TALABALAR TUSHUNADI

Nostalgia yelvizakka o'xshaydi(skvaznyak). Boshida yoqadi,lekin ko'p o'tirib qolsang kasal qiladi.

Hech qachon, o'sha paytlarga tushib qolsang ham,o'sha odamlar,o'sha yoshliging qaytib kelsa ham hech qachon oldingiday bo'lmaydi.

Sovuq uncha yoqmaydi, derazadan qarasam qor yog'yaptimi debman. Yaxshilab qarasam tepamdagi qo'shnim musur tashayotgan ekan,xudoga shukr)

Tishlarni ertalab yuvmang, kechqurun yuving. Ertalab yuvishni foydasi kam.

Repost uz: Toshkentlik o'zbek vrach tishlarni yuvishni foydasi kam deb aytdi.
----------------------------
Iloji boricha tishlarni davolab keyin homilador bo'lganingiz maqul, homiladorlik paytida kalsiy,d vitamin tushib ketsa qiynalasiz.

Repost uz: Musulmon vrach homilador ayollar tug'masligi kerakligi haqida aytdi.

Lekin tekin

Ba'zilarga o'rgatish uni haqorat qilish hisoblanadi)

Daxshatli hikoya aytib beraymi?

Bir kun kitob javonida ertak kitob qolmaydi, keyin farzanding "bo'lmasa, o'zingizni hayotingizdan qiziq voqealar aytib bering" deb so'raydi.

Sen esa har kuning ertalab ishga/o'qishga borib kechga uyga charchab keb uxlab qolganingdan boshqa narsani xotirlay olmaysan.

Qabrda tug'ilgan va vafot etgan yillar orasiga chiziq qo'yishadi.

Ba'zilar buni sonlarni ajratish uchun deyishadi, ba'zilar yillar orasidagi hayotimiz shu chiziqchalik qisqa deyishadi.

Man hatto isrof bo'ladi deb kursdoshlarim bilan vinetkaga tushmaganman, oilamga dang'ir dung'ur qilamiz deyishsa tasavvur qilaveringlar.

Bir kursdoshim uchrashuvga chiqqan, islomiy to'y qilamiz kam xarajat qilib deganda qiz taraf yo'q deyishgan ekan. Eshitib yag'e degandim.

Yaqinda o'zimi akamga qiz so'rab borishganda islomiy to'y qilamiz deyishsa qiz taraf yo'q deyishibdi. Wtf? Otmen bo'libdi.

Yaxshi bo'libdi, boshidan isrof qilib to'y qilinsa uyag'i nima bo'lardi, a labbay)

Tarbiya.

Domni tagida mashinadan narsa tushuryapman. Yangi yil oldi paqildoqlar fasli. Sezon avjiga chiqqan payt. Bir maktab bolasi paqildoq otib o'ynayapti.

Endi katta odammanku, nimadir deb yoshlarga tarbiya nasihat berishim kerak. Shunda "eee, nima qivossan, otma paqildoqni" deb jiddiy ohangda tanbeh berdim.

Sukunat, bola uyalib qarab turibdi. Demak yana nimadir deyishim kerak. Yonida kichikroq boshqa bola turgandi "ko'rmisami yoninda yosh bola boru" devoribman. Haligi bola "haaa shungamidi" deb kulvordi.

Noto'g'ri gapirganimni sezib, hozir hamma aqlli, shu payt nima deyish kerakligi haqida nasihatni quyishadi deb ketvordim)

Er ayoliga 1.5lyam turadigan 100ta atirgullik buket olib bersa bu sovg'a deyiladi.

A lekin xuddi shuncha turadigan, ayolini 4ta tishiga plombani pulini to'lasa majburiyat.

5-10 yil sog'lig'ini ta'minlaydigan plombaga xursand bo'lmagan ko'ngil 4-5 kunda pashalarni xursand qiladigan buketga sevinsaya vo ajab.

Qush va daraxt.

Bola onasidan qush nima deb so'rabdi. Onasi qush bu daraxtlarni ustidan uchib o'tadigan hayvon deb javob beribdi. Bola yana so'rabdi, daraxt degani nima deb. Onasini gapirmoqchi bo'lgan so'zlari tomog'iga tiqilib yig'lab yuboribdi.

Bundan 15 yil oldin ayol ayb ish qilib qo'yib qattiq qo'riqlanadigan qamoqxonaga umrbod qamoq jazosiga mahkum qilinadi.Sud qarori oson bo'lmadi. Axir ayolni qornida 6 oylik bolasi bor edi. Ammo baribir qilgan gunohi kechirilib bo'lmas edi...

Ayol qamoqxonaga tushadi. Bolasini eson omon tug'ib ham oladi.Bola qamoqxonada tug'ilib o'sha yerdagi mahbuslar orasida katta bo'ladi. Qamoqxona shunday daxshatli va yopiq ediki, bu yerda tashqaridan bir gramm ham yorug'lik tushishi mumkin emas edi. Qamoqdagi ko'p ayollar quyoshga qaraganda ko'zlar qamashishi, quyosh ostida toblanishni va hatto quyoshni qanday rangda bo'lishini ham esdan chiqarib yuborishgandi.

Bola shunday muhitda katta bo'ldi. Ko'rgan kechirgani faqat metall eshiklar, zax va mog'or bosgan devorlaru, siniq va sovuq mahbus ayollar edi. Ora orada ayollarni erkaklar haqidagi latifalarini aytmasa ham bo'ladi.

Bola tashqi olamni ko'rmay o'sdi. Tashqi olam haqidagi asosiy informatsiya manbasi qamoqxonadagi eski kutubxona edi. Kutubxonadan hech kim foydalanmaganidan hatto kutubxonachi ham tayinlanmagan edi. Kim biladi balki ayollar g'iybati qizib ketganidan kitob o'qishga ishtiyoqlari yo'qolib ketgandir...

Bola kitob o'qirdiyu lekin tushunmasdi, chunki tasavvur qila olmasdi. Bu xuddiki, hojatxonada o'tirgan bolakay qog'oz o'rniga qo'yilgan katta akasini geometriya daftarini ochib tushunmasdan anqayib kunni kech qilishiga o'xshardi.

Tushunmasdi, lekin baribir o'qiyverardi. Chunki o'qimay qo'ysam 18ga to'lganimda ozodlikka chiqqanimda tashqi dunyo odamlariga qo'shila olmay qolaman deb qo'rqardi.

Bir kuni kitoblarni birida qush haqida o'qib qoldi.Futbol terma jamoasi jahon chempionatiga chiqishganida o'zbeklarni miyasi qanday portlab ketsa uni ham miyasi shunday zarba kelib tushganday bo'ldi. Chunki aqlga sig'maydiku qanday qilib jonzot havoda ucha olishi mumkin,to'g'rimi.

Keyin yana bir kuni yangi kelgan mahbus opadan "ha boshinga qush ch***b ketsin" degan qarg'ishni eshitdi. Yana o'sha nomni eshitgan bola oxiri chiday olmay onasidan qush nima deb so'radi. Onasi qush bu daraxtlarni ustidan uchib o'tadigan hayvon deb javob berdi. Bola yana so'radi, daraxt degani nima deb. Onasini gapirmoqchi bo'lgan so'zlari tomog'iga tiqilib yig'lab yuboribdi. Hayronman nega yig'ladi, daraxt bu yashil ko'pyillik o'simlik deb javob bersa bo'ladiku. Balki 15 yashar bola hali daraxt yo qush nimaligini bilmasdan katta bo'layotganiga ezilganmikan.

Va nihoyat o'sha kun keldi. Bola endi yigit bo'ldi, ya'ni 18ga to'ldi. Endi bemalol tashqi dunyoga chiqadi. O'sha kuni onasi bilan xayrlashmadi. Qamoqxona eshigi ochilganida ko'zoynak taqib olgandi. Birdan yorug'likka chiqish baliqni sahroga otishday gapda.

Qarasa yo'l chetida daraxt turibdi. Daraxtni biladi, kitobda o'qigan. Daraxt tomonga yurdi, birdan undan bir kichkinaginda narsa uchib chiqdi. Bu qush buni ham biladi,chunki kitobda ko'rgan rasmini. Uni yaqinroqdan ko'rish uchun orqasidan yuguradi. Qo'lidagi chemodanini ham daraxt tagida unutib qoldiradi. Qushni orqasidan yugurishga berilib ketganidan oldidan mashina kelib urib ketganini sezmay ham qoladi. Og'riq, qon, issiq, keyin birdan sovuq, boshini ko'tarolmaydi. Birdan keyin esiga tushadi, ha bu dunyoda mashinalar ham bor. Faqat mashinani markasini ko'ra olmadi. Mayli hech qisi yo'q, asosiysi qush va daraxt nimaligini endi biladi, aniqrog'i bilar edi...

Bo'lmag'ur hikoya deb ming'irlab kanaldan chiqib ketadi. Shunga shuncha vaqtimni ketqizdimmi. Undan ko'ra boya instagramda ko'rgan ayfon 17 pro ni narxini yana bir ko'raychi, shundan olsam armonim qolmasdi. Keyin keyingi oyga kursdoshimni to'yiga nimani kiyishimni ham o'ylashim kerak degan o'y bilan avtobusda o'qishga ketardi...

Fotoapparatda olgan rasmimga qaysi telefonda olindi deganday so'rashdi. Xo'rligim keldi)