Тошлоқ тумани ҳокимлиги (расмий)

ЛУТФУЛЛО ИСРОИЛОВ ЭЪТИРОФ ЭТИЛДИ.
Тошлоқ туманидаги ихтисослаштирилган мактабнинг 6-“А” синфи ўқувчиси Исроилов Лутфулло Раҳматжон ўғли “Ёш китобхон” танловида юқори билим савияси, китобга бўлган муҳаббати ва таҳлил қилиш қобилияти билан ажралиб турди.
Ушбу танловнинг Фарғона вилояти босқичида 10–14 ёшлилар тоифасида 1-ўринни қўлга киритиб, республика босқичига йўлланма олди. Республика миқёсида ўтказилган ҳал қилувчи босқичда ҳам Лутфулло ўзини муносиб даражада намоён қилиб, фахрли ўринни эгаллади.
Тошлоқ туманидаги марказий кутубхонада “Ёш китобхон” танлови ғолибини тақдирлашга бағишланган тадбир бўлиб ўтди. Тадбирда Лутфулло Раҳматжон ўғли алоҳида эътироф этилди.
Тадбир давомида Тошлоқ тумани ҳокими томонидан Исроилов Лутфулло тантанали равишда тақдирланди ва эсдалик совғаси топширилди. Шунингдек, унинг билимга бўлган интилиши, китоб ўқиш маданияти ва маънавий салоҳияти алоҳида таъкидланди.
Ҳоким ўқувчининг бундай ютуғи тумандаги таълим ва маънавият соҳасида амалга оширилаётган ишлар самараси эканини қайд этиб, келгусида ҳам шундай иқтидорли ёшлар етишиб чиқишига тилакларини билдирди.
Toshloq.uz✅Facebook✅Telegram 📹YouTube

ТОШЛОҚ ТУМАНИДА “ДАВЛАТ ХИЗМАТЧИСИ – КУТУБХОНАДА БИР КУН” ЛОЙИҲАСИ АМАЛГА ОШИРИЛДИ
Жамиятда китобхонлик маданиятини юксалтириш, аҳоли ўртасида маънавий-маърифий муҳитни мустаҳкамлаш ҳамда давлат хизматчилари фаолиятини кенг жамоатчиликка яқинлаштириш мақсадида Тошлоқ туманида “Давлат хизматчиси – кутубхонада бир кун” лойиҳаси амалга оширилди.
Ушбу ташаббус доирасида тумандаги турли давлат ташкилотларида фаолият юритувчи давлат хизматчилари туман марказий кутубхонасига ташриф буюриб, у ердаги фаолият билан яқиндан танишдилар. Кун давомида улар китобхонлар билан мулоқот қилиб, ўзларининг хизмат соҳалари бўйича маслаҳатлар бердилар, китоб ўқиш, билим ва тафаккурни бойитиш борасидаги тажрибалари билан ўртоқлашдилар.
Давлат хизматчилари кутубхона муҳитининг аҳамияти, айниқса ёшлар тарбиясидаги ўрни ҳақида фикр билдириб, кутубхонадаги китоб фондидан фойдаланиш имкониятларини янада кенгайтириш бўйича таклифларини ҳам илгари сурдилар.
Лойиҳа доирасида ўтказилган тадбирлар орқали аҳоли ва давлат хизматчилари ўртасида яқин алоқалар мустаҳкамланди. Бу эса нафақат китобга муҳаббатни ошириш, балки давлат хизматчилари фаолиятининг очиқ ва шаффофлигини таъминлашда ҳам муҳим қадам бўлди.
Маълумот ўрнида: Лойиҳа доирасида Тошлоқ туманидаги кутубхонанинг аъзолари 5778 нафарга ошган.

Toshloq.uz✅Facebook✅Telegram 📹YouTube

📢 Тошлоқ аҳли ва барча қизиқувчиларга!

Эндиликда **“Тошлоқ Тонгги Газетаси”**нинг расмий Telegram канали фаолият юритмоқда! 📲

✅ Янгиликлар
✅ Маҳаллий воқеалар
✅ Эълонлар ва хабарлар
✅ Қизиқарли мақолалар

Ҳаммаси биринчи бўлиб айнан шу ерда!

📰 Бизни кузатинг, маҳаллангиз ҳаётидан хабардор бўлинг! https://t.me/toshloqtongi_uz