Ona topilmas

Aldanma dunyoying rostligi yolg‘on
Dunyo mehmon, mezbon biz, omonat jon
Poyin o‘p eng aziz, bebaxo inson
Ona topilmaydi... ona topilmas

Farishta. Yoningda giryona o‘zi
Yo‘llaringni kutib sarsondir ko‘zi.
Erta armon bo‘lib qolmasin so‘zi
Ona topilmaydi... ona topilmas

Jon berganga sajda jonimni ostim
Qalbim egalladi bugungi rostim
Ko‘zing och birodar, anglagin do‘stim
Ona topilmaydi... ona topilmas

Qara qanchalar zo‘r, qancha chiroylik
Eng go‘zal tilaklik eng go‘zal joylik...
Topilar mashina... yor... saroy... boylik
Ona topilmaydi... ona topilmas

Ro‘zg‘or deb shoshmagin to‘ladi kami
Senga fido bo‘lgan eng go‘zal dami
Xizmatin qil xuddi bir quli kabi
Ona topilmaydi... ona topilmas

Olgan nafaslarda uning haqqi bor
U umrini berdi biz berdik ozor...
Bo‘lamiz mehriga bir kun intizor
Ona topilmaydi... ona topilmas

Tandirda non yopgan bolamga deya...
Yashaydi farzandin g‘amini yeya...
Qoladi ketganda yuraklar kuya...
Ona topilmaydi... ona topilmas

Dardlarin aytmaydi sokingina jim...
Tunlar yoshin to‘kar goh gohi tim tim
Qaytmaydi qaytara olmaydi hech kim...
Ona topolmaydi... ona topilmas

Poyin o‘p eng aziz... baxosiz inson...
Ona topilmaydi... ona topilmas...

✍Odilbek Qodirov

@sheriyat