tanga.uz — iqtisodiy yangiliklar

@tangauzb

Гео и язык канала: Узбекистан, Узбекский

Категория: Новости и СМИ

O‘zbekiston va unga oid iqtisodiy, biznes, fintech, bank-moliya tizimiga oid yangiliklar va tahlillar
Murojaat uchun: @tanga_aloqa_bot

Связанные каналы

Гео и язык канала

Узбекистан, Узбекский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

tanga.uz — iqtisodiy yangiliklar

31 Oct, 16:52

Toshkent shahar hokimining qaroriga asosan markazlashgan issiqlik ta’minoti xizmatlari narxi 15 foizga oshirildi.

“Veolia Energy Tashkent” tomonidan ko‘rsatiladigan xizmatlar uchun quyidagi narx (tarif)lar belgilandi:

— tartibga solinadigan bazaviy narx (tarif) va budjet tashkilotlari tarifi amaldagi darajasida (mos ravishda QQSsiz 664 465 so‘m/Gkal va 801 963 so‘m/Gkal);

— aholi uchun 121 617 so‘m/Gkal (QQSsiz) (avval 105 754 so‘m/Gkal edi);

— boshqa ulgurji tashkilotlarga 244 497 so‘m/Gkal (QQSsiz) (avval 212 606 so‘m/Gkal edi).

Oldingi narx joriy yilning 2-aprelida oshirilgandi.

Obuna bo'ling: @tangauzb

13 0 0

tanga.uz — iqtisodiy yangiliklar

31 Oct, 16:26

🔥1-noyabrdan aholi uchun tabiiy gaz isteʼmol qilishning ijtimoiy normasi kuchga kiradi.

Noyabr, dekabr, yanvar va fevral oylarida ijtimoiy norma miqdori 100 kub metrdan 500 kub metrga oshiriladi. Bu hajm davomida bir kub metr gazning narxi 650 soʻmni tashkil qiladi.

Mazkur oylarda bir oylik meʼyorlar quyidagi tartibda boʻladi:

➖500 m3 gacha — 650 soʻm (1 m3 gaz uchun);
➖ 501 m3 dan 2500 m3 gacha — 1500 soʻm;
➖2501 m3 dan 5000 m3 gacha — 1950 soʻm;
➖5001 m3 dan 10000 m3 gacha — 2275 soʻm;
➖ 10001 m3 va undan yuqori — 2600 soʻm.

Obuna bo'ling: @tangauzb

17 0 0

tanga.uz — iqtisodiy yangiliklar

31 Oct, 15:44

29-oktyabr kuni AQShning "Reddit" ijtimoiy tarmog‘i 20 yil ichida ilk marotaba foyda ko‘rganini e’lon qildi.

Kompaniya 3-chorak yakuni bo'yicha $29,9 mln foyda va $384,4 mln daromad ko‘rganini e'lon qilgan. Bu 2023-yilga qaraganda 68 foizga ko‘p.

Reddit'ga ushbu foydaning kelishiga sabab ijtimoiy tarmoq auditoriyasining keskin oshgani bo‘lgan. Kompaniyaning obunachilari soni 47 foizga oshib, bir necha kun ichida qariyb 100 mlnga yaqinlashgan.

Kompaniya platformasi birjaga chiqqanida birinchi chorakning o‘zidayoq $575 mln yo'qotgandi. Hozirda Reddit’ning reklama daromadi $315,1 mlnga yetgan, qolgan daromadlari esa $33,2 mlnni tashkil etmoqda.

Reddit bosh direktori Stiv Xaffman aksiyadorlarga yo‘llagan maktubida foydalanuvchilar sonining o‘sishini sun’iy intellektga asoslangan funksiyaga o‘tilgani orqali sodir bo'lganini izohlagan.

Obuna bo'ling: @tangauzb

36 0 0

tanga.uz — iqtisodiy yangiliklar

31 Oct, 15:02

❗️Dollar kursi 5 kunlik pasayishdan so'ng ko'tarildi

1-noyabrdan dollarning so'mga nisbatan rasmiy kursi 12 780,09 so'm etib belgilandi.

Obuna bo'ling: @tangauzb

35 0 0

tanga.uz — iqtisodiy yangiliklar

31 Oct, 14:51

“UzAuto Motors” kompaniyasi yangi “Cobalt Midnight” avtomobillarini ishlab chiqarishni yo’lga qo’ydi.

Avtomobilning yangilangan ko‘rinishi eski modifikatsiyadan 7,3 mln so‘mga farq qiladi.

Narxlari esa “Cobalt GX-Style AT Plus” narxi 147,9 mln so‘mga (navbat bilan), “Cobalt Midnight” minimal kutish bilan (yoki navbatsiz) 155,2 mln so‘mga xarid qilish mumkin.

Obuna bo'ling: @tangauzb

38 0 0

tanga.uz — iqtisodiy yangiliklar

31 Oct, 11:30

AQSh moliya vazirligining xorijiy aktivlarni nazorat qilish boshqarmasi O‘zbekistonning ikki kompaniyasi “Uzstanex” va “The Elite Investment Group”ga sanksiya joriy qildi.

AQSh Davlat departamenti “The Elite Investment Group” 2024-yilning mart oyidan may oyigacha Rossiyada joylashgan “GTS Group” kompaniyasiga yuqori ustuvorlikdagi tovarlarning umumiy ro‘yxatidan (CHPL) taxminan $190 minglik mahsulotlar va elektr transformatorlarini yetkazib berganligini aniqlagan.

Ma'lumot uchun, “Uzstanex” savdo tashkilotlarining yagona davlat reestridan 2018-yil iyul oyida ro‘yxatdan o‘tgan. Korxona mexanik mashinalarning ulgurji savdosi bilan shug‘ullanadi. Ustav kapitali 65 mln so‘m.

“Elite Investment Group” esa 2024-yil yanvar oyida ulgurji ixtisoslashtirilmagan savdo korxonasi sifatida tashkil etilgan. Ustav kapitali 3 mln so‘m.

Obuna bo'ling: @tangauzb

50 0 0

tanga.uz — iqtisodiy yangiliklar

31 Oct, 10:48

Asosiy stavka yillik 13,5% darajasida o‘zgarishsiz qoldirildi

Bu qaror Markaziy bank boshqaruvining yig‘ilishida qabul qilindi.

Obuna bo'ling: @tangauzb

49 0 0 2

tanga.uz — iqtisodiy yangiliklar

31 Oct, 10:26

"Toshkent Invest" kompaniyasi 31-oktyabrdan poytaxtga to‘rtta kirish darvozasining eskiz konsepsiyasini ishlab chiqish bo‘yicha Xalqaro ochiq tanlovini 'https://t.me/poytaxt_uz/34780?utm_source=in_materials' rel='nofollow'>e’lon qildi. Arizalar 7-noyabrga qadar qabul qilinadi.

Loyiha eskizlari Toshkentning Roxat, Bektemir, Erkin hamda Uchqahramon postlari uchun ishlab chiqiladi. Xorijiy ishtirokchilar o'zbekistonlik mutaxassislar bilan birgalikda guruh bo'lib qatnashishlari mumkin.

Tanlov finalchilari 11-noyabr kuni e'lon qilinib, 30-noyabrda g'oliblar ma'lum qilinadi. Mukofotlar birinchi o‘rin uchun 100 mln so'm, ikkinchi o‘ringa 50 mln so'm va uchinchi o‘ringa 30 mln so'm belgilangan.

Arizalarni info@tashkentinvest.com elektron manziliga yuborish mumkin.

Obuna bo'ling: @tangauzb

55 0 1 1

tanga.uz — iqtisodiy yangiliklar

30 Oct, 17:07

Respublika tovar-xom ashyo birjasida mobil telefon raqamini sotish bo‘yicha 14,6 mlrd so’mlik 3,5 mingdan ziyod bitimlar amalga oshirilgan. Bu ko'rsatkich o'tgan yilga nisbatan 1,5 barobarga o'sgan.

20-mart kuni "20 000 00 00” mobil raqami auksionda rekord darajadagi 1,07 milliard so‘mga ya'ni $85 mingga sotilgan. Auksionda 10 nafar talabgor ishtirok etib, 87 ta taklif kiritilgani sababli raqamning boshlang‘ich bahosi 5 barobarga oshgan.

Obuna bo'ling: @tangauzb

68 0 0

tanga.uz — iqtisodiy yangiliklar

30 Oct, 15:37

💳 Yil boshidan beri Paynet kompaniyasining sof foydasi ikki barobarga oshdi

“Paynet”ning joriy yil 3-chorakdagi sof foydasi o'tgan yilning shu davriga nisbatan 96,1 foizga oshib 208,4 mlrd so‘mni tashkil etdi. Sof tushum esa 52,8 foizga o'sib, 778,7 mlrd so'mga yetdi.

Shuningdek, bu vaqt oralig'idagi xarajatlar 391,3 mlrddan 539,4 mlrd so‘mga, asosiy faoliyatdan olingan foyda esa 125,7 mlrddan 245,6 mlrd so‘mga ko'paydi.

Shu bilan birga, kompaniya aktivlari 56,9 foizga oshib 512,5 mlrdga, daromadi esa 54,9 foizga yuqorilab 261,2 mlrdga va xususiy kapitali 61 foizga ko'tarilib 244 mlrdni tashkil etdi.

Infografika: Bankers.uz

Obuna bo'ling: @tangauzb

63 0 0

tanga.uz — iqtisodiy yangiliklar

30 Oct, 14:52

Joriy yilning 9 oyi davomida avtoraqam.uzex.uz tizimida 152 mingdan ziyod qiymati 620 mlrd so’mlik avtoraqamlar onlayn-auksion orqali sotilgan.

Bu ko’rsatkich o’tgan yilning shu davriga nisbatan 2,6 barobarga oshgan.

Ushbu avtoraqamlarni xarid qiluvchilarning 97 foizini jismoniy shaxslar, 3 foizini yuridik shaxslar tashkil etgan. Sotilgan raqamlarning eng past narxi 1,7 mln so’m, eng qimmat narxi esa 517,1 mln so’m bo’lgan.

Obuna bo'ling: @tangauzb

66 0 1

tanga.uz — iqtisodiy yangiliklar

30 Oct, 14:21

Dollar kursi ketma-ket beshinchi kun arzonladi

31-oktyabrdan dollarning so'mga nisbatan rasmiy kursi 12 774,34 so'm etib belgilandi.

Obuna bo'ling: @tangauzb

63 0 0

tanga.uz — iqtisodiy yangiliklar

30 Oct, 12:15

🏦 Asia Alliance Bank “Alliance 15” nomli maxsus kartalarini chiqardi

Bank o'zining 15 yillik yubleyi munosabati bilan cheklangan 2 ming dona miqdordagi UZCARD kartalarini taklif qilmoqda.

Kartaning muhim afzalligi shundaki, har oyning 15-sanasida kartada qolgan mablag'larga yillik 15% miqdorida kapitalizatsiya hisoblanadi.

Kartaga buyurtma berish uchun bank filiallarida ariza qoldirish kerak. Karta narxi — 60 ming so'm.

Obuna bo'ling: @tangauzb

73 0 3 3

tanga.uz — iqtisodiy yangiliklar

30 Oct, 11:56

“O‘zbektelekom”ning to'qqiz oylik sof foydasi o'tgan yilga nisbatan 33 foizga kamaydi

2024-yilning to'qqiz oyi yakunlariga ko'ra, “O‘zbektelekom” AKning sof foydasi 17,38 mlrd so‘mni tashkil etdi. O'tgan yilning mos davriga (26,1 mlrd so'm) nisbatan bu ko'rsatkich 33,5 foizga kamaygan.

Shunga qaramasdan, kompaniya aktivlari 20,9 foizga oshib 12,3 trln so'mgacha, daromadi esa 3,3 foizga yuqorilab 2,5 trln so'mga teng bo'ldi. Xususiy kapitali esa 14,4 foizga pasayib 24,8 mlrd so'mni tashkil qildi.

Shu bilan birga, yanvar-sentyabr oylarida kompaniya xarajatlari 29 foizga oshib, 347,3 mlrd so‘mgacha yetdi.

Eslatib o'tamiz, kompaniya yilning I choragini 104 mlrd so'm, II chorakni esa 203,6 mlrd sof foyda bilan yakunlagandi.

Obuna bo'ling: @tangauzb

65 0 0 2

tanga.uz — iqtisodiy yangiliklar

30 Oct, 11:01

2025-yildan O'zbekistonda barcha shirin ichimliklarga aksiz solig'i qo'llanilishi mumkin

2025-yilning 1-aprelidan tarkibida shakar bo‘lgan nafaqat gazli ichimliklar, balki choy, sharbat va boshqa gazlanmagan shakarli ichimliklarning 1 litri uchun 500 so‘m miqdorida aksiz solig‘i joriy etiladi.

Bundan tashqari, tarkibida shirinlashtiruvchi yoki xushbo‘ylantiruvchi moddalar bo‘lgan gazlangan ichimliklar 1 litri uchun amaldagi 500 so‘mlik soliq 300 so‘mga tushiriladi.

Hozirgi vaqtda faqat gazlangan va energetik ichimliklar uchun amal qilayotgan aksiz solig‘i barcha alkogolsiz ichimliklarga kengaytiriladi. Bu qaror Jahon savdo tashkiloti talablariga mos ravishda qabul qilinmoqda.

Obuna bo'ling: @tangauzb

75 0 0

tanga.uz — iqtisodiy yangiliklar

30 Oct, 10:17

Raqobat qo'mitasi Jizzaxdagi uchta klasterga chora qo'lladi

Raqobat qo'mitasi Jizzax hududiy boshqarmasi tomonidan “Jizzax industrial to’qima” paxta to‘qimachilik klasteri tomonidan paxta tolasi va texnik chigit mahsulotlarini to‘g‘ridan to‘g‘ri shartnomalar asosida sotilganligi aniqlandi.

Shuningdek, 321,7 tonna paxta tolasini birja kotirovka narxlaridan yuqori va 1021 tonna paxta tolasini past narxlarda sotish holatlari hamda 2536 tonna texnik chigit mahsuloti ham solishtirganda past narxlarda sotib yuborgani ma'lum bo'ldi.

Bundan tashqari, paxta shroti bo‘yicha birja savdolarida ishtirok etgan “Paxtakor sifat yog'”, “Jizzax kenteks” va “Baxmal quyosh nuri” MChJlar tomonidan narxlarni kelishgan holatda keskin oshirganlik alomatlari aniqlanib, ularga qonun talablari buzilishi yuzasidan choralar ko'rildi.

Obuna bo'ling: @tangauzb

73 0 0 1

tanga.uz — iqtisodiy yangiliklar

29 Oct, 18:03

O'zbekistonda o‘rta tadbirkorlik subyektlari 18 trln so'mdan ortiq soliq to'ladi

Joriy yilning yanvar-sentabr oylarida 18 585 ta o‘rta tadbirkorlik subyekti tomonidan jami 18,6 trln so‘mdan ortiq soliq to‘langanligi ma'lum bo'ldi.

Bu ko'rsatkichning 391,7 mlrd so‘mi 20 ta korxona hisobiga to‘g‘ri kelmoqda. Quyidagi yo'nalishlarda tushumlarni amalga oshirilgan:
➖QQS bo'yicha 136,7 mlrd so'm;
➖foyda solig'i 92,2 mlrd so'm;
➖ aksiz solig'i 87,7 mlrd so'm;
➖ daromad solig'i(jismoniy shaxslardan) 37,5 mlrd so'm;
➖ ijtimoiy soliq 20,9 mlrd so'm va boshqa soliqlar 16,8 mlrd so'mni tashkil etgan.

Korxonalarning jami tovar aylanmasi esa qariyb 1,5 trln so‘mdan ortiq bo'lib, soliq imtiyozlari 27,7 mlrd so‘mni tashkil etmoqda.

Yetakchilar ro'yxatidan "Elsun-Sharob", "Aysel Inshaat" va "Raupxon" MChJ hamda boshqalar o'rin olgan.

Obuna bo'ling: @tangauzb

84 0 1 1

tanga.uz — iqtisodiy yangiliklar

29 Oct, 15:27

Iqtisodiyot va moliya vazirligi 2025-yil uchun Davlat budjeti Qonuni loyihasi va budjetnomaga sharhni e’lon qildi.

2025-yilda YaIMning 6%ga o‘sishi sanoatda ishlab chiqarishni 6,1 foizga, qishloq xo‘jaligida 4,1 foizga, bozor xizmatlarining 14,5 foizga o‘sishi hisobiga ta’minlanishi taxmin qilinmoqda.

Bir qator yo'nalishlarga asosan, 2025-yil uchun davlat budjeti daromadlari 308,5 trln so‘m, xarajatlari esa 344,6 trln so‘m miqdorida bo'lishi keltirilgan.

Davlat maqsadli jamg‘armalari daromadlari (budjetlararo transfertlarni inobatga olmagan holda) 66,5 trln so‘m miqdorida, xarajatlari esa 117,2 trln so‘m miqdorida rejalashtirilmoqda.

Shuningdek, davlat maqsadli jamg‘armalariga respublika budjetidan 54,4 trln so‘m transfertlar ajratish belgilangan.

Budjetdan tashqari Pensiya jamg‘armasi daromadlari 58,9 trln so‘m, xarajatlari esa 74,9 trln so‘mni tashkil etib, davlat budjetidan 18,5 trln so‘m miqdorida transfert ajratilishi belgilangan.

Obuna bo'ling: @tangauzb

83 0 0 2

tanga.uz — iqtisodiy yangiliklar

29 Oct, 14:12

Dollar kursi ketma-ket to’rtinchi kun arzonladi

30-oktabrdan dollarning so’mga nisbatan rasmiy kursi 12 784,97 so’ etib belgilandi.

Obuna bo'ling: @tangauzb

86 0 1

tanga.uz — iqtisodiy yangiliklar

29 Oct, 13:28

Skuter va samokatlarda qoida buzganlarga jarima miqdori belgilandi

Ma'muriy javobgarlik kodeksiga yo'l harakatlari qoidalarini buzish bilan bog'liq o'zgartirishlar kiritildi.

Unga ko'ra, skuterlar va individual harakatlanish vositalarida, mopedlar hamda ulovli aravani boshqarish bilan bog'liq qoidabuzarlik holatlariga quyidagicha miqdorda jarimalar belgilandi:

- yo‘l harakatini tartibga soluvchi signallarga bo‘ysunmaslik va belgilanmagan joylarni kesib o‘tish BHMning 1/3 qismi 123 ming 300 so‘m miqdorida;

- yo‘lovchilar bilan yoki farasiz boshqarganlik uchun BHMning 50 foizi 185 ming so‘m miqdorida;

- mast holda boshqarish va ularni tekshiruvdan o'tkazishga qarshilik qilishga BHMning uch baravari 1 mln 110 ming so‘m miqdorida jarimaga tortiladi.

Ushbu qoidalar uchun jarimaga tortish 28-noyabrdan amalga oshirila boshlaydi.

Obuna bo'ling: @tangauzb

102 0 1 1

Показано 20 последних публикаций.

284

подписчиков

Статистика канала

Язык сайта

Набрать 10 000 подписчиков

Зарабатывайте на рекламе

Биржа телеграм каналов

tanga.uz — iqtisodiy yangiliklar

Гео и язык канала

Категория

284

Популярное в канале