“Zakovat” intellektual o‘yini yoshlar uchun qiziqarli va aqlni charxlaydigan, mantiqiy fikrlash ko‘nikmasini rivojlantiruvchi mashg‘ulotdir. Toshkent shahar adliya boshqarmasi tomonidan “Zakovat intellektual klubi” nodavlat notijorat tashkiloti bilan hamkorlikda yoshlar o‘rtasida “Huquqiy zakovat” intellektual o‘yini o‘tkazildi. Zakovat arenada bo‘lib o‘tgan o‘yinda   tumanlardan shakllantirilgan 12 ta jamoadan 100 nafarga yaqin yoshlar ishtirok etishdi.

Mantiqiy savollar va qiziqarli bellashuvlarga boy o‘tgan intellektual o‘yin yoshlarning aqliy salohiyatini oshirish va jamoa bilan ishlash ko‘nikmasini shakllantirishda muhim ahamiyat kasb etdi.   Do‘stona muhitda tashkil etilgan o‘yin natijalariga ko‘ra Yangihayot tumani jamoasi 1-o‘rin, Yashnobod tuman jamoasi 2-o‘rin va Yakkasaroy tuman jamoasi 3-o‘rinni egallashdi. G‘oliblarga diplom hamda esdalik sovg‘alari topshirildi.

📍 Bizning rasmiy sahifalarimizga quyidagi havolalar orqali obuna bo‘ling👇

Telegram | Facebook | Veb sayt | Instagram | YouTube