Чилонзор тумани прокурори вазифасини бажарувчи Н.Д.Норбаев фуқароларнинг қабули ўтказилиб, унда мурожаат қилган фуқароларнинг мурожаатларини ҳал этиш борасида мутасаддиларга кўрсатмалар берилди.

Шунингдек, энергия ресурсларидан самарли фойдаланиш бўйича ташкил қилинган штаб йиғилиши ўтказилиб, энергия ресурсларидан фойдаланиш самарадорлигини ошириш, иқтисод қилиш, энергия балансини ишлаб чиқиш, энергоресурслардан оқилона фойдаланишни тизимли йўлга қўйиш юзасидан тавсиялар берилди.

Шундан сўнг, тумандаги 336-сонли мактабгача таълим ташкилотини ва 202-сонли мактабни мукаммал таъмирлаш жараёни кўздан кечирилиб, ишни тўғри ташкил этиш юзасидан тегишли масъулларга зарурий кўрсатмалар берилди.

Бундан ташқари, тумандаги Ал Хоразмий кўчасида давом этаётган гастрономик кўча қурилиши жараёнларини кўздан кечирилиб, аниқланган айрим камчиликларни бартараф этиш юзасидан масъулларга топшириқлар берилди.

Шунингдек, тумандаги “Катта Чилонзор-1”, “Қозиробод”маҳаллаларида “Ижтимоий ҳимоя Ягона реестри”га киритилган шахсларнинг турмуш тарзи ўрганилиб,  уларнинг ижтимоий муаммоларини ҳал этиш, касбга ўқитиш, бандлигини таъминлаш ҳамда камбағалликдан чиқариш бўйича чора-тадбирлар белгиланди.