JIGARLARIM DOIMO KERAK

Kular shodon, shirin muloyim,
Har birining hurmati boʻlak.
Avaylab sen asra, Xudoyim,
Jigarlarim doimo kerak.

Sadoqatning timsoli ular,
Talpinadi ularga yurak.
Baxtlarimga sababchi ular,
Jigarlarim doimo kerak.

Biram yaxshi, zoʻr bir-biridan,
Meni deya joni ming halak.
Mehr yogʻar qalbi qoʻridan,
Jigarlarim doimo kerak.

Xabar olib soʻrar ahvolim,
Duolarda tinmaydi bilak.
Ora-kunda soʻraydi holim,
Jigarlarim doimo kerak.

Koʻksimdagi ishonganlarim,
Tilak tugul, boʻladi tirgak.
Mening har vaqt suyanganlarim,
Jigarlarim doimo kerak.

✍ Solihabegim
Dilafruz Shahrixoniy
https://t.me/+PBE4iYDhh-GjsEVv


Ⓜ️anba: @sherlar


        👍 #like_boss