Temur Khatamov

OpenAI kompaniyasi yangi o3-mini modelini taqdim etdi

U aniq javob berish talab qilinadigan maxsus bilim sohalariga yo‘naltirilgan va tezlik hamda aniqlik o‘rtasida muvozanatli yechim sifatida tavsiflanmoqda.

Oldingi versiya — o1-mini esa umumiy bilimlar bo‘yicha mantiqiy mulohaza yurituvchi keng qamrovli model sifatida ishlashda davom etadi. Ikkala model ham “fikrlovchi” sun’iy intellekt turlariga kiradi.

o3-mini quyidagi shartlar asosida foydalanishga taqdim etiladi:

- ChatGPT Pro — cheklovsiz foydalanish;
- ChatGPT Plus/Team — kuniga 150 ta xabar;
- ChatGPT Enterprise — hozircha cheklovlar aniqlanmagan, bu obuna varianti fevralda ishga tushirilishi kutilmoqda;
- Bepul versiya — cheklovlar hali e’lon qilinmagan.

Pullik obunachilar uchun yana bir afzallik mavjud: o3-mini-high funksiyasini yoqish mumkin, bu esa aqlliroq va yanada batafsil javoblar olish imkonini beradi, lekin javob berish vaqti biroz cho‘ziladi.

Tim Kuk iPhone’dagi innovatsiyalar bilan hayratga solishga va’da berdi

Apple bosh direktori fikricha, smartfonlar dunyosida hali ham “innovatsiyalar uchun joy bor”, va yangi iPhone modellari “optimizm uyg‘otmoqda”.

Kutilishicha, bu yil Apple smartfon dizaynida tub o‘zgarishlar qiladi, shu jumladan, eng ingichka iPhone 17 Air va ekran ostidagi Face ID texnologiyasini taqdim etadi. Shuningdek, aprel oyida kompaniya to‘rtinchi avlod iPhone SE’ni namoyish etishi kutilmoqda. Biroq, buklanuvchi iPhone hozircha faqat prototip holatida qolmoqda.

Apple smartfon bozorida shak-shubhasiz yetakchi bo‘lib qolmoqda, lekin so‘nggi olti yil ichida auditoriya qiziqishi pasayib borayotgani sezilmoqda: smartfonlarning Apple daromadidagi ulushi 55% gacha tushdi.

Raqobatchilardan ajralib turadigan kuchli innovatsiyalar taqdim etish vaqti keldi. Yana bir eski kamera blokiga ega “Pro” modeli hech kimga qiziq bo’lmasligi mumkin.

Google Pixel va Android jamoalarini qisqartirishni rejalashtirmoqda

Google xodimlar uchun “ixtiyoriy ravishda ishdan ketish” dasturini e’lon qildi. Bu tashabbus Android va Pixel smartfonlarini ishlab chiqayotgan jamoalarni ham qamrab oladi.

Bu imkoniyat AQShda ishlaydigan Chrome va Chrome OS, Android (shuningdek, Auto, Wear OS va Android XR), Google Photos, Google One, Fitbit va Nest bo’lim xodimlariga taqdim etiladi.

Agar kimdirga kompaniyaning yangi yo’nalishi to’g’ri kelmasa, ular o‘z xohishiga ko‘ra ishdan ketib, kompensatsiya olishlari mumkin. To‘lov miqdori hozircha oshkor qilinmagan.

Bu qisqartirishlar Google qidiruvi, sun’iy intellekt va boshqa asosiy yo‘nalishlarga ta’sir qilmaydi.

Hech bo‘lmaganda, bu safar ishchilarning barchasini birdan tashqariga uloqtirib yuborishmadi. O‘tgan yili Google AR-qurilmalar bo‘yicha butun jamoasini qisqa fursatda ishdan bo‘shatgan edi.

Mish-mish: Apple buklanuvchi iPhone uchun ekran yetkazib beruvchisini tanlamoqda

Apple buklanuvchi iPhone uchun ekran yetkazib beruvchisini tanlash bo’yicha yakuniy qarorni fevral oxiri – aprel boshi oralig‘ida qabul qiladi. Bu haqda yeux1122 taxallusi ostida tanilgan insayder Naver blogida xabar berdi. Unga ko‘ra, Apple yetkazib beruvchi tanlashda juda talabchan: ishlab chiqaruvchi ekranning yuqori mustahkamligini ta’minlashi va buklangan joyda burmalar paydo bo‘lmasligiga kafolat berishi kerak.

Android-smartfon ishlab chiqaruvchilari o‘z buklanuvchi qurilmalarini bozorga chiqarib, foydalanuvchilarning fikrini o‘rganayotgan bir paytda, Apple o‘ziga xos yondashuvni tanlamoqda: qurilma mukammal bo‘ladi yoki umuman chiqmaydi.

Hozircha buklanuvchi iPhone haqida ma’lumot juda kam, ammo yirik tahlilchilarning fikricha, smartfon 2026-yilda chiqariladi. Qurilma Fold formatida bo‘lib, kitob singari buklanishi kutilmoqda.

Mish-mish: PlayStation 5 va Xbox GTA VI’ni 60 FPS’da ishga tushira olmaydi

Grand Theft Auto VI juda yuqori grafikaga ega bo‘lgani sababli ishlab chiquvchilar o‘yinni 30 FPS’da cheklashga majbur bo‘lishadi, deb aytdi Rockstar Games’ning sobiq animatorlaridan biri Mark York YouTube’dagi Kiwi Talkz kanaliga bergan intervyusida.

Buni GTA VI’ning birinchi va yagona treyleri ham bilvosita tasdiqlaydi: video 30 FPS’da yozilgan, holbuki GTA V’ning yangi avlod versiyasi va RDR 2’ning PC porti treylerlari 60 FPS’da chiqarilgan. Digital Foundry ekspertlari ham hozirgi avlod konsollari GTA VI’ni 60 FPS’da ishga tushira olishi qiyinligini ta’kidlashmoqda.

PlayStation 5 Pro ham katta farq qilmasligi mumkin: bu konsol 60 FPS uchun ba’zi grafikali o‘yinlarda ruxsatni 720p gacha tushirishga majbur bo‘ladi.

Biroq bu mish-mishga skeptik yondashuv bilan qarash kerak. York hozir Rockstar’da ishlamaydi, shuningdek, intervyu keyinroq YouTube’dan o‘chirib tashlangan. Bundan tashqari, ishlab chiquvchilar hali ham o‘yinni optimallashtirish va yaxshilash uchun yetarlicha vaqtga ega. Kamida “performance” rejimi (yuqori FPS uchun optimallashtirilgan sozlama) mavjud bo‘lishi kutilmoqda.

Mish-mishlarga ko‘ra, GTA VI 2025-yil 17-sentyabrda chiqadi va uning raqamli versiyasi $90 bo’ladi.

DeepSeek foydalanuvchilarining shaxsiy ma’lumotlari tarmoqqa sizib chiqdi

Xitoy startapi maxfiy ma’lumotlarni ochiq holda saqlagan: foydalanuvchilarning shifrlanmagan parollari, chat-bot bilan yozishmalar tarixi va hatto dasturchilarning autentifikatsiya tokenlari internetda ochiq qolgan.

Potensial tajovuzkor ma’lumotlar bazasi ustidan to‘liq nazoratni qo‘lga kiritishi, hattoki o‘zini administrator sifatida tayinlashi ham mumkin edi. Wiz Research tadqiqotchilari bu xavfsizlik bo‘shlig‘ini aniqlashdi.

DeepSeek ma’lumotlar sizib chiqishini bartaraf etdi, biroq vaziyat bo‘yicha izoh berishdan bosh tortdi.

Apple 2025-moliyaviy yilning birinchi choragi bo‘yicha hisobotini e’lon qildi

Q1 2025 daromadi — $124,3 mlrd. (+4% Q1 2024 bilan solishtirganda). Sof foyda — $36,33 mlrd. Kategoriyalar bo‘yicha:

• iPhone: $69,14 mlrd. (-0,8%);
• Mac: $9 mlrd. (+15,5%);
• iPad: $8,1 mlrd. (+15,2%);
• Taqiladigan qurilmalar, aksessuarlar, aqlli uy gadjetlari: $11,7 mlrd. (-1,7%);
• Servislar: $26,3 mlrd. (+14%).

Kompaniya umumiy daromad va aksiyalarga nisbatan foyda bo‘yicha tarixiy rekord o‘rnatdi. Servislar bo‘limi daromadi yangi eng yuqori cho‘qqiga chiqdi.

Pixel 9a taqdimoti 19-mart kuni bo’lib o’tadi, sotuvlar esa 26-mart kuni boshlanadi

Android Headlines taqdimotning aniq sanasini e’lon qildi. Odatda Google kichik “Pixel” modellari haqida may oyidagi I/O konferensiyasida gapirar edi, lekin portal ma’lumotlariga ko‘ra, bu yil kompaniya qurilmani iloji boricha erta chiqarish niyatida.

Pixel 9a 6,3 dyuymli 120 Hz Actua-displey, 5100 mA·h akkumulyator, 48 va 13 MP kameralar bilan jihozlanishi, ichida esa Tensor G4 chipi hamda 8/128 GB xotira bo’lishi kutilmoqda.

Hatto ranglari ham ma’lum bo‘ldi: qora, oq, pushti va “Iris” kodli nomga ega yangi rang.

Narxi — $500 dan boshlanadi.

Nothing Phone (3a)’ning birinchi rasmiy posteri smartfon haqida yangi tafsilotlarni ochib berdi

Yangi modelning dizayni, ko’rinishidan, Nothing Phone (2a) uslubining davomiga aylanadi, biroq kameralar soni uchta bo‘lishi mumkin.

Poster asosida muxlislar tomonidan yaratilgan render paydo bo‘ldi, bu esa smartfon qanday ko‘rinishga ega bo‘lishi haqida taxminiy tasavvur beradi.

Rasmiy taqdimot 4-mart 15:00 da bo‘lib o‘tadi.

Apple va SpaceX iPhone’dagi sun’iy yo‘ldosh aloqasini yaxshiladi

SpaceX iOS 18.3 operatsion tizimida ishlaydigan iPhone 14 va undan yuqori barcha iPhone qurilmalari uchun Starlink sun'iy yo'ldoshlariga dostup ochib beradi. Bu haqda Bloomberg agentligidan Mark Gurman xabar berdi. Yangi funksiyadan faqat Amerikaning T-Mobile operatori abonentlari foydalanishi mumkin.

Asosiy ustunlik: endi iPhone’ni osmonga ko‘tarib signal izlash shart emas. Qurilma cho'ntagingizdan chiqmasdan Starlink’ga avtomatik ravishda ulanadi. Hozircha faqat matnli xabarlar yuborish mumkin, lekin kelajakda qo‘ng‘iroqlar ham qo‘shilishi kutilmoqda.

SpaceX sun’iy yo‘ldosh aloqasini butun dunyo bo‘ylab mobil qurilmalar uchun ishga tushirishni rejalashtirmoqda, biroq aniq muddatlar hali ma’lum emas.

Mish-mish: GTA VI 17-sentabr kuni chiqadi

XUruguay onlayn-do‘koni Take-Two’nig rasmiy e’lonini kutmay, o‘yinning sahifasini 17-sentabr 2025-yil chiqish sanasi bilan bezatdi. Agar bu mish-mish rost bo‘lsa, unda yangi qism GTA V’dan roppa-rosa 12 yil keyin taqdim etiladi.

Biroq bu ma’lumotga skeptik yondashuv bilan qarash kerak. Chunki mantiqiy “Buni qayerdan bilasiz?” degan savolga ular “PlayStation bilan yaqindan hamkorlik qilamiz”, deb javob berishmoqda. Bu da’voni tasdiqlash yoki rad etishning iloji yo‘q.

Ha, Take-Two chindan ham o‘yinni shu yil chiqarishni rejalashtirgan, lekin bu muddat osonlikcha surilishi mumkin. Hozirgacha faqat bitta treyler taqdim etildi (u ham bir yil oldin), demak, o‘yin oldidan faol marketing kampaniyasi hali boshlanmagan. Agar saytdagi sana to‘g‘ri bo‘lsa, muxlislarni asta-sekin bilan tayyorlab kelishlari erak edi, ammo Rockstar Games jim.

Xitoy avtokonsernlari Germaniyada Volkswagen zavodlarini sotib olish imkoniyatini ko‘rib chiqmoqda

Volkswagen hozirda Drezden va Osnabrukdagi zarar ko‘rayotgan ikki zavodning taqdirini hal qilish ustida ishlamoqda. Eng ehtimoliy variantlardan biri — ularni Xitoy kompaniyalariga sotish. Reuters xabariga ko‘ra, asosiy da’vogarlar qatorida Chery va BYD bor.

Agentlik manbasining so‘zlariga ko‘ra, Volkswagen rahbariyati allaqachon Osnabrukdagi zavod bilan xayrlashishga tayyor. 2300 nafar ishchi ham bu fikrga qo‘shilmoqda. Zavod kasaba uyushmasi rahbari Shtefan Soldanski ishchilarning Xitoy hamkorlari uchun avtomobil ishlab chiqarishga tayyorligini bildirgan, lekin VW’ning yuqori standartlari saqlanib qolishi kerakligini ta’kidlagan.

Xitoy uchun bu foydali kelishuv bo‘lishi mumkin, chunki u elektromobillar uchun yuqori boj to‘lovlaridan qochish va mahalliy avtomobil bozorida o‘z ulushini kengaytirish imkonini beradi. Ammo yakuniy qaror fevral oyidagi Germaniya kantsleri saylovidan keyin qabul qilinishi kutilmoqda. Xitoy hukumati yangi nemis rahbariyatining iqtisodiy yondashuviga qarab, xorijga investitsiya kiritish yoki kiritmaslik haqida qaror qabul qiladi.

AI yordamida yaratilgan dori vositalarining klinik sinovlari shu yilning o’zida boshlanishi mumkin

Bu haqda Google DeepMind bosh direktori Demis Hassabis ma’lum qildi. Agar hammasi rejaga muvofiq ketsa, sun’iy intellekt dori ishlab chiqarishda yangi bosqichni boshlab beradi va farmatsevtika kompaniyalariga o‘nlab milliard dollar tejashga yordam beradi. Bu esa yangi dori vositalarini yaratish va sinov jarayonini tezlashtiradi.

Hozirgi paytda yangi dori ishlab chiqarish bir necha milliard dollar talab qiladi va klinik tadqiqotlar yillar, hatto o‘n yillar davom etishi mumkin. Insonlar ishtirokidagi sinovlardan o‘tgan dorilarning atigi 10% bozorga chiqishga muvaffaq bo‘ladi.

Sun’iy intellekt personallashtirilgan tibbiyot rivojlanishiga ko’maklashib, har bir bemorning individual xususiyatlariga qarab eng samarali dori turini tanlab bera olishi mumkin.

Bunga erishish uchun ulkan miqdordagi real tibbiy ma’lumotlarni yig‘ish shart emas — neyro tarmoqlar sintetik ma’lumotlar yaratib, tibbiyotdagi “bo‘shliqlarni” to‘ldirishni o’rgangan.

Agar bu texnologiya muvaffaqiyatli sinovlardan o‘tsa, dori ishlab chiqarish tarixida haqiqiy to‘ntarish yuz berishi mumkin.

Samsung Galaxy S25 Ultra uchun alohida Bluetooth'li S Pen mavjudligi haqidagi ma’lumotni rad etdi

SamMobile’ning yozishicha, kompaniya Galaxy S25 Ultra uchun Bluetooth'li stilusni alohida sotmasligini ta’kidlagan. Portal kompaniya rasmiylaridan nima sababdan Samsung rasmiy saytida noto‘g‘ri ma’lumot paydo bo‘lganligini surishtirishgan. Ma’lum bo‘lishicha, bu xatolik saytda frilanser-mualliflarning ishlashi tufayli kelib chiqqan.

Samsung Insights veb-sahifasiga kompaniyaning o‘z mualliflari emas, balki frilanserlar yozar ekan. Ular yozgan materiallar esa tekshirilmasdan chop etilishi mumkin. Natijada, “mavjud bo‘lmagan” Bluetooth'li S Pen haqidagi matnlar paydo bo‘lgan.

Shuningdek, Amazon’da ham xatolikka yo‘l qo‘yilgan: ular S Pen haqidagi ma’lumotda Air Actions'ni qo‘llab-quvvatlashi haqida yozishgan. Bu xatolik eski stilusning matni ko‘chirilib, yangisiga qo‘shilgani bilan izohlandi. Bu izoh ko‘proq haqiqatga o‘xshaydi.

Kun xabari: Xitoyning yangi sun’iy intellekti ChatGPT'ni ham, AQSH fond bozorini ham larzaga soldi — DeepSeek tufayli NVIDIA aksiyalari bir zumda 17% ga tushib ketdi

Hodisa tafsilotlari:

— Yaqinda xitoyliklar OpenAI'ning o1 modeli bilan bellashadigan kuchli va arzon sun’iy intellektni ishga tushirishdi;
— Bu Silikon vodiysida jiddiy sarosima keltirib chiqardi: AQSHdagi yangi AI loyihalari, hali ular hatto chiqarilmaganiga qaramay, DeepSeek’dan kuchsizroq bo’lib chiqdi. Ishlab chiqaruvchilar muammolarga duch kelishdi va asabiylashishni boshlashdi;
— Amerikalik foydalanuvchilarga DeepSeek'ning bepul modeli juda yoqdi va u AQSH App Store chartlarida birinchi o‘rinni egalladi;
— Eng qizig‘i, xitoyliklar bu modelni yaratishga atigi 5,6 million dollar sarflagan, AQSHda esa shunday texnologiyalar uchun 100 milliondan bir necha milliard dollargacha sarflanadi;
— Fond bozori bunga tezkor javob qaytardi: investorlar AI ishlab chiqaruvchilari aksiyalarini sotib, pullarini qaytarib ola boshlashdi. Natijada bozor 1 trillion dollarga yaqin mablag‘ yo‘qotdi, eng katta zararni NVIDIA ko‘rdi — 500 milliard dollar;
— AQSH prezidenti Tramp bundan g’azablanib, DeepSeek'ni AQSHda qanday qilib bloklashni o‘ylab topmoqchi;
— NVIDIA shokda: bu yangi model uchun ko‘p videokartalar talab qilinmaydi, shuning uchun aksiyalari arzonlashib ketdi. Shuningdek, chip ishlab chiqaruvchi Broadcom, TSMC, AMD va boshqa korporatsiyalar ham jabrlandi.

Xitoy “qizil ajdari” AQSH bozorini ag‘darishga bel bog‘ladi.

Samsung Galaxy S25 Ultra uchun Bluetooth'li S Pen'ni alohida sotuvga chiqaradi — u S24 Ultra bilan birga kelgan edi

Samsung “Любая бизнес хороша”, deb o‘ylashgan shekilli, shu sababdan Galaxy S25 Ultra'ni normal stilussiz chiqarishga qaror qilishgan. Agar to’liq funksiyali S Pen kerak bo‘lsa, uni qimmatroq narxda sotib olishga to’g’ri keladi. Notebookcheck.net portali ma’lumotiga ko‘ra, S25 Ultra uchun Bluetooth'li stilus narxi $50 dan qimmatroq bo’ladi.

Qizig‘i shundaki, S24 Ultra'ning stilusi S25 Ultra bilan bir xil ishlaydi va hech qanday yangilik qo‘shmaydi. Shunday qilib, kompaniya avval “qutidan chiqadigan” funksiyani olib tashladi, keyin esa sun’iy tanqislik yaratib, uni alohida sotmoqchi. Xaridorlarga havodan pul qilishga qaratilgan bu harakat yoqishi amrimahol.

USB-C porti orqali birinchi marta iPhone buzib kirilganligi qayd etildi

Tadqiqotchi Tomas Rot Type-C porti kontrollerini qayta dasturlash orqali iPhone'ning xavfsizlik tekshiruvlarini chetlab o‘tib, uning proshivkasi va aloqa protokollarini ochishga muvaffaq bo‘ldi.

Shuningdek, buzib kirilgan port orqali faqat ma’lumotlarga kirish emas, balki Apple'ning USB-C portiga ega bo‘lgan har qanday qurilmada zararli harakatlarni masofadan amalga oshirish mumkinligi aniqlandi.

Shuni ta’kidlash kerakki, bu holat tematik kongressda qayd etilgan yakka holat bo‘lib, u juda murakkab jarayonni talab etadi va qurilmaga to‘g‘ridan to‘g‘ri kirishni talab qiladi.

Samsung Galaxy S25 Ultraning to’liq obzori YouTube’ga chiqdi:

https://www.youtube.com/watch?v=7ku2ahoObZA&t=52s