Temurning PM Blogi

Rostan ham ertaga yengi maxsulotlar ko’rsatilinadi, qiziq tadbir bo’lishi kere 😀

Salom salom! 🌟

Bugun Agile metodologiyasini tadbiq qilish bo’yicha o’ta shaxsiy fikrlarim bilan bo’lishmoqchiman

Men uchun oltin qoida - Agile bu sehrli tabletka emas! Xech qachon biron bir metodologiya, fraemworkni oltin qoida deb olmayman. Agar natijalarga erishish imkoniyati bo'lsa men har doim gibrid tarafdoriman!

Jamoa Agile metodologiyasi bo’yicha ishlashni boshladi, lekin biron bir qoidasi jamoani natijalarini yaxshilashga yordam bermayapdi, shu vaqtda yangicha tajribalar (eksperimentlar) o’tkazishga harakat qilaman hattoki bu tajriba Agile qoidalariga zid bo’lsa ham! (Scrum masterlar meni kechirishsin😆)

Agile metodologiyasini tadbiq qilishdan maqsad nima? Natijalarga erishish, agarda biron bir o’zgarish Agile qoidalariga to’g’ri kelmasayu lekin natija bersa nima sababdan bu o’zgarishdan vos kechishimiz kerak?

Xulosa
Agile metodologioyasini tadbiq qilishim bilan hammasi 100 % zo’r ishlab ketadi deb umid qilish kerak emas! Xech qachon biron metodologiyani yoki Fraemworkni kult yoki oltin qoida deb olish kerak emas, balkim aynan natijalarga erishish imkoniyati bo’lsa metodologiyaganing qaysidir joylarini o’zgartirishga qo’rqmang!

@temur_pm_blog

Salom, salom! 🌟

Oldingi postda biz Agile metodologiyasi nima ekanligini va uning ishlab chiqishda qanday foydali ekanligini ko'rib chiqdik. Ammo bu metodologiyaning o'ziga xos kamchiliklari ham bor. Bugun biz Agile metodologiyasining ba'zi kamchiliklari va ular bilan qanday kurashish mumkinligi haqida gaplashamiz.

1. Boshlanishda aniq rejaning yo'qligi
Agile metodologiyasida loyihaning boshida to'liq va aniq reja tuzilmaydi. Ba'zida bu an'anaviy yondashuvga odatlangan jamoalar uchun muammo bo'lishi mumkin. Batafsil rejaning yo'qligi ba'zan chalkashliklarga olib keladi, ayniqsa resurslar va muddatlarni oldindan belgilash zarur bo'lsa.

2. Kommunikatsiya talabining yuqori darajasi
Agile metodologiyasi samarali ishlashi uchun jamoa a'zolari o'rtasida doimiy va samarali kommunikatsiya bo'lishi kerak. Ba'zi jamoalarda ma'lumot almashish qiyin bo'lishi mumkin, va bu metodologiya samaradorligini pasaytiradi. Jamoa va mijozlar o'rtasida yetarli darajada aloqalar bo'lmasa, Agile o'z samaradorligini yo'qotadi.

3. Doimiy o'zgarishlar yo'ldan ozdirishi mumkin
O'zgarishlarga tez moslashish va ularga javob berish — bu Agile metodologiyasining asosidir. Biroq, talablarning doimiy o'zgarishi jamoani yo'ldan ozdirishi mumkin. Sprintlar o'rtasida tez-tez o'zgarishlar va yangi qarorlar jamoani asosiy maqsaddan chalg'itishi va kechikishlarga olib kelishi mumkin.

4. Jamoa tajribasiga bo'lgan yuqori talab
Agile metodologiyasi yuqori malakali jamoani talab qiladi. Agar jamoada tajribali Scrum Master yoki Product Owner bo'lmasa, bu jarayonni samarali amalga oshirish qiyin bo'ladi. Agile metodologiyasini noto'g'ri qo'llash va vazifalarni noto'g'ri taqsimlash jamoani noaniqliklarga olib kelishi mumkin.

5. Kengaytirishda murakkabliklar
Agar kompaniya yoki mahsulotda ko'p sonli jamoalar bo'lsa, Agile metodologiyasini barcha darajalarda qo'llash qiyinlashishi mumkin. Agile metodologiyasini kengaytirish, ayniqsa bir nechta jamoalar yoki katta loyihalar bilan ishlashda qo'shimcha kuch va tashkilot tuzilmasida o'zgarishlarni talab qiladi.

Xulosa
Agile metodologiyasi juda kuchli va samarali yondashuvdir, ammo uning ham o'z kamchiliklari mavjud. Agile metodologiyasini qachon va qanday qo'llashni tushunish, mumkin bo'lgan muammolarni oldini olish va samaradorlikni oshirishga yordam beradi. Agar siz Agile metodologiyasini joriy qilishda qiyinchiliklarga duch kelgan bo'lsangiz, tajribangiz bilan bo'lishing! 💬


@temur_pm_blog

Salom, salom! 🌟

Bugun biz Agile metodologiyasi haqida gaplashamiz — mahsulotlarni ishlab chiqish bo'yicha yondashuv, bu metodologiya ishlab chiqish jarayoniga o'zgarishlarni tezkor va moslashuvchan kiritishga imkon beradi. Ammo bu nima va nima uchun yaratilgan? Keling, aniqlab olamiz!

1. Agile metodologiyasi nima?
Agile (inglizcha "flexible" — "moslashuvchan") — bu mahsulotni ishlab chiqish jarayonida o'zgarishlarga tezkor javob berish va foydalanuvchilar bilan yaqin hamkorlikka asoslangan yondashuv. An'anaviy metodlardan farqli o'laroq, Agile ishlab chiqish jarayonini uzaytirish o'rniga, mahsulotni qismlarga ajratib, tez-tez testlardan o'tkazib, o'zgartirishlar kiritishga imkon beradi.

2. Agile metodologiyasi nima uchun yaratildi?
Agile metodologiyasi dastlab 2001 yilda ishlab chiqildi. Bu metodologiya dasturiy ta'minotni ishlab chiqish jarayonini tezlashtirish, sifatni oshirish va foydalanuvchi ehtiyojlariga moslashtirish uchun yaratilgan.

Agile metodologiyasidan oldin dasturiy ta'minot ishlab chiqish jarayoni uzoq davom etardi, va natijalar oldindan aniq bo'lmasdi. Shuningdek, foydalanuvchilarning talab va ehtiyojlarini hisobga olishda qiyinchiliklar yuzaga kelardi.

3. Agile metodologiyasining asosiy prinsiplari
Inkremental va iteratsion rivojlanish: Mahsulot kichik qismlarga bo'linadi va har bir qism testdan o'tkazilib, yaxshilanadi.
Moslashuvchanlik va adaptivlik: Agile o'zgarishlarga tez javob berishga imkon yaratadi.
Foydalanuvchi bilan yaqin hamkorlik: Foydalanuvchilardan muntazam fikrlar olish, mahsulotni yanada samarali qilishga yordam beradi.
Tez-tez versiyalar chiqarish: Mahsulot kichik qismlar bilan chiqariladi, bu esa foydalanuvchilar fikrlarini tez olish imkonini beradi.
4. Agile metodologiyasining afzalliklari
Rivojlanishni tezlashtirish: Qisqa muddatli sikllar (sprint) orqali mahsulotni tezroq yaratish va bozorga chiqarish mumkin.
Sifatni oshirish: Doimiy sinov va yaxshilanishlar mahsulot sifatini yuqori darajada saqlashga yordam beradi.
Tezkor o'zgarishlar: Agile metodologiyasi yordamida o'zgarishlarga tez moslashish va yangi talablarni qondirish oson.
Foydalanuvchi ehtiyojlarini qondirish: Foydalanuvchilar bilan yaqin hamkorlik orqali mahsulotni ularning talablariga moslashtirish mumkin.

Xulosa
Agile metodologiyasi mahsulotlarni yaratishda yanada moslashuvchanlik, tezlik va sifatni ta'minlash uchun yaratilgan. Ushbu metodologiyani qo'llash orqali siz mahsulotingizni tezda foydalanuvchilarga yetkazib berishingiz va ularni qondirishingiz mumkin.
Hammani o'ylantiradigan joyi😄:
Agile metodologiyasining ham o'ziga xos kamchiliklari mavjud, va biz bu haqda keyingi postda batafsil gaplashamiz.

Sizning Agile metodologiyasi haqida qanday fikrlaringiz bor? Kommentariyada yozing! (Faqat so'kilmasin😄)


@temur_pm_blog

Yoshga yosh qo’shilgani sari odam jaaaa maslaxat berishga usta bo’b qolarkan 😂

Izohlarda MyTaxi asoschilaridan biri, CTO Ozodbek akani “Esimda o’sha damlar, o’zi uchar gilamlar” gaplaridan keyin Express24 ishga tushgan vaqtlaridagi qiziq qiziq voqealar esimga tushib ketdi.

Express24 adashmasam 7-10 kunda ishga tushib ketgan edi, asosiy maqsad product yeydimi yo’qmi sinab ko’rib keyin uni rivojlantirish edi, sistema hali ancha mukammallikdan yiroq edi, kuryerlar ham unchalik ko’p emas edi
Qiziqarli faktlar
- Akmal aka bepul osh yetkazib beramiz deb o’z facebook sahifalarida post qo’yganlarida bir vaqtning o’zida 20 ta buyurtma tushgan, biz bunga hali tayyor emasligimizni bilganmiz, qayerlarda xatolarimiz borligini bittada bilib olganmiz
- Dam olish kunlari yoki kechki paytlar buyurtmani yetkazib berishda kuryerlar yetishmagan vaqtda kompaniyani barcha TOP menedjerlarini buyurtmani yetkazib berishga yo’naltirardik 😆 (Akmal aka, Ozodbek aka, Izzat aka rozi bo’lasizlar endi 😀)
- Ozodbek aka o’zlari kuryer bo’lib ishlab ko’rib texnik muammo sababli mijozni uyini topish qiyinligini o’zlari his qilib ko’rib muammolarni to’g’rilashga kirishgan edilar :)

Express24 da operator, kuryerdan boshlab TOP menedjerlargacha productni rivojlantirish uchun bor kuchini berishgan. Man boshliq, san xodim degan narsa bo’lmagan. Biron g’oyamiz bo’lsa beymalol taklif bilan chiqish huquqi bo’lgan. Kerak bo’lsa mustaqil eksperimentlar o’tkazish vakolati ham bo’lgan (o’zimni o’tkazgan eksperimentlarimdan bir neshtasi kompaniyaga moliyaviy zarar ham bo’lgan 😁)

Express24 ning yutug’lari ham shu bo’lgan deb o’ylayman, o’sha vaqtlarda juda qisqa vaqt ichida bozorda kuchli o’rni bo’lgan Bringodan o’tib keta olgan.

@temur_pm_blog