Создай группу с платными сообщениями

Берите плату за каждое сообщение в своей группе!

Есть интересный контент?

Я расскажу как на нём заработать

Залью подписчика по 3 рубля

В любую тематику, с мелких регионов. 5% за работу.

Статистика Избранное

She'r sehri

Гео и язык канала: Узбекистан, Узбекский

Категория: Цитаты

Ўзбек шеъриятининг кечаси ва бугуни бир ерда - ушбу каналда!

Связанные каналы | Похожие каналы

Гео и язык канала

Узбекистан, Узбекский

Категория

Цитаты

Статистика

Избранное

Фильтр публикаций

Скрывать удаленные

Скрывать репосты

She'r sehri

27 Apr, 10:52

Репост из: “Аkademnashr” nashriyoti

Kecha Mansur Jumayev imzosi va surati muhrlangan 5 kitob 1 soatdayoq tugab qoldi. Bugun esa Orzu kelib, dadasining kitoblariga yana dasxat bosib ketdi. 25 nusxada. Kecha ulgurmagan boʻlsangiz, bugun kelib xarid qilsangiz boʻladi. 16:00 gacha shu yerdamiz.

📘 @akademnashr

129 0 0 6

She'r sehri

27 Apr, 06:30

***

Бу тун оғир тун эди, о,
Дарахтларда мезон оғир,
Юрагимда гумон, оғрир,
биласанми?..
Ойна орти
тушлар сузар,
ўнг фақат мен,
қайтармикан ўзимники бўлган тушлар?
О, ёмғирлар ёға бошлар ташқарида,
деразамни муштлаб, муштлаб.
Очолмайман юрагимни,
томчиларнинг куйларига боғлар тўлсин.
Англадимки,
сен мен учун умримдаги
етиб бўлмас узу-ун йўлсан...
Сен қанчалар куюнмагин,
бу дунёнинг ишларига,
Хавотирим, қанотлари хориб келган,
худди мезон қушларидай
қишдан эмас,
унутишдан...
Кунлар келиб бу боғлардан,
изларингнинг ўчмоғи бор.
Ўшанда ҳам руҳим масрур,
ўшанда ҳам кўнглим хумор,
бир ишқ бўлиб қоладирман...
кўнасанми?!

Зулхумор Орифжонова

@sherSehri

190 0 1 1

She'r sehri

26 Apr, 11:45

Репост из: “Аkademnashr” nashriyoti

Mansur Jumayevning “Biz kutgan fasl” kitobiga shoir imzosi va surati tushirilgan muhr bosildi. 5 nusxa. Xarid qilishga ulgurib qoling.

Suratdagi qizaloq — Orzu Mansur qizi.

📘 @akademnashr

179 0 3 8

She'r sehri

24 Apr, 12:59

* * *
Сизни жондан севган эди У,
Севган эди ҳаддан ташқари.
Боқмадингиз бирор марта ҳам,
Қолиб кетди бахтлардан нари.

Қолиб кетди Тангри қўлида
Ва ҳеч кимга бермади қайтиб.
Зулматларнинг олис йўлида
Ўтди ойдин қўшиқлар айтиб…

Ёлғизликнинг маъюс қаърида
Аталганди у Сизга ахир.
Ўша Турна Аёл бағрида
Очиларди дунё кутган сир!

Бермадингиз унга бир имкон,
Ё бир назар, ё сокин сурур.
Ғоратларнинг комида бежон,
Мангуликка сўнди ўша Нур!

Аммо тағин тушларингизда
Излаяпсиз не учун, ё-ҳу!
…Чақирасиз энди бир умр,
Қайрилиб ҳам қарамайди У!..

Зебо МИРЗО

@sherSehri

300 0 7 1

She'r sehri

23 Apr, 16:21

АГАР КЕТСАМ

Агар кетсам...
Кун ўтар,
Ой ўтар,
Йиллар ўтади.
Юрагимдаги шу тугмадек оғриқ
Кўксингдан тоғ бўлиб униб чиқади.

Агар кетсам...
Ноилож ой чиқар, қуёш ботади.
Ўксиниш билмаган, баҳор яшнаган
Бағрингда қировли қорлар ётади.

Агар кетсам...
Ҳаёт уммонида тинмай сузасан,
Кезасан, кезасан, бесамар кезиб
Тубсизлик нелигин англаб етасан.

Агар кетсам...
Ким сени ардоқлаб, мендек суяди?!
Юрагингни икки ёнидан илиб,
Армон ўз бўйнига осиб қўяди.

Агар кетсам...
Лаҳза сенга хиёнат қилади ҳар он,
Содиқ деб ўйлаган орзу-ўйларинг
Барчаси мен билан кетади, ишон.

Агар кетсам...
Мен шунчаки кетмайман, ишон...

Нилуфар ЖАББОРОВА

@sherSehri

273 0 4 2

She'r sehri

23 Apr, 12:18

АННА АХМАТОВА

Узоқларда ўлсам ва унга
Жуда ҳам кеч етса бу хабар,
У титрамас, ачинмайди ҳам,
Кулиб қўяр беғам, бекадар.

Сўнг эслайди: Нева бўйлари..
Қорга чўмган осмону замин…
Ва эслайди: “Сени бир умр
Асрайман!” деб ичган қасамин.

@sherSehri

256 0 2 7

She'r sehri

23 Apr, 10:17

МУНОЖОТ

Фақат ишқ…
Фақат ишқ…
Бошқаси сароб,
бошқаси шамолнинг оний сурони.
Қирқта тар гулимни айладим хароб,
қирқта қул кўзила кўрдим дунёни.

Қирқта қора қул ётар мозийда,
қирқта черигини йўқотган бекман.
Мангуга айрилдим қирқта ғозийдан,
бошимни тошларга урсамми дейман.

Бу дунё нимадир?
Барини кўрдим,
султону гадонинг қаърини кўрдим.
Ғаззолий сиғмаган тубан оламда
шайтондан тўралган ғайрни кўрдим.

Фақат ишқ…
Ишқ гули…
Самовий гулим…
бир нафас дилимга посибон бўлсин,
токим шул нафасда қирқ биринчи қулнинг
ёруғ лабларида хўрсиниқ сўлсин.

Туҳмат мурдалари қалашиб ётган,
иғволар бижғиган шўрлик диёрда
замину маконин буткул йўқотган
бир улуғ фарёднинг боласи зорман.

Ай, қиличдек туйғу,
ай, қотил туйғу,
бас, ортиқ қийнама кимсасиз даштда.
Юзимга юзини қўйсин ўша гул,
дилимнинг қаърини чавақлаб ташла…

Шавкат Раҳмон

@sherSehri

291 0 5 6

She'r sehri

22 Apr, 18:43

CHEMPIONLARGA

Ey siz, turnaqator saflarim mening
Ukalarim mening, alplarim mening.
So‘zdan ko‘zmunchoqlar taqaman desam
Tiriladi Sug‘diy xatlarim mening.

Bahor endi keldi O‘zbekistonga
Ey siz, Alpomishning azim otlari.
Kaftini duoga ochgan el nomin
Kiftida ko‘targan azamatlari.

Vatan omon bo‘lsin, siz omon bo‘ling,
Men ham to‘ylab keldim to‘ylaringizga.
Ukalar, aylanay, she’rim tasadduq,
Kelinlar yarashiq bo‘ylaringizga!

Shohsanam NISHONOVA

@sherSehri

264 0 1 8

She'r sehri

21 Apr, 16:24

Репост из: Najmiddin Ermatov

Юмор, айниқса сатиранинг қучоғи кенг. Унга бошқа жанларда айтиш мушкул бўлган воқеликларни сиғдирса бўлади. Яна бир устун тарафи, уни тушуниб айримлар кулиб-ўйланса, айримлар ўйланиб-йиғлайди. Шоир, жўрам Хуршид Абдурашиднинг шундай юморларга уста туғишган укаси бор—Аббос Серобов. Шу бола яқинда илк якка чиқишини режалаштиряпти. Имкон қадар боринг, кўринг, кулинг...

Chiptalar: https://t.me/sahnastandup_bot?start=67e80b18b3e41_uz

https://t.me/Najmiddin_Ermatov

261 0 0 2

She'r sehri

18 Apr, 20:41

Репост из: КЕЧИККАН ЙЎЛОВЧИ

ПОЕЗДДАГИ ЧАЛА ТУШЛАР

I
Йўл чарчатди одамни,
Кўп чарчатди одамни,
Иштиёқ бир ёндириб,
Сўнг қақшатди одамни.

Салом, ухлаётганлар,
Салом, эй уйғонганлар,
Борса-келмас шу йўлнинг
Ҳасратида ёнганлар.

Йўл – хотира, йўл – сароб,
Алғов-далғов хаёллар.
Темир йўлнинг изидай
Охири йўқ саволлар.

Керишаман, ухлайман –
Зерикаман, йўл – узоқ.
Ёнимдаги серсавол
Бир мардум ҳамон уйғоқ:

“Чўнтакда пулинг бўлса
Бозорда бари текин.
Текинни кўриб турган
Битта нигоҳ бор лекин...”

Қандай ўтирмоқ, турмоқ,
Юрмоқнинг тартиби бор.
Қўлини пахса қилиб
Тартиб эслатар такрор.

Хаёлда мингта савол
Жавобин топмаган дам.
Худо билан ўртамда
Сенга нима бор, Одам?!

II
Руҳинг танангга ўгай,
Кўйиб кетади кўкай,
Бир ўлиб кўрсанг бўлар,
Аммо қайтиб бўлмагай.

Ғала-ғовур дунёда,
“Тўпла-совур” дунёда,
Манзилини билмаган
Маҳшар довур дунёда:

Жим қотиб тургандайман,
Бир хаёл сургандайман,
Қарши-Тошкент йўлида
Мансурни кўргандайман.

Нафаси кескир тулпор,
Кўкси тўла сир тулпор,
Ҳаммасига қўл силтаб
Ухлаб ётар бир тулпор.

Ўйлаб ўйинг етмайди,
Алам қилар дам-бадам
Улфат кўп, севикли кўп,
Гаплашишга йўқ одам.

III
Узоқ йўлга барибир
Бир кўнгил ҳамроҳ керак.
Умр деган йўл эса
Йўлдошга арзир демак.

Темир йўлнинг шовури,
Уйқуни босиб кетар.
Кунчиқар томонларда
Бир аёл интиқ кутар.

Дам шу дамдир, ўзга дам
Дамлигини билмайман
Аёлнинг кўзи нечун
Намлигини билмайман.

Умримнинг ярми йўлда,
Ярми қайгадир кетган.
Кўнгилнинг ярми уйда,
Ярми манзилга етган.

Ўзим чидай олмаган
Юракни тирнаган из.
Шунча гуноҳим билан
Ортмоқлаб кетар поезд.

Ҳасратимни шу гулга
Муштоқ бўлиб айтаман:
Ўзим ёпган эшикка
Қандоқ қилиб қайтаман?

IV
Ўғлим, бу дунё асли
Менгача ҳам тор эди.
Кечиб, кечириб бўлмас
Битта айбим бор эди.

Баъзида дўстлар кетган,
Баъзида мен кетганман.
Алдаганман, сотганман –
Ниятимга етганман.

Бу дунё қайтар-қайтмас
Битта манзил, билганман.
Ўғлим, мен шу манзилга
Нур қидириб келганман.

Қафасдан чиқолмаган,
Ичимда ўлган бир шер.
Сен тирик юракли бўл,
Умримни қайтариб бер.

V
Созини созлар бахши:
Достон бўларинг борми?
Эл ғазабга етганда
Ҳақни сўраринг борми?

Журъатинг ер бўлдими,
Ё ғужуринг ўлдими?
Элдан айрилган тўрам,
Элнинг сўзи қолдими?

Номарди ҳар ердаю,
Мардини қайда кўрдим?
Катта одам наслини
Бугун кўп майда кўрдим.

Девор уялиб турар
Титраб кетар оғочлар.
Чиптанинг нархи бир ён
Бир ёнда юпун, очлар.

Салом, эй уйғонганлар,
Салом, ухлаётганлар.
Бир поезд чиптасига
Эшагини сотганлар…

©️Дадахон Муҳаммадиев

@dadaxonmuhammadiy

306 0 2 7

She'r sehri

18 Apr, 07:48

Репост из: MAHLIYO KARIMOVA ✍🏻

* * *

Xatlarim tegdimi qo'linga
So'zlarim tegdimi dilinga?
Termulib qarayman yo'linga
Uzoqsan
uzoqsan
uzoqsan...

Aslida sevgimiz gunohsiz
Aslida sevgimiz panohsiz,
Negadan iborat javobsiz
So'roqsan
so'roqsan
so'roqsan...

Sendayin yuragi pora yo'q
Mendayin yuragi pora yo'q,
Qutilib ketishga chora yo'q
Tuzoqsan
tuzoqsan
tuzoqsan...

Sen menga oxirsiz bir azal
Men senga oxirsiz bir azal,
Bo'ynimda bir umr eng go'zal
Gunohsan
gunohsan
gunohsan...

✍🏻 Mahliyo Karimova

✅@mahliyo_karimova_official

343 0 8 3

She'r sehri

17 Apr, 09:29

Репост из: Qaqnus | Madaniyat va maʼrifat

00:44

Видео недоступно для предпросмотра

Смотреть в Telegram

Yoshlar sheʼriyati haqida suhbatlashganmiz.

"Qaqnus"

🗓 17-aprel
⏰ 21:00
📺 "Madaniyat va ma'rifat" telekanalida!

@Qaqnus_klub

309 0 2

She'r sehri

15 Apr, 13:55

Репост из: Farrux Jabborbek

Kecha hayotimdagi eng quvonchli voqealardan biri bo‘ldi. Turkiy dunyoning katta shoiri Yo‘ldosh Eshbekka ikki xonali uy sovg‘a qilindi.

Ramazon oyining so‘nggi kunlari "O‘zbek katta el...mi?" degan savol ostida yalpi xayriya harakati boshlanib ketgan edi. Beixtiyor, birdaniga... O‘zim ham shoshib qoldim, ochig‘i.

Ming so‘mdan bir necha million so‘mgacha mablag‘ kelib tushishda davom etmoqda. (Savob iqtisodiy mezonlarda o‘lchanmasligi, bir g‘isht qo‘ygan butun binoni qurgandan ham ziyoda ko‘rilishi mumkin). “Akademnashr” nashriyoti Yo‘ldosh Eshbek tarjimasi bilan chiqqan “Turk she’riyati antologiyasi”ning 690 donasini xayriya uchun ajratdi. Shu paytgacha misqollab yig‘ilgan summa 90 million so‘mga yaqinlashdi.

Yaxshi odamlar Yo‘ldosh akaning sog‘lig‘i bilan alohida shug‘ullanmoqda. Dori-darmon bilan ta’minlab turishibdi. Ba’zilar o‘z ota-onasiga ham bunday qaramaydi, rosti.

Xayrli ishga daxldor bo‘lish istagini bildirganlar, jonkuyar yurtdoshlarimizdan tortib yuqori doira vakillarigacha biz bilan bog‘landi. Bir necha yo‘nalishlarda katta marralarni ko‘zlab harakat boshlandi. Ular orasida tadbirkor Marat Hamdamov hammadan o‘zib ketdi (lekin boshqalar shu bilan bo‘ldi, deya qo‘l siltab ketmasligidan umidvorman).

Kecha O‘zbekiston Yozuvchilar uyushmasida Yo‘ldosh Eshbekka “Sergeli city” majmuasidan ikki xonali uy hujjatlari topshirilibdi. Eshitib behad quvondim. Nasib etsa, sentabr oyida shoirni oilasi bilan birga yangi uyga ko‘chirib o‘tkazamiz. Shu ishga bosh qo‘shganlarning barchasini, xususan, Marat Hamdamov, Mahmud Namozovni olqishlayman. Siz ham duo qiling!

Aytgancha, shanba kuni “Til va adabiyot ta’limi” jurnali uchun Ernest Kurtveliyev, Akmal Murod, Orzu A’zam bilan birgalikda Yo‘ldosh Eshbekni maxsus fotosyomka qildik. Suratlar jurnal bisotidan.

🗄Farrux Jabborbek

264 0 1 9

She'r sehri

15 Apr, 07:55

* * *

Тун тугамас – бўлмайди чидаб,
Кўзларимга уйқу инмайди.
Нега бунча шивир-шивир гап –
Ташқарида ёмғир тинмайди.

Бу хаёлга дош бериш душвор,
Тортқилайди тўртта томонга.
Киприкларим ораси – йўл тор,
Ўхшар тўзғитилган сомонга.

Бу соғинчга чидаб бўлмайди,
На боши, на адоғи йўқдай.
Юрагимни қўлига олиб,
Отиб ўйнар бир парча чўғдай.

Бу ҳис билан келишиш маҳол,
На тил билар, на солар қулоқ.
Бола каби беради савол,
Боладайин отар шаталоқ.

Бу хотира тулпордек асов,
Судрар мени тупроққа қориб.
Бухорода чорлар гоҳ биров,
Чорчинорга қолгум гоҳ бориб.

Минг бўлакка бўлди бу ҳаёт,
Гоҳ кенг, гоҳо тангдир йўлагим.
Яратгандан сўрайман нажот,
Менга қолса бас бир бўлагим.

Воҳид Луқмон

@sherSehri

373 0 8 3

She'r sehri

10 Apr, 13:11

Репост из: Jadid.uz

⏳⏳⏳⏳

10-aprel – oʻzbek romanchiligi asoschisi Abdulla Qodiriy tavallud topgan kun

Abdulla Qodiriy 1894-yil 10-aprelda Toshkentda bog‘bon oilasida tavallud topgan. Adib va shoir sifatida 1912-yillarda faoliyatini boshlagan. “To‘y” “Ahvolimiz”, “Millatimga”, “Fikr aylagil” kabi she’rlari “Baxtsiz kuyov” dramasi, “Juvonboz” hikoyasi uning ilk asarlaridir.

Uning 1916-yilda yozilgan “Uloqda” hikoyasi o‘zbek realistik hikoyasining eng yaxshi namunalaridan biri hisoblanadi. Bundan so‘ng adib birin-ketin “Kalvak Mahzumning xotira daftaridan”, “Toshpo‘lat tajang nima deydi”, “Obid ketmon” kabi nasriy asarlarini yaratadi.

Abdulla Qodiriy qalamiga mansub “O‘tkan kunlar” romani o‘zbek adabiyotining roman janridagi ilk asardir. Shu bilan yozuvchi o‘zbek romanchiligiga asos solgan. 1922-yil “Inqilob” jurnalida romandan boblar e’lon qilinadi. 1924-1926-yillarda har bir bo‘limi alohida kitob holida nashr etiladi.

O‘zbek adabiyotining ikkinchi yirik romani ham Abdulla Qodiriy qalamiga mansub. “Mehrobdan chayon” romani 1928-yili fevralda yozib tugatilgan. 1929-yil Samarqand shahrida bosilib chiqqan.

Abdulla Qodiriy 1937-yilning 31-dekabrida “xalq dushmani” sifatida hibsga olinadi. 1938-yilning 4-oktyabrida yozuvchi 9 oylik xo‘rliklardan so‘ng Cho‘lpon, Fitrat kabi maslakdoshlari bilan birgalikda otib tashlanadi. Toshkentdagi Xo‘ja Alambardor (Kamolon) qabristonida ramziy qabri o‘rnatilgan.

➡️ HAQIQAT YO‘LIDA
➡️ SUDDAGI NUTQDAN PARCHA
➡️ TUSHIMGA KIRADI QODIRIY BOBOM
➡️ SALOM
➡️ TUSHIMGA KIRADI QODIRIY BOBOM...
➡️ QODIRIY NIMA SABABDAN ASARLARINI UZOQ VAQT YOZGAN?
➡️ QODIRIYNI YIGʻLATGAN KUMUSH
➡️ O‘TGA TASHLANGAN “O‘TKAN KUNLAR”
➡️ QODIRIYNING O‘G‘IRLANGAN SHE’RI

Tilda, fikrda, ishda birlik!
Jadid.uz | Telegram | Facebook | Instagram | YouTube

400 0 5 1

She'r sehri

10 Apr, 09:19

* * *
“Мени ҳали эслаб юрасиз”, - деди бир аёл.
“Йўқ, - деди у. – Сизни эслайдиганлар жуда кўп.
Мен эса, ҳеч кими йўқ
бир аёлни эслайман,
худо хохласа;
ҳеч кими йўқ
бир аёлни соғинаман,
худо хоҳласа”.

Ташқарида -
хазон ёғар.

“Қайси йилнинг хазони?
Бу суҳбат
қаердан келди?
Нега бунча ғуссали? Нега
бирдан соғинч ўртади жонимни?
Ҳеч кими қолмадимикан у аёлнинг?
Бир ўзи юрганмикан дунёда тентираб?
Излаб борсаммикан?..”

Ташқарида -
Хазон. Шамол.
Куз ёмғири.

Нималарни
хоҳлаяпти
парвардигор?

Йўл эса,
унча олис эмас:

ўттиз беш кузакдан
ўтилса,
бўлди.

©️Усмон АЗИМ

@sherSehri

394 0 3 4

She'r sehri

9 Apr, 08:36

Репост из: Shohista Alijon qizi Ergasheva

АМИР ТЕМУРГА МАКТУБ

Амр қилинг, тош устига,
Бошим қўяй, бош устига.
Юрагингиз қатлтошдир,
Фошлар бўлдик фош устига.

Юрак саҳар жўшиб турса,
Бу не бало шошиб турса,
Кўзим заҳар қўшиб турса,
Мен ейдиган ош устига.

Ўн еттидан энди ошиб,
Бир бошимда шунча ошуб,
Бунча жабр қилдингизай,
Шу ўн саккиз ёш устига.

"Кўнгил" отлиқ лашкарингиз,
Тортиб келинг Шош устига,
Сизга пешвоз чиқгайман мен,
Ўсма тортиб қош устига.

Кўнглингиздан, гар бадар мен,
Дарбадар мен,
Сарбадор мен,
Ҳалок қилгайки, агар, мен,
Ёшлар тўксам ёш устига.

Бизнинг макон "Юракюрт"дир,
Мен ул юртга шоҳ истамам,
Лек, келсангиз юрак ютиб,
Сиз Амир, мен Шоҳистаман!
2016

https://t.me/Nisan8888

376 0 4 6

She'r sehri

9 Apr, 08:05

ХАЙРЛАШУВ

Чалинмоқда сергак қўнғироқ,
Соат 6. Айриламиз, юр.
Мен гулимни бераман, бироқ,
Вокзал айтмас ҳатто ташаккур.

Қучоқлашиб тўймас нигоҳлар,
Саботини синар муҳаббат.
Кеча эсдан оққан дудоқлар,
Хайр дейди қимтиниб фақат.

Тугилмоқда мушт бўлиб қўлим,
Бунча ғамгин ниҳоянг, висол.
Айрилиқдан афзалдир ўлим,
Васл, сендан яхшидир хаёл.

Юрагимдай чайқалсин вокзал,
Исён қилсин, поезд юрмасин.
Шунда мен ҳам йиғлаб олай сал,
Худойимдан ўзга кўрмасин.

Елкамга қўй, висол, бошингни,
Чалинмоқда, ана, қўнғироқ.
Мағрур тургин, тўкма ёшингни!

... Қутлуғ бўлсин ғалабанг, фироқ!

Лаб тишладим, чиқармадим сас,
Вагон гулни кифтига ортди.
Машинист рул дастагин эмас,
Юрагимни чангаллаб тортди.

©️Баҳодир БАҲРОМ

@sherSehri

407 0 3 2

She'r sehri

8 Apr, 14:17

***
Шу момиқ палтонгга синголмай абгор,
Йўлакка қор тушар парча-парча қор.
Балки беғубор у, оппоқ эҳтимол?!,
Нилу, айтчи унинг нима ҳаққи бор,
Кафтингда беармон эриб ўтишга.

Январ, кеч тушяпти, пар тўкар гардун,
Шаҳрим кўчасида қизир жараён.
У қанчалар бахтли, у қанча мамнун,
Пойингга тўкилиб тушгудай осмон.
Наҳот қўлим етмас уни тутишга.

Оқара бошлайди йўлакдан нари,
Тутмоққа уринар қорни кафтларим.
Юракдан сўрадим; рашкдаман ахир,
Наҳот ишқ кемтикдир, наҳот бахт ярим?!
Ҳануз қор ёғади, кўнмай кутишга.

Ахир у..
Нега?...
Мендек хаёллари тўзмасдан бурун,
Соғинч, ҳижрон, хижолати ўсмасдан бурун,
Тунга айтиб сачранади висол ҳақида.
Нега мендек оловларда кезмасдан бурун,
Жуда эркин нафас олар, эрксиниб қишга.
Нега….
...нега?!

©️Нуриддин Расулов

@sherSehri

353 0 2 5

She'r sehri

8 Apr, 10:14

* * *
Бугун сизни соғинч эзади
Хотиралар қийнаши тайин.
Кўнглингизни гумон безади
Ташқарида қор ёғар, майин.

Бодом гуллаб бўлди Сурхонда
Сулув қиздек ясанди қирлар.
Юрагингиз ёнар гумондан
Ташқарида ёғар ёмғирлар.

Тағин сизни ҳижрон эзади,
Хонангизда кезади гумон.
Сочингизни қиров безади,
Ташқарида гуллар саратон.

Энди сизни армон эзади,
Ўйларингиз абадий мубҳам.
Умрингизни гумон безади,
Оқламадим ўзимни мен ҳам.

© Маҳфуза ИМОМОВА

@sherSehri

359 0 3 2

Показано 20 последних публикаций.

1 176

подписчиков

Статистика канала

Популярное в канале

*** Ёшлик яхши эди ҳарҳолда. Ғамгин кезларимда жимгина қучиб, “Ҳаммаси яхши бўлади” Дегувчи ин...

💞💞💞 Katta elmiz(mi), deya boshlangan ishimiz yalpi harakatga aylanib borayotgandek... Ustoz Yo‘l...

Kecha hayotimdagi eng quvonchli voqealardan biri bo‘ldi. Turkiy dunyoning katta shoiri Yo‘ldosh E...

ҲАЁТ ҲАҚИДА ЎЙЛАР Туғилиш — ўлимга қўйилган биринчи қадам. (И.В.ГЁТЕ) Туғилдинг, бу ҳаёт остона...

ХАЙРЛАШУВ Чалинмоқда сергак қўнғироқ, Соат 6. Айриламиз, юр. Мен гулимни бераман, бироқ, Вокзал ...