ТКТИ Халқаро ҳамкорлик - ТХТИ международное сотрудничество- TICT International cooperation 🇺🇿🇧🇾🇰🇷🇧🇬🇵🇼🇨🇳🇺🇸🇪🇸🇮🇹

🎊🎊Farmatsevtika, biologik faol moddalar sohasidagi yosh olimlarni xorijiy tashkilotlarga qisqa muddatli ilmiy stajirovkaga yuborish bo‘yicha maqsadli tanlov
Qaerda: “Debrecen” universiteti
Muddat: 1 oy
Ilmiy stajirovka maqsadi: kasalliklarni davolash uchun yangi dori vositalari, biologik faol moddalar, birikmalarni olish, o'rganish va sintez qilish, yangi turdagi dori shakllarini olish texnologiyasini ishlab chiqish.
‼️⏰ Muddat: 5 mart

Innovatsion rivojlanish agentligi (Agentlik) O‘zbekiston Respublikasi Prezidentining 2024-yil 10-yanvardagi PQ-14-son qaroriga 1-ilovasi bilan tasdiqlangan “2024-2025-yillarda farmasevtika tarmog‘ini rivojlantirish va investitsiya loyihalarini amalga oshirishni jadallashtirish bo‘yicha “Yo‘l xaritasi” va Vazirlar Mahkamasining “O‘zbekiston Respublikasi Vazirlar Mahkamasining yaqin muddatga va uzoq istiqbolga mo‘ljallangan harakat dasturi ijrosini samarali va natijador tashkil etish chora-tadbirlari to‘g‘risida” 2024-yil 10-dekabrdagi 136-son Rayosat majlisi bayoni tegishli bandlari ijrosini ta’minlash maqsadida farmasevtika sohasidagi yosh olimlarni xorijiy tashkilotlarga qisqa muddatli ilmiy stajirovkaga (stajirovka) yuborish bo‘yicha maqsadli tanlov e’lon qiladi.

✅Maqsadli tanlov Vazirlar Mahkamasining 2021-yil 19-apreldagi 222-son qarori bilan tasdiqlangan “Yosh olimlarni yetakchi xorijiy ilmiy tashkilotlarga qisqa muddatli ilmiy stajirovkalarga yuborish tartibi to‘g‘risida” nizom (Nizom) talablariga va Vengriyaning “Debrecen” universiteti bilan tuzilgan kelishuv bitimiga asosan tashkil etiladi.

Bunda, stajirovka o‘tash uchun 20 nafar yosh olim saralab olinadi va tanlov g‘oliblari e’lon matniga 1-ilovada keltirilgan stajirovkani amalga oshirish dasturida belgilangan vazifalarni bajarish uchun Vengriyaning “Debrecen” universitetiga 2025-yil davomida 30 ish kunlik muddatga stajirovkaga yuboriladi.Shunga ko‘ra, Oliy ta’lim muassasalari va ilmiy tashkilotlar (buyurtmachilar) stajirovka o‘tashga tavsiya qilinuvchi (ehtiyoji mavjud) nomzodlar to‘g‘risidagi ma’lumot (hujjat)larni e’lon matniga 2-ilovaga muvofiq belgilangan tartibda 2025-yilning 5-mart (mazkur sanada ham qabul qilinadi) sanasiga qadar Agentlikka taqdim etishlari mumkin.

‼️ Nomzodlar to‘g‘risidagi ma’lumot (hujjat)lar buyurtmachilar tomonidan Nizom talablariga muvofiq rasmiylashtirilgan va umumlashtirilgan holda Agentlikka “internship.ilmiy.uz” xorijiy ilmiy stajirovkalarni tashkil etishning yagona elektron tizimi orqali taqdim etiladi. Nomzodlarni tavsiya etish jarayonining holisligini va taqdim etilayotgan ma’lumot (hujjat)larning to‘liqligi, haqqoniyligi shu bilan birga, tavsiya etilgan nomzodlarni saralash tanlovlarda ishtirokini ta’minlash buyurtmachi rahbari zimmasiga yuklanadi.

✍️Tanlov haqida qo‘shimcha ma’lumotlar olish uchun Agentlik mas’ul xodimlari:Ilmiy stajirovkalarni va laboratoriya asbob-uskunalari xaridini tashkil etish bo‘limi boshlig‘i Taxirov Sarvarbek Matchanovich, telefon: (71) 203 32 23 (ichki raqam 655), elektron manzil: s.takhirov@ilmiy.uz;Bosh mutaxassis Kabashev Toirjon Perdebaevich, telefon: (71) 203 32 23 (ichki raqam 656), elektron manzil: t.kabashev@ilmiy.uz.Axborot tizimiga texnik tomondan qo‘llab qo‘vatlash uchun mas’ul AKTni joriy etish va raqamlashtirish boshqarmasi bosh mutaxassisi Tojiyev Sardor Azimqul o‘g‘li, telefon: (71) 203 32 23 (ichki raqam 647), elektron manzil: s.tojiyev@ilmiy.uz. Ma’lumot uchun: tavsiya etilgan nomzodlar to‘g‘risidagi ma’lumot (hujjat)lar qo‘shimcha ma’lumotlar olish uchun keltirilgan Agentlik xodimlari elektron manziliga yuborilmaydi. Yuborilgan ma’lumot (hujjat)lar ko‘rib chiqilmaydi.



https://t.me/+2JcU483uTkozZmNi - Mazkur tanlov bo‘yicha nomzodlarga yordam berish uchun tashkil qilingan telegram guruh