uzdepo

"O'zbekiston" lokomotiv deposining Angren filialida "Harakat xavfsizligi va sifat kuni"

2025 yil 13 mart kuni "O'zbekiston" lokomotiv deposi boshlig'i E.G‘. Omonqulov boshchiligida "O'zbekiston" lokomotiv deposiga qarashli bo'lgan Angren filialida lokomotiv brigadalari bilan "Harakat xavfsizligi va sifat kuni" doirasida yig'ilish bo'lib o'tdi.

Yig'ilish davomida korxona boshlig’i yig’ilish qatnashchilariga harakat xavfsizligini ta'minlash va lokomotivlardan foydalanish jarayonida yuzaga kelishi mumkin bo‘lgan masalalari to'g'risida so'z olib bordi. Yig‘ilish yakunida ochiq muloqot tarzda davra suhbati bo‘lib o‘tdi, filialning ishchi-xodimlari o‘zlarini qiziqtirgan savollari va murojatlari atroflicha o‘rganib chiqildi va yechim topish bo‘yicha mutassadilarga topshiriqlar berildi.

Yig’ilish yakunida, Angren filiali sexi va lokomotiv brigadalar dam olish uyining xo'jalik ishlari ko’zdan kechirildi.

Fillial navbatchisi hamda tibbiyot punkti hodimlarini elektron marshrut tizimidagi faoliyati ko’zdan kechirilib aniqlangan kamchiliklar bo'yicha mutassadi hodimlarga topshiriqlar berildi.

“O’zbekiston” lokomotiv deposida "Rahbar va yoshlar" uchrashuvi mazmunli bo’lib o’tdi

12-mart kuni, “O’zbekiston” lokomotiv deposi boshlig’i E.G’.Omonqulov korxonada xizmat olib boruvchi yosh xodimlar bilan uchrashib, fikr-mulohozalari bilan o’rtoqlashdi.

Mamlakatimizda yoshlarga boʻlgan eʼtibor, oʻsib kelayotgan barkamol avlodga boʻlgan gʻamxoʻrlik davlat siyosati darajasiga koʻtarilgani bilan ham juda ahamiyatlidir. Yoshlar uchun qaratilgan eʼtibor, ularni qoʻllab - quvvatlash darajasi kun sayin ortib borayotgani oʻgʻil-qizlar uchun koʻplab imkoniyatlar eshigini ochib bermoqda. Zero yoshlar vatan kelajagi, ertangi kunning bunyodkorlaridirlar.

Shu jumladan, lokomotiv deposining yosh xodimlariga depo rahbariyati, kasaba uyushmasi qo’mitasi hamda yoshlar ittifoqi bo’limi tomonidan alohida etibor berilib kelinmoqda.

Bundan tashqari boshqarmada bo’lib o’tgan ayollar o’rtasidagi “Yosh kitobxon” tanlovida faxrli ikkinchi o’rinni egallagani uchun Lokomotiv video kuzatuv hamda GPS tizimi nazorati bo’limi muhandisi Tugalova Mahliyo korxona rahbari hamda kasaba uyushma raisi nomidan qimmatbaho sovg’a bilan taqdirlandi

Ochiq muloqot tarzida kechgan uchrashuvda depo boshlig’i yosh xodimlarni qiziqtirayotgan savollar, yuzaga kelgan kamchiliklar va ish faoliyatini yanada samarali tashkil etish borasidagi takliflarini tingladi va ushbu berilgan takliflar hamda savollar yechimi yuzasidan mutasaddi xodimlarga topshiriqlar berdi.