TerSU Foreign Philology

Assalomu alaykum, men uchun qadrdon bo‘lgan Termiz davlat universiteti filolgiya fakultetining professor-o’qituvchilari va talabalari! Poyon O‘ralovich yuborgan Termiz davlat universiteti talabalari tashabbusi bilan viloyat markazidagi “San’at saroyi”da “O‘zbekiston — Vatanim manim” shiori ostida keng qamrovli ma’naviy-ma’rifiy tadbir videolavhasini ko’rib, juda ham xursand bo’ldim. Vatanimizning jonkuyar talabalari, sizlar o’z chiqishlaringiz bilan tarixan O‘zbekiston madaniyati Sharqning eng yorqin va o‘ziga xos madaniyatidan biri ekanligini amalda ko‘rsatib, o‘zbek millatining o‘z milliy an’ana va urf-odatlari borligini, uning o‘z mulkiga aylangan, asrlar davomida kuylanib kelayotgan «lapar» hamda «yalla» sana’ti mavjudligini, Boysun raqsi o‘zgacha mayinligi, xarakatlarning ravonligi va ifodaliligi, siljish qadamlarining engilligi, joylarda va aylanishlarda o‘izga xos xarakatlari bilan ajralib turishini, Surxon vohasi milliy matolarning va kashtalarning chiroyi va boyligini namoyish etdilaring. Tadbirning yuqori saviya o‘tganligi Termiz davlat universitetida talaba-yoshlarning o‘qishi hamda ijod qilishi uchun barcha sharoit yaratilganidan darak beradi.
Hurmali tadbir ishtirokchilari! Sizlarga mustahkam sog‘liq, ishlaringizda yangi yutuqlar, xonadonlaringizga tinchlik va farovonlik tilayman.
Hurman bilan, “Turon” Fanlar Akademiyasining akademigi, Xalqaro Informatizatsiyalash Akademiyasining akademigi, filologiya fanlari doktori, O‘zbekiston davlat jahon tillari universiteti professori Do‘smamat Sattarovich Qulmamatov.

Ассалому алайкум! Мислсиз, ажойиб, ўта мафтункор, ибратли тадбир! Буни бошида турганлар катта унвонларга муносиб. Поян Уралович, қадрдон дўстим, чин дилдан табриклайман. Чарчаманг, ишларингизга омад, ўзингизга соғлик, битмас-туганмас омад тилайман.

Ассалому алайкум рахматуллоҳи барокатуҳу Хурматли Паён Уролович!
Сиз ва Сиз рахбарлигингизда ўтказилган "Ўзбекистон ватаним маним" Халқаро дўстлиги байрами хақиқий дўстлик байрамига айланди.
Мен Сурхондарё туркман миллий маданият маркази раиси, Молия кафедрасининг 46 йиллик доценти сифатида, ўтказган табирингизнинг хаммасини эътироф қилган ва қойил колган холда, барча миллатларнинг кийимлари, уларга мослаб танлаган ижрочи талабаларингиз, уларнинг тушган рақслари ўша миллатнинг санаткорларидан зиёдаси билан ижро қилишди. Тасанно айтмасдан илож йўқ.
Улуғ форс тожик мутаффакири Рудакийнинг тўртлигини:
Дунёнинг Шодлиги йиғилса буткул,
Дўстлар дийдоридан бўла олмас устун, деган сўзларини
Таранум эдингиз.
Шу боис Сизга, Сиз рахбарлик қилаётган жамоангизга ўз миннатдорчилигимни, тазимимни изҳор қиламан.
Сизга ва Сиз рахбарлик қилаётган жамоангизга Ўзбекистонимизнинг, унивеситетимизнинг гуллаб яшнашига
ўз хиссаларингизни қўшишда
Аллоҳ хамиша мададкор бўлсин, Ўзи барча ниятларингизга етказсин мартаба мансабингизни улуғ қилсин. Омийин.