruza: mavzuni o‘quvchi xotirasiga bir umrga muhrlang

Binar ma’ruza – bu ikki o‘qituvchining yoki ikki mutaxassisning birgalikda o‘tkazadigan ma'ruzasi bo‘lib, o‘qitish yoki ma'ruzani taqdim etish jarayonida ikkita ishtirokchi bo‘ladi.

"Binar" so‘zi "ikki" yoki "ikkita" degan ma’noni anglatadi. Shuning uchun bu turdagi ma’ruzada ikki o‘qituvchi yoki mutaxassis bir-birini to‘ldirgan holda ma’ruzani o‘tkazadi.

Masalan, adabiyot darsida asar muallifini taklif qilib birga dars o’tish, "Vatanni himoya qilish" mavzusida harbiy insonni darsga jalb qilib birgalikda o’qitishni olib borish mumkin.

Mazkur jarayon ikki mutaxassis o‘rtasida bir mavzu bo‘yicha turli xil nuqtayi nazarlarni taqdim etish imkonini beradi. Bu o‘quvchilarga mavzuni kengroq tushunishga yordam beradi.

Binar ma’ruzalar ko‘pincha o‘zaro muloqot va interaktivlikni talab qiladi. O‘quvchilar o‘zlarini qiziqtirgan savollarni berishi, fikr almashishlari mumkin. Bu esa ularning darsga bo‘lgan qiziqishini oshiradi va yanada faol ishtirok etishga undaydi.

Binar ma'ruzaning afzalliklari:

➖ Tushunishni chuqurlashtiradi;
➖ Samarali va dinamik o‘rganish jarayonini jonlantiradi;
➖ Kreativlik va hamkorlikni rivojlantiradi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Ta’limda qiyinchiliklarni yengishga yordam beruvchi metodikalar

➖ Differensiallashgan ta’lim metodikasi: O‘quvchilarning har xil darajadagi qobiliyatlari va ehtiyojlariga mos keluvchi yondashuvni ta’minlaydi.

Bunda o‘quvchiga individual topshiriqlar beriladi va ularning ishlash tezligiga, dars jarayoniga taalluqli o‘zgarishlar kiritiladi. Ushbu metodika orqali o‘quvchining o‘ziga ishonishi va mustaqil o‘rganish qobiliyati rivojlantiriladi.

➖ Vizualizatsiya: Vizual vositalardan foydalanishga yo‘naltiradi.

Masalan, diagrammalar, sxemalar va rasmlar orqali muammoni tushunishga yordam berish mumkin. Bu, o‘quvchining hissiy, vizual yondoshuvi bilan masalani yaxshiroq tushunishiga yordam beradi.

➖ Muammoli ta’lim: O‘quvchini real hayotdagi muammolar bilan tanishtirib, uni hal qilishga undash orqali muammoni aniqlash va uni yechish uchun kreativ fikrlashga, kollaborativ ishlashga yo’naltiriladi.

➖ Maxsus o‘qitish: Ta’limga munosabati past bo‘lgan yoki ta’limda biror uzilishlarga duch kelgan o‘quvchilarga qaratilgan.

Bu o‘quvchilarga maxsus qayta o‘qitish va qo‘llab-quvvatlash orqali o‘qishdagi qiyinchiliklarni bartaraf etishga yordam beradi.

➖ Interaktiv o‘qitish usullari: O‘quvchining jonli ishtirokini talab qiladi.

Bunda o‘quvchi ko‘proq so‘rovlar, debatlar va testlar orqali o‘z bilimini tekshiradi va muammolarni hal qilishda faol ishtirok etadi. Bu metodika, o‘z navbatida, o‘quvchining tanqidiy fikrlash qobiliyatini rivojlantiradi.

➖ Texnologiyalardan foydalanish: Kompyuter va mobil ilova orqali o‘quvchilarga interaktiv yordam berish, texnik qo‘llab-quvvatlash bilan aralashish imkoniyati beriladi.

Masalan, maxsus o‘quv platformalari, testlar va videodasturlar orqali o‘quvchiga topshiriqlarni mustaqil ravishda va qiyinchiliklarsiz bajarishga imkon yaratiladi.

➖ "Kichik qadamlar bilan o‘rganish" metodikasi: O‘quvchilarning o‘rganish jarayoni kichik, oson va davomiy qadamlar orqali amalga oshiriladi.

Har bir qadamni muvaffaqiyatli bajarishga qaratilgan imkoniyatlar orqali o‘quvchiga motivatsiya yaratiladi va muammolarning qismlariga diqqatni jalb etish imkoniyati paydo bo‘ladi.

➖ Sensor vositalardan foydalanish: O’quvchilarga taktil, ovozli, va vizual vositalarni berib, ularning o‘rganish jarayonini ko‘p tomonlama ishlashga yordam beradi.

Sensorik vositalar o‘quvchilarga bilimlarni o‘zlashtirishni osonlashtiradi.

➖ Hamkorlikda o’rganish: Jamoaviy ishlashini qo‘llab-quvvatlaydigan metodika.

Ushbu usulda o‘quvchilar bir-biriga yordam berish va birgalikda muammolarni hal qilish orqali o‘rganishadi. Bu, o‘quvchilarning ijtimoiy va kommunikativ ko‘nikmalarini rivojlantirishga yordam beradi. Loyihali ta’lim, guruhlarga bo‘linib ishlash shular jumlasidandir.

➖ Ta’limning o‘ziga xos taktikasi : O‘quvchiga o‘z o‘rganish jarayonini kuzatish, o‘rganish usullarini aniqlash va ularni yaxshilash imkoniyati beriladi.

O‘quvchilarning o‘ziga bo‘lgan ishonchi ortgani sari, ular ta’lim jarayonini samarali boshqara olishadi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Kutubxona faoliyatini samarali tashkil etish uchun Google Workspace tavsiyalari

Google Workspace — bu kutubxona faoliyatini zamonaviy raqamlashtirish uchun qulay vositalar toʻplami bo‘lib, u birgalikda ishlash, maʼlumotlarni saqlash va xavfsizlikni taʼminlashda yordam beradi.

Ushbu platformadan samarali foydalanish uchun quyidagi yoʻnalishlarga eʼtibor qaratishni tavsiya qilamiz:

📥 Google Drive — maʼlumotlarni saqlash va boshqarish. Har bir kitob yoki materialni maxsus papkalarga tashkil qilish orqali maʼlumotlarni izlash va boshqarish osonlashadi.

➖ Elektron hujjatlarni saqlash
➖ Kutubxona maʼlumotlar bazasini boshqarish
➖ Yangi resurslarni joylashtirish uchun foydalaning.

📘 Google Docs, Sheets va Slides — birgalikda ishlash. Bu vositalar hujjatlar, hisobotlar va prezentatsiyalar ustida bir vaqtning oʻzida ishlash uchun juda qulaydir.

Docs: Yangi elektron kataloglar yaratish.
Sheets: Kitoblarni raqamlashtirish va ularning ro‘yxatini tuzish.
Slides: Kutubxona xizmatlarini targ‘ib qilish uchun slaydlar tayyorlash.

📄 Google Forms — kitobxonlar fikrini yig‘ish.

➖ Kitoblarga buyurtmalarni tezkor qabul qilish
➖ Kitobxonlardan fikr-mulohaza va yangi takliflarni yigʻish mumkin.
➖ Bu jarayonlarni avtomatlashtirish orqali xodimlarning ish samaradorligini oshirishga yordam beradi.

💌 Google Workspace platformasi:

➖ Maʼlumotlarni shifrlash orqali xavfsiz saqlaydi.
➖ Ikkifaktorli autentifikatsiya (2FA) orqali maʼlumotlaringizni himoya qiladi.
➖ Shuningdek, hujjatlarni faqat ishonchli foydalanuvchilar bilan boʻlish imkoniyatini taqdim etadi.

🌐 Google Workspace boshqa vositalar bilan oson integratsiya qiladi:

Google Meet: Xodimlar va kitobxonlar bilan masofaviy uchrashuvlar oʻtkazish.
Google Calendar: Muhim sanalarni eslatib turuvchi reja tuzish vositasi.

📗 Barcha kitoblarning holati va joylashuvi haqida maʼlumotlarni Google Sheets orqali kuzatib boring.

➖ Har bir kitobga maxsus ID yozuvini kiritish.
➖ Kutubxona fondini to‘liq raqamlashtirish.

📥 Google Chat — tezkor muloqot.

➖ Kitobxonlar bilan onlayn muloqot qilish uchun Google Chat ideal vositadir:
➖ Kitobning mavjudligi haqida tezkor maʼlumot berish.
➖ Avtomatik chat botlar yordamida xizmatlarni tezlashtirish.

📌 Google Workspace vositalarini to‘g‘ri qo‘llash kutubxona ish jarayonlarini optimallashtirishga, maʼlumotlarni xavfsiz saqlashga va xizmat sifatini oshirishga yordam beradi.

✍️ Muallif: Mohinabonu Agzamova

Kanalga ulanish:👇
https://t.me/trm_metodika

Tabiiy fanlar darslarida faollashtiruvchi o‘yinlar

“Ilmiy asossiz”

Maqsad: O‘quvchilar ilmiy faktlar va to‘qima ma’lumotlarni farqlashni o‘rganadilar.

O‘qituvchi 3 ta gap aytadi: 2 tasi haqiqat, 1 tasi yolg‘on. O‘quvchilar qaysi biri noto‘g‘ri ekanini aniqlashga harakat qilishadi.

Misol (biologiya):

➖ Qon kislorod tashishda yordam beradi. ✅

➖ Odam organizmidagi eng katta a’zo yurakdir. ❌

➖ DNK har bir tirik organizmda mavjud. ✅

“Zanjirli reaksiya”

Maqsad: O‘quvchilar o‘z bilimlarini eslab, bir-biri bilan bog‘liq tushunchalarni tushuntirishadi.

➖ O‘qituvchi mavzuga oid so‘z aytadi (masalan, energiya).

➖ Navbatdagi o‘quvchi bu so‘z bilan bog‘liq boshqa ilmiy tushunchani aytishi kerak (masalan, issiqlik energiyasi).

➖ Har bir o‘quvchi o‘z javobini oldingi tushunchaga bog‘lab tushuntiradi.

“Ilmiy harakat”

Maqsad: O‘quvchilar ilmiy tushunchalarni harakat bilan ifodalashadi, bu esa darsni yanada qiziqarli qiladi.

➖ O‘quvchilardan biri fan bilan bog‘liq tushunchani (masalan, fotosintez, magnit maydoni, evaporation) harakat bilan ko‘rsatadi.

➖ Boshqalar bu nima ekanini topishadi.

“Kim tezkor?”

Maqsad: O‘quvchilar tez fikrlash va ilmiy tushunchalarni qo‘llash qobiliyatlarini rivojlantirishadi.

O‘qituvchi mavzuga oid 10 soniya ichida javob berish kerak bo‘lgan savol beradi.

Fizika: “Energiya turlari” – 3 turini sanab bering!

Kimyo: “Elementlar” – atom tartib raqami 1 bo‘lgan elementni ayting!

Biologiya: “Organizm turlari” – ikkita yirtqich hayvonni sanab bering!

O‘quvchilar navbati bilan tez javob berishlari kerak.

“Ilmiy detektiv”

Maqsad: O‘quvchilar mantiqiy fikrlash va ilmiy xulosalar chiqarishni o‘rganadilar.

➖ O‘qituvchi o‘quvchilarga ilmiy hodisani tasvirlaydi, lekin sababini aytmaydi.

➖ O‘quvchilar detektivlar kabi savollar berib, sababini topishlari kerak.

Misol: “Tashqarida yomg‘ir yog‘mayapti, lekin ko‘chada suv paydo bo‘ldi. Bu qanday bo‘lishi mumkin?”

“Eksperiment: Nimaga o‘xshaydi?”

Maqsad: O‘quvchilar ilmiy eksperimentlarning maqsadini tushunishadi va tasavvur qilishadi.

O‘qituvchi biror ilmiy tajriba yoki tabiiy jarayonni qisqacha tasvirlaydi.

O‘quvchilar esa uni qog‘ozga chizishadi yoki oddiy so‘zlar bilan qayta tushuntirishadi.

Misol: “Suvni qizdirsak, u bug‘ga aylanadi” → O‘quvchilar bu jarayonni chizishadi yoki tushuntirishadi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Уважаемые педагоги,

Cобрали подборку полезных ресурсов, которые помогут сделать уроки еще более увлекательными, эффективными и современными. Эти сайты предлагают широкий спектр инструментов: от готовых планов уроков и презентаций до интерактивных заданий и AI-ассистентов.

📚 Для презентаций, планов уроков и материалов:

1️⃣ Twinkl.com — готовые презентации и материалы для уроков, часть доступна бесплатно.
2️⃣ Teacherspayteachers.com — ресурсы для учителей, включая планы уроков и презентации.
3️⃣ Wordwall.net — интерактивные и печатные задания, часть бесплатная.
4️⃣ Teachflix.org — образовательные видео и рабочие листы.
5️⃣ Eslkidstuff.com — карточки, рабочие листы и поделки для детей.

🎮 Для интерактивных занятий и игр:

6️⃣ Abcya.com — игры, видео и рабочие листы для школьников.
7️⃣ Eslgamesplus.com — ресурсы для преподавателей английского языка: видео, игры и задания.

🤖 AI-ассистенты для учителей:

8️⃣ Mindgrasp.ai — инструмент для создания краткого изложения любого текста.
9️⃣ Collegeessay.org — AI помогает писать статьи.
🔟 Instatext.io — помощник в написании и редактировании текста.
1️⃣1️⃣ Quillbot.com — перефразирование и проверка грамматики с помощью AI.
1️⃣2️⃣ Koala.sh — генератор статей с GPT.
1️⃣3️⃣ Autoclassmate.io — бесплатный AI для написания планов уроков.
1️⃣4️⃣ Flowgpt.com — один из лучших бесплатных генераторов планов уроков.

🎨 Графика и визуальные материалы:

1️⃣5️⃣ Pixabay.com — бесплатные изображения, векторная графика и рисунки.
1️⃣6️⃣ Clipart-library.com — картинки для презентаций.
1️⃣7️⃣ Canva.com — дизайн презентаций и визуальных материалов.

📖 Планы уроков и дополнительные ресурсы:

1️⃣8️⃣ Study.com — микро-планы уроков.
1️⃣9️⃣ Linguahouse.com — планы уроков и задания для преподавания английского.
2️⃣0️⃣ Pblworks.org — ресурсы для проектного обучения.
2️⃣1️⃣ Teachstarter.com — материалы для преподавателей.

✍️ Автор: Мохинабону Агзамова

Подписаться на канал:👇
https://t.me/trm_metodika

Hurmatli o‘qituvchilar,

Sizga darslarni yanada qiziqarli, samarali va zamonaviy qilishda yordam beradigan foydali resurslarni to‘pladik. Bu saytlar keng ko‘lamli vositalarni taklif etadi: tayyor dars rejalari va taqdimotlardan tortib, interaktiv topshiriqlar va AI-assistentlargacha.

📚 Taqdimotlar, dars rejasi va materiallar uchun:

1️⃣ Twinkl.com — tayyor taqdimotlar va dars materiallari, ayrimlari bepul mavjud.
2️⃣ Teacherspayteachers.com — o‘qituvchilar uchun dars rejasi va taqdimotlar.
3️⃣ Wordwall.net — interaktiv va chop etiladigan topshiriqlar.
4️⃣ Teachflix.org — ta’limga oid videolar va ish varaqalari.
5️⃣ Eslkidstuff.com — bolalar uchun kartochkalar, ish varaqalari va qo‘l mehnati materiallari.

🎮 Interaktiv mashg‘ulotlar va o‘yinlar uchun:

6️⃣ Abcya.com — o‘quvchilar uchun o‘yinlar, videolar va ish varaqalari.
7️⃣ Eslgamesplus.com — ingliz tili o‘qituvchilari uchun: video, o‘yinlar va topshiriqlar.

🤖 O‘qituvchilar uchun AI-assistentlar:

8️⃣ Mindgrasp.ai — har qanday matnning qisqacha mazmunini yaratish vositasi.
9️⃣ Collegeessay.org — maqolalar yozishda yordam beruvchi AI.
🔟 Instatext.io — matn yozish va tahrirlashda yordamchi.
1️⃣1️⃣ Quillbot.com — AI yordamida qayta yozish va grammatika tekshiruvi.
1️⃣2️⃣ Koala.sh — GPT bilan maqolalar generatori.
1️⃣3️⃣ Autoclassmate.io — dars rejalarini bepul yozuvchi AI.
1️⃣4️⃣ Flowgpt.com — bepul dars rejalarini yaratishda eng yaxshi vositalardan biri.

🎨 Grafika va vizual materiallar uchun:

1️⃣5️⃣ Pixabay.com — bepul tasvirlar, grafika va rasmlar.
1️⃣6️⃣ Clipart-library.com — taqdimotlar uchun rasmlar.
1️⃣7️⃣ Canva.com — taqdimotlar va vizual materiallar dizayni uchun.

📖 Dars rejasi va qo‘shimcha resurslar:

1️⃣8️⃣ Study.com — mini dars rejalar.
1️⃣9️⃣ Linguahouse.com — ingliz tili o‘qitish uchun rejalar va topshiriqlar.
2️⃣0️⃣ Pblworks.org — loyiha asosida o‘qitish uchun resurslar.
2️⃣1️⃣ Teachstarter.com — o‘qituvchilar uchun materiallar.

O‘quv jarayonini yanada mazmunli va samarali tashkil qilish uchun ushbu resurslardan foydalanib ko‘ring!

✍️ Muallif: Mohinabonu Agzamova

Kanalga ulanish:👇
https://t.me/trm_metodika

Dars o’tishdan oldin hamma o’qituvchi bilishi kerak bo‘lgan xususiyatlar

Bolaning ijtimoiy va kommunikatsion xususiyatlari

Introvert yoki ekstrovert: Bola ijtimoiy jihatdan faolmi yoki o‘zini kamroq ifodalaydimi?

Agar bola introvert bo‘lsa, u ko‘proq o‘zi bilan yakkama-yakka ishlashni afzal ko‘rishi mumkin, ekstrovert bola esa guruh ishlari va faol interaktiv darslarga qiziqishi mumkin.

Jamoada ishlashga tayyorligi: Bola guruh ishlarida yaxshi ishlaydimi yoki u faqat o‘z mustaqil ishlariga e'tibor beradimi?

Hikoya qilish va so‘zlash qobiliyati: Bola o‘z fikrlarini ochiq aytishda qiynalishi yoki aksincha juda faol bo‘lishi mumkin.

Bu dars davomida savollar berishda yoki guruh muhokamalarida qanday yondashuvni tanlashingizga yordam beradi.

O‘rganish uslubi

Vizual, auditiv yoki kinestetik o‘quvchi: Bola qanday o‘rganadi?

Vizual o‘quvchi rasm, diagramma, video materiallar foydali bo‘ladi. Auditiv o‘quvchi eshitish va tinglash orqali yaxshiroq o‘rganadi. Kinestetik o‘quvchi esa amaliy mashqlar va jismoniy faoliyatlarni afzal ko‘radi.

Qiziqish va qobiliyatlar: Bola qaysi mavzularda qiziqishi kuchli? Bu haqida ma'lumot to‘plash, darsda motivatsiya yaratish uchun foydali bo‘lishi mumkin.

Misol uchun, bola sportni yaxshi ko‘rsa, sport bilan bog‘liq misollar yoki o‘yinlar kiritish uning e'tiborini oshirishi mumkin.

O‘rganishga tayyorlik

Diqqatni jamlash: Bola diqqatni jamlashda qanchalik qiynaladi?

Agar bola diqqatini uzoq vaqt davomida jamlasa, qisqa va interaktiv dars usullarini qo‘llash foydali bo‘ladi.

Maqsadga erishish darajasi: Bola o‘ziga belgilangan maqsadlarga erishishda qanday ishlaydi?

Bu o‘quvchilarga beriladigan vazifalar va ularni qo‘llab-quvvatlashni rejalashtirishda yordam beradi.

Motivatsiya: Bola nima uchun o‘rganishni xohlaydi?

Darsda qanday motivatsiya elementlari qo‘llanilsa, bunga erishish osonroq bo‘ladi.

Emotsional holat va xulq-atvor

Xulq-atvor va o‘zini tutish: Bola darsda tinch o‘tirishi yoki harakatlari bilan boshqa o‘quvchilarni chalg‘itishi mumkin.

Buni bilish o‘qituvchiga bolaga individual yondashuvni tanlash imkoniyatini beradi.

Stressga reaksiyasi: Bola darsda qiyinchiliklarga duch kelsa, qanday reaksiya beradi? U ko‘proq yordamga muhtojmi yoki mustaqil ravishda yechim topishga harakat qiladimi?

Emotsional qobiliyatlar: Bola o‘z his-tuyg‘ularini qanday boshqaradi?

O‘qish va yozish ko‘nikmalari

O‘qish tezligi va tushunishi: Bola o‘qish vaqtida qiyinchiliklarga duch keladimi yoki tez o‘qib, yaxshi tushunadimi?

Agar bola o‘qish bo‘yicha qiyinchiliklarga duch kelsa, darsni boshqarishda yordam beradigan usullarni tanlash zarur bo‘ladi.

Yozish ko‘nikmalari: Bola yozish bo‘yicha yaxshi ko‘nikmalarga egami?

Agar yozish jarayoni unga qiyin bo‘lsa, uni qo‘llab-quvvatlash uchun turli xil texnikalar va ko‘maklar berish zarur.

Kuchli va zaif tomonlar

Kuchli tomonlari: Bola qanday faoliyatlarda yaxshiligi, uning iqtidorlt tomonlarini aniqlash, darsda qaysi sohalarda yordam bera olishini aniqlashga ko’maklashadi.

Zaif tomonlari: Bola qaysi sohalarda qiyinchiliklarga duch keladi?

Bu uning o‘rganish jarayonida yordam berish uchun qanday qo‘shimcha yordam berishingiz mumkinligini bilishga yordam beradi.

Stereotiplar va individual ehtiyojlar

Tashqi muhitning ta'siri: Bola uyida yoki jamiyatda qanday muhitda o‘sadi? Bu uning o‘rganishga, muloqotga va emotsional holatiga qanday ta'sir ko‘rsatadi?

Agar bola ma'lum bir ehtiyojga ega bo‘lsa (masalan, o‘qish qiyinchiliklari, e'tibor defitsiti va boshqalar), bu haqida oldindan ma'lumot olish va darsni shunga moslashtirish muhimdir.

Madaniy va oilaviy omillar: Bola oilasining madaniy va ijtimoiy holati uning o‘rganishiga qanday ta'sir ko‘rsatishini bilish, darsni yanada samarali qilishga yordam beradi.

❗️Unutmang! Har doim ham “kam gapirdi” degani bolaning past o‘zlashtirishini yoki aksincha “ko‘p gapirish“ bilimdonlikni ifodalamaydi.

Bu verbal-linvistik qobiliyat ustunligi yoki emotsional holat va muhit tufayli bo‘lishi mumkin.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

#Kasbiy_rivojlantirish_kuni

Pedagoglarning kasbiy mahoratini uzluksiz oshirib borish, taʼlim jarayoniga innovatsion pedagogik texnologiyalarni, oʻqitishning samarali shakl va usullarini joriy etish.

💻 Vebinarda ishtirok etish uchun havola: https://zoom.us/j/95652621737

Kanalga ulanish:👇
https://t.me/trm_metodika

Darsga qiziqtirish va qizitish o‘yinlari(warm-up) muzyorar (icebreaker) va enerjayzer(energizer) o‘rtasidagi farqlar: to‘g‘ri qo‘llash va natijaga erishish

Warm-up (qaynoq harakatlar)

Maqsad: Dars yoki faoliyat boshlanishidan oldin o‘quvchilarning e'tiborini jamlash, ularni mavzuga tayyorlash va motivatsiya berish.

Qachon ishlatiladi?

Dars yoki mashg‘ulot boshlanishidan avval, o‘quvchilarni faoliyatga tayyorlash uchun.

Xususiyatlar: O‘quvchilarga faollikni oshirish va diqqatni jamlashga yordam beradi. Odatda qisqa va mavzuga yaqin faoliyatlardan iborat bo‘ladi.

Misol: Savollar va javoblar, mavzu bo‘yicha qisqacha muhokama.

Misol: Agar tarix darsida "O‘rta asrlar" mavzusini boshlayotgan bo‘lsangiz, o‘quvchilarga qisqacha qiziq tarixiy voqea haqida gapirishingiz yoki muhim savollar bilan darsni boshlashingiz “warm up” hisoblanadi.

Icebreaker (“muzni sindiruvchi” faoliyatlar)

Maqsad: Guruhni tanishtirish, o‘quvchilarni yoki ishtirokchilarni bir-biri bilan qulay va samimiy muhitda tanishtirish. Bu, ayniqsa, yangi guruh yoki yangi jamoa yig‘ilganda foydali.

Qachon ishlatiladi?

Guruh yangi yig‘ilganida, ishtirokchilar bir-birlarini yaxshi tanimaganida, tanishuv darslarida.

Xususiyatlar: O‘quvchilar yoki ishtirokchilarni bir-biriga tanishtirish, ijtimoiy aloqalarni o‘rnatish uchun ishlatiladi.
Ko‘pincha o‘yin shaklida bo‘ladi va guruhni yoki jamoani ochiqroq qilishga yordam beradi.

Misol: Ishtirokchilar o‘z ismlarini aytib, o‘zlarining sevimli faoliyatlarini qisqacha tushuntirishi yoki "ikki haqiqat va bitta yolg‘on" o‘yini.
Misol: "Ismingizni aytib, sevimli film yoki kitobingizni ayting" kabi topshiriqlar berish.

Enerjayzerlar (Energiyani oshiruvchi faoliyatlar)

Maqsad: O‘quvchilarning energiyasini oshirish, charchoqni yo‘qotish va dars yoki faoliyat davomida faollikni saqlash.

Qachon ishlatiladi?

O‘quvchilar charchagan, e'tiborini yo‘qotgan yoki yengil hushyorlikni tiklash zarurati paydo bo‘lganida, dars davomida.

Xususiyatlar: Odatda qisqa, faol jismoniy yoki aqliy mashqlar bo‘lib, ishtirokchilarning energiyasini tiklashga yordam beradi.
Ko‘pincha jismoniy harakatni talab qiladi (masalan, turish, harakat qilish, qo‘llarni ko‘tarish).

Misol: "Birdaniga turib qo‘llaringizni cho‘zing" yoki "Tez-tez qarama-qarshi tomonlarga sakrab ko‘ring."
Misol: O‘quvchilar uzoq vaqt bir joyda o‘tirganidan so‘ng, ularni qisqa enerjayzer bilan faollashtirish. Misol uchun, "Hamma o‘rnidan turib, ikki marta sakrasin" yoki "Qo‘lni baland ko‘tarib, boshqa o‘quvchiga kulib qarang."

📌 Har bir usul o‘z vaqtida va o‘z joyida samarali ishlaydi, shuning uchun darsning kontekstiga qarab, eng to‘g‘ri usulni tanlash muhimdir.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika