Poytaxt_adliya

#Qonunchilikdagi_yangiliklar

❗️Maktab o'quvchilarini kasb-hunarga o'qitishda tadbirkorlarni jalb etish tartibi belgilandi

Hukumat qarori (78-son, 11.02.2025 y.) bilan “O'quvchilarni kasb-hunarga o'qitishda umumiy o'rta ta'lim muassasalari va tadbirkorlik subyektlarining o'zaro hamkorlik qilish tartibi to'g'risida”gi nizom tasdiqlandi.

✅ Nizom o'quvchilarni kasb-hunarga o'qitishda umumiy o'rta ta'lim muassasalari bilan tadbirkorlar va hunarmandlarning o'zaro hamkorlik qilish tartibini belgilaydi.

📜 Nizom quyidagilarni nazarda tutadi:

▪️umumiy o'rta ta'lim muassasalari va tadbirkorlar o'rtasidagi hamkorlik yo'nalishlari;

▪️umumiy o'rta ta'lim muassasalari o'quvchilarni kasb-hunarga o'qitishni tashkil etish tartibi;

▪️tadbirkorlar tomonidan maktablarda kasb-hunar to'garaklarini tashkil etish asoslari;

▪️umumiy o'rta ta'lim muassasalarining bo'sh turgan binolarini tadbirkorlarga ijaraga berishda umumiy o'rta ta'lim muassasasi va tadbirkorlarning majburiyatlari.

📚 Kasb to'garaklariga kasbga qiziqishi bo'lgan 7–11-sinf o'quvchilari jalb etiladi.

▶️ 2025-yildan 8-sinf o'quvchilari uchun sanoat, ishlab chiqarish, xizmat ko'rsatish, agrotexnologiya sohalaridagi korxona va tashkilotlarga ekskursiyalar tashkil etiladi.

🎓 2024/2025-o'quv yili yakunigacha maktablar bitiruvchilarini egallaydigan kasb-hunari bo'yicha amaliy imtihondan o'tkazish va ularga elektron sertifikat berish tartibi joriy etiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Fuqarolar yig'ini raislarining vakolat muddati 5 yilga uzaytirildi

Qonun (O'RQ-1027-son, 11.02.2025 y.) bilan ayrim qonun hujjatlariga o'zgartirish va qo'shimchalar kiritildi.

🔰Qonunga ko'ra “Fuqarolarning o'zini o'zi boshqarish organlari to'g'risida”gi va “Fuqarolar yig'ini raisi saylovi to'g'risida”gi qonunlariga fuqarolar yig'ini raisi vakolatlari muddati 3 yildan 5 yilga uzaytirilishini, bo'shab qolgan o'rinlarga fuqarolar yig'inlari raislarining 5 yil muddatga saylanishini nazarda tutuvchi o'zgartirish va qo'shimchalar kiritilmoqda.

🔍 Shuningdek, fuqarolar yig'inlari raislari saylovini tashkil etish va o'tkazishga ko'maklashuvchi Qoraqalpog'iston Respublikasi, viloyatlar va Toshkent shahar komissiyalarining vakolatlari aniqlashtirildi.

📌Qonun rasmiy e'lon qilingan kundan e'tiboran kuchga kiradi.

⚠️ Qonun amalga kiritilguniga qadar saylangan fuqarolar yig'inlari raislari o'z vakolatlarini ular saylangan 3 yillik muddat tugaguniga qadar amalga oshiradi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Ayrim kasaba uyushmalarining bo'linmalarini hisobga qo'yish tartibi belgilandi

Hukumat qarori (72-son, 10.02.2025 y.) bilan “YUridik shaxs maqomiga ega bo'lmagan kasaba uyushmalarining bo'linmalarini va boshlang'ich kasaba uyushmalari tashkilotlarini hisobga qo'yish tartibi to'g'risida”gi nizom tasdiqlandi

🔰Nizom yuridik shaxs maqomiga ega bo'lmagan kasaba uyushmalarining bo'linmalarini va boshlang'ich kasaba uyushmalari tashkilotlarini hisobga qo'yish tartibini belgilaydi.

📝 YUridik shaxs maqomiga ega bo'lgan kasaba uyushmalarining bo'linmalari alohida qonunchilik hujjatlarida belgilangan tartibda davlat ro'yxatidan o'tkaziladi.

🖥 Bo'linma va boshlang'ich tashkilotni hisobga qo'yish bo'yicha davlat xizmati Davlat xizmatlari markazlari, Nodavlat notijorat tashkilotlarining elektron platformasi va YAgona interaktiv davlat xizmatlari portali (my.gov.uz) orqali ko'rsatiladi.

🚫 Bo'linmani va boshlang'ich tashkilotni hisobga qo'yish uchun yig'im undirilmaydi.

🗓 Bo'linma yoki boshlang'ich tashkilotni hisobga qo'yish to'g'risidagi so'rovnoma ro'yxatdan o'tkazuvchi organga kelib tushgan kundan boshlab 10 ish kunida ko'rib chiqiladi.

📜 So'rovnomani ko'rib chiqish natijalari bo'yicha ro'yxatdan o'tkazuvchi organ tomonidan bo'linmani yoxud boshlang'ich tashkilotni hisobga qo'yish yoki hisobga qo'yishni rad etish to'g'risida qaror qabul qilinadi.

📋 Ro'yxatdan o'tkazuvchi organ tomonidan hisobga qo'yilgan bo'linmalar va boshlang'ich tashkilotlar reyestri yuritiladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Energiya resurslaridan noqonuniy foydalanish holatlariga qarshi kurashish sohasida samarali davlat nazorati amalga oshiriladi

“Energiya resurslaridan noqonuniy foydalanish holatlariga qarshi kurashish sohasi takomillashtirilishi munosabati bilan O'zbekiston Respublikasi Prezidentining ayrim hujjatlariga o'zgartirish va qo'shimchalar kiritish to'g'risida”gi Prezident Farmoni (PF-20-son, 10.02.2025 y.) qabul qilindi.

🔰Farmonga ko'ra, Prezidentining ayrim hujjatlariga quyidagilarni nazarda tutuvchi o'zgartirish va qo'shimchalar kiritildi:

🔹yoqilg'i-energetika resurslarini behuda sarflash hamda ulardan noqonuniy va samarasiz foydalanish holatlarini aniqlash;

🔹sifatsiz yoqilg'i mahsulotlari realizatsiyasiga chek qo'yish borasida davlat nazoratini amalga oshirish mexanizmlarini soddalashtirish.

📝 Jumladan, Prezidentining 2023-yil 24-maydagi Farmoniga kiritilgan qo'shimchaga ko'ra:

✅ Elektr energiyasi, neft mahsulotlari va gazdan foydalanishni nazorat qilish inspeksiyasi (O'zenergoinspeksiya) tomonidan yoqilg'i-energetika resurslarini qazib olish, ishlab chiqarish, qayta ishlash, tashish, saqlash, yetkazib berish (taqsimlash, sotish) va iste'mol qilish faoliyati bilan shug'ullanadigan xo'jalik yurituvchi subyektlarda ularning faoliyatini tartibga soluvchi qonunchilik hujjatlariga rioya etilishi bo'yicha o'tkaziladigan nazorat tadbirlari doirasida sutkaning istalgan vaqtida o'tkaziladigan tekshiruvlar tekshiruv boshlangandan so'ng 24 soat ichida “YAgona davlat nazorati” axborot tizimida ro'yxatga olish orqali vakolatli organni xabardor etish tartibida amalga oshiriladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️“Hazrat Navoiyni anglash – o'zligimizni anglash” mavzusida respublika tanlovi o'tkaziladi

"Buyuk shoir va mutafakkir Mir Alisher Navoiy ijodiy merosini yurtimiz va jahon miqyosida keng targ'ib qilish hamda Navoiy viloyatida “Alisher Navoiy yili”ni yuqori darajada o'tkazish chora-tadbirlari to'g'risida”gi Prezident qarori (PQ-43-son, 07.02.2025 y.) qabul qilindi

⚡️ Qarorga ko'ra, Alisher Navoiy tavalludining 584 yilligi munosabati bilan Navoiy viloyatida 2025-yil “Alisher Navoiy yili” deb nomlanadi.

🏢 Alisher Navoiy ijodiy merosini chuqur o'rganish va keng targ'ib qilish hamda Navoiy viloyatida “Alisher Navoiy yili”ni yuqori darajada o'tkazish bo'yicha respublika komissiyasi hamda chora-tadbirlar dasturi tasdiqlandi.

✅ Alisher Navoiy merosini o'rganish ishlarini yanada yuksak bosqichga ko'tarish maqsadida yurtimiz va chet ellarda tizimli asosda ilmiy izlanishlar olib borish va ularning natijalarini e'lon qilish, ushbu mavzuda yangi ilmiy, badiiy va ommabop asarlar yaratish, xorijdagi navoiyshunos olim hamda ijodkorlarning asarlarini o'zbek tilida nashr etish choralarini ko'rish Respublika komissiyasining asosiy vazifalaridan biri etib belgilandi.

📜 “Alisher Navoiy va Sharq Renessansi” an'anaviy xalqaro simpoziumi va navoiyxonlik tadbirlari yuqori saviyada o'tkaziladi.

📚 Navoiy davlat universitetida 2025-yil 10–15-oktabr kunlari “Alisher Navoiy ilmiy-adabiy merosining umumbashariyat ma'naviy va ma'rifiy taraqqiyotidagi o'rni” mavzusida xalqaro ilmiy konferensiya o'tkaziladi.

📝 “Hazrat Navoiyni anglash – o'zligimizni anglash” mavzusida respublika tanlovi, shuningdek, ta'lim tashkilotlari va mahallalarda “Navoiyxonlik kechalari” tashkil etiladi.

Kanalga ulanish👇👇👇
https://t.me/huquqiyaxborot_lotin