⏺Prezidentimizning hududlarni jadal rivojlantirish, aholini sifatli turar joylar bilan ta’minlash hamda infratuzilmani rivojlantirish bo‘yicha qabul qilgan farmon va qarorlari, shuningdek, berilgan topshiriqlari ijrosini ta’minlash maqsadida Surxondaryo viloyatida keng ko‘lamli loyihalar amalga oshirilmoqda.

⏺Ayniqsa, viloyat markazi – Termiz shahri bugungi kunda ulkan qurilish va bunyodkorlik maydoniga aylangan. Joriy loyihalarning borishini o‘rganish maqsadida Surxondaryo viloyati hokimi Ulug‘bek Qosimov shahar bo‘ylab amalga oshirilayotgan qurilish ishlari hamda avvalgi tashriflarda berilgan topshiriqlarning ijrosi bilan tanishdi.

⏺Tashrif davomida dastlab "San’at saroyi" majmuasida mutasaddilar tomonidan "Navro‘z" umumxalq bayramiga tayyorgarlik yuzasidan ishlab chiqilgan dastur taqdimoti bo‘lib o‘tdi. Sayl kuni o‘tkaziladigan madaniy-ma’rifiy va sport tadbirlari haqida ma’lumot berildi. Shuningdek, majmua hududini obodonlashtirish va bayramga yuqori saviyada tayyorgarlik ko‘rish bo‘yicha tegishli vazifalar belgilab olindi.

⏺Shundan so‘ng, hokim "ERRIEL" xorijiy korxonasining "Hilton" mehmonxonasi, konferensiyalar zali, savdo komplekslari, shuningdek, "Guliston", "Surxon sohili", "Manguzar" va "Kattabog‘" mahallalarida barpo etilayotgan ko‘p qavatli turar joy majmualari hamda "Termiz Mall" loyihasining qurilish ishlari bilan tanishdi. Shuningdek, Termiz davlat universiteti atrofidagi yo‘llarni ta’mirlash jarayonlari ham ko‘zdan kechirildi.

⏺Tashrif davomida har bir loyiha bo‘yicha olib borilayotgan ishlar tahlil qilinib, qurilish sifatini yuqori darajada ta’minlash, shaharsozlik va qurilish normalariga qat’iy rioya etish bo‘yicha mutasaddilarga tegishli ko‘rsatmalar berildi.

🇺🇿Termiz shahar hokimligi Axborot xizmati

✅Kanalga ulanish: https://t.me/termizshh
Telegram | YouTube | Facebook | Web-site | Twitter | Instagram