Soktari masjidi

Сабрнинг натижаси.

   Ривоят қилинадики, Луқмони Ҳаким Довуд алайҳиссаломнинг ҳузурларига кирдилар. Довуд алайҳиссалом совут тўқиб ўтирган эдилар. Луқмони Ҳаким шу пайтгача совутнинг нималигини билмасдилар. Шунинг учун кўраётган нарсаларидан ажабландилар, ҳатто бу ҳакда сўрамоқчи ҳам бўлдилар. Аммо қалбларидаги ҳикмат у кишини савол беришдан тўсди.
   Ишни тугатгач, Довуд алайҳиссалом ўрниларидан турдилар, совутни кийиб: «Жанг учун қандай яхши совут бўлди!» деб қўйдилар. Кейин Луқмонга юзланиб: «Жимлик ҳикматларга тўла! Фақат уни қилувчилар оз» - дедилар.
   Қаранг, илм саволсиз ҳосил бўлди, саволга ҳожат қолмади.

Yaqinlaringizga ham ulashing.

Kanalga a'zo bo‘ling:
👉@soktari_masjidi 👈

ЗАР, ЗЎРЛИК, ЗОРЛИК.

Шу ўринда бир улуғ зотнинг гапи эсимга тушиб қолди. У киши дер эдилар: «Бирор кимсадан бирорд нарса олиш учун учта йўл бор: Ё зўрлик қилиш, ёки зар кўрсатиш, ёки зорлик қилиш. Бу дунёда одамлардан шу уч йўл ила олинади. Чунончи, баъзи вақт иш битириш учун зўрлик кўрсатишга тўғри келади ва шу сабабли одамлар қўрқиб бизнинг ишимизни қилиб беради. Баъзи вақтларда иш битириш учун зар кўрсатишга тўғри келади ва очкўзлиги туфайли одамлар зарни кўриб, бизнинг ишимизни қилади. Масалан, пул берсангиз, у сизнинг ишингизни битириб беради, бўлмаса йўқ. Аммо бу икки йўл Аллоҳ таолонинг ҳузурида иш бермайди. Чунки Аллоҳ таоло бутун кучларнинг манбайидир. Уни бирорта куч қўрқита олмайди. Худди шундай Аллоҳ таоло икки олам моликидир. Бутун хазиналар Уники. У Зот бирортанинг давлати ва молидан таъсирланмайди. Уни на бирор хавф қўрқита олади ва на Унга бирор очкўзлик таъсир кўрсата олади. Шунинг учун Аллоҳ таолонинг ҳузурида на зўрлик иш беради ва на зар иш беради. Айтдиларки, Унинг ҳузурида фақат ва фақат зорлик иш беради. Яъни йиғлаш ва илтижо қилиш, ожизлик ва муҳтожлик ила Аллоҳнинг ҳузурида иш чиқади. Шунинг учун Аллоҳ таолодан сўраш керак бўлса, зорланиб сўраш лозим».

Kanalga a'zo bo‘ling:
👉@soktari_masjidi 👈

Ихтилоф қилманглар, яна қалбларинг ҳар-хил бўлиб қолмасин!

Гоҳида, мустаҳаб бўлган амалларда ҳар-хилликни келтириб чиқариб, шариатимизда ҳаром саналган – ўзаро ихтилофларга сабабчи бўлинмоқда. Улардан: “Нега бундай ихтилоф чиқармоқдасиз?”, – деб сўралса, “Биз Қуръон ва ҳадисга амал қиламиз” ёки “Шу масалада Шофеъий мазҳабнинг йўлини тутганмиз”, – дейишади. Алоҳида таъкидлаймизки, фиқҳий мазҳабларга амал қилиш – Қуръон ва суннатга мукаммал амал қилишдир! У мазҳабдан бир масалани, бошқа мазҳабдан бошқа масалани олишни уламоларимиз “талфиқ” дейдилар ва бунинг ҳукми ҳам – ҳаромдир. Ҳаром ишни қилиш эса – катта гуноҳдир. Юртимизда бу ихтилофларнинг ечими сифатида – минг йиллардан бери синалган ва давом этиб келаётган Аҳли сунна вал-жамоа эътиқоди ва ҳанафий мазҳабига амал қилиш, деб биламиз. Ана шунда бутун куч-ғайратимиз, ҳимматимиз бир-биримизга душманчилик эмас, фойдали ишларга сарф бўлади.
  Ихтилофлар ва фирқаларга бўлиниш, натижада уруш-жанжал ва низолар келтириб чиқариш ҳаром амал эканига қуйидаги ҳадис далил бўлади. Пайғамбаримиз саллаллоҳу алайҳи васаллам шундай дейдилар:
وَلَا تَخْتَلِفُوا فَتَخْتَلِفَ قُلُوبُكُمْ (رواه الامام مسلم عن ابي مسعود رضي الله عنه )
яъни: “Ихтилоф қилманглар, яна қалбларинг ҳар-хил бўлиб қолмасин!” (Имом Муслим ривояти).
  Қадимдан динимизда фирқаларга бўлиниш ва ихтилофларга асосий сабаблардан бири – илмсизлик, динни яхши тушунмасликдир. Шунинг учун ҳар бир мусулмон динини аслида кимлиги номаълум кимсаларнинг узуқ-юлуқ маърузалари ёки интернетда ин қуриб олган қўштирноқ ичидаги “мулла”лардан эмас, балки мўътабар олимлар, устозлар ёзиб кетган китоблардан ўқиб-ўрганиш керак.

Kanalga a'zo bo‘ling:
👉@soktari_masjidi 👈