Toshkent harbiy okrug matbuot xizmati

O‘zbekiston Respublikasi Mudofaa vazirligi, Respublika harbiy prokuraturasi, Toshkent viloyati mudofaa ishlari boshqarmasi huzuridagi chaqiriluvchilarni harbiy-texnika mutaxassisliklari bo‘yicha tayyorlash markazi, Xalq deputatlari Yangiyoʻl tuman Kengashi Yangiyoʻl tumanida joylashgan harbiy qism bilan hamkorlikda Yangiyoʻl tuman va Yangiyoʻl shahar yoshlari uchun "Yuksak ma'naviyat - Vatan himoyachisining qudrati", "Vatan muqaddas, uni himoya qilish sharafli burchidir!" mavzularida ma'naviy - ma’rifiy tadbir tashkillashtirildi.

Mamlakatimiz yoshlarini vatanparvarlik, yuksak maʼnaviy-axloqiy qadriyatlar ruhida tarbiyalash yo‘lida “Xalq va armiya - bir tanu, bir jondir!” degan ezgu g‘oya asosida yoshlar tarbiyasiga masʼul vazirlik va idoralarning kuch va imkoniyatlarini bir g‘oya asosida birlashtirish maqsadida o‘tkazilgan tadbirda mazkur maktabda ta’lim olgan hozir Sharqiy harbiy okrugda o’z faoliyati olib borayotgan serjant Sadibekov Alixan Baxtiyarovich ota onasi hamda yaqinlari, maktab oʻquvchilari ishtirokida “Mard askar yoshlarga namuna” mavzusida tadbir oʻtkazildi.

Taʼkidlash joizki, bu kabi tadbirlar o‘quvchi-yoshlarda harbiy xizmat, uni o‘tashning huquqiy asoslariga oid bilimlar va boshlang‘ich harbiy tayyorgarlik darajasini oshirish, yoshlarda harbiy xizmatga bo‘lgan qiziqishni, Qurolli Kuchlarimiz bilan faxrlanish tuyg‘usini oshirish, jismoniy qobiliyatlarini rivojlantiradi.