Shaxsiylik | bintu Malik 🍀

Robbing seni yaxshi ko'radi
Ortiqcha o'ylashni bas qil ..

*

Suhbat so'ngida hamma "men unaqa demoqchi emas edim, meni no'tog'ri tushunding" deydi.

Agar kimdir "uzr, men no'tog'ri tushuntiribman fikrimni, ayb mendan o'tdi" deb jim bo'lsa..
Yo u shunchaki shunaqa odam yoji tushuntirishdan charchagan va tushuntirishning foydasi yo'qligini bilib bo'lgan 😊

#shaxsiy_fikr

Turmush bu rizq.

Zavj, zavja hu rizq.

Boradigan xonadoningiz, quda tomon ham rizq.

O'qiydigan kitobingiz rizq.

Eshitgan maruzangiz va undan yodingizda qolgani rizq.

Eshitadigan darsingiz va oladigan ilmingiz rizq.

Yodingizda qolgani rizq.

Rizq faqat bugun topadigan pulingiz emas, yeydigan ovqatingiz, ichadigan suvingiz emas, hatto oladigan nafasingiz ham rizq.
Rizqingiz bo'lmasa hammaning boshiga tushgan yomg'ir tomchisi sizni aylanib o'tadi.
Rizqingiz bo'lmasa, kaba oldiga borib, tavof qilolmay qaytasiz.

Rizq belgilab qo'yilgan, uni hech kim sizdan tortib ololmaydi yoki hatto onangiz ham rizqidan sizga qo'shib berolmaydi. Faqatgina Alloh irodasi va hikmati bilan rizqingiz kengayadi yo ozayadi.
Va bunga amallar sabab bo'ladi. Qur'on oyatlari va hadislarda kelganiga ko'ra, bandaning aytadigan istig'forlari, tavbasi, Allohdan qo'rqishi, infoq qilishi kabi amallari sabab Alloh uning rizqiga baraka ato etadi. Halolni tark etib, haromga moyil bo'lish, haqorat qilish, zikrni tark etish, ibodatlarga dangasalik esa rizqni ozaytiradi.

Demakki, rizqingizni kesuvchi sabab ham, baraka qo'shuvchi sabab ham qo'lingizda. Siz qanday sababni qilsangiz, Robbim o'shaning natijasini beradi. Va albatta qanday natija kelishi Allohning hikmati va irodasidan

*Bintu Malik

*

Jaholatning yagona qo'rquvi ayoldir. Chunki ayol o'rgansa, farzandiga ham o'rgatadi.

#shaxsiy_fikr

Turmushim boshida men eshitgan eng foydali gap shunday bo'lgan:

Kelinlik uyining 4 ta devori bo'lsa, 1 tasi asal, 3 tasi zahar. Shu bitta asalga erishish uchun 3 zaharga ko'nasiz.

Bu gapni menga qaynana oyijonim aytganlar. Ularga esa kelinliklarida kattalar. Xullas, bu gap kimgadir og'ir ko'rinsa ham, asli haqiqat shunday.

O'zbekchiligimizdan, ahvol-vaziyatdan nolish bilan hayotimizni murakkablashtiramiz. Boriga qanoat qilish tuyg'usi shundog'am unut bo'lib ketyapti.

Yangi oilaga tushgan qizlar boshida qanday u oilaga ko'nikishga qiynalsa, xuddi shunday u oila a'zolari ham yangi qizga ko'nikishi qiyin bo'ladi. Aql ko'zi bilan olib qaralsa shunday.

Boshida hammasi, hatto kichik pashshaning g'inshilashi ham muammodek ko'rinadi. Sababi hali moslashish davri ketyapti. 4-6 yilgacha davom etadi bu davr. Kishi sabr bilan ishini qilaversa, natijasini Allohga tavakkul qilsa, Alloh bandasiga doim hayrlisini beradi.

Turmush boshida kutuvlar ko'p bo'lishi tabiiy. Salbiy va ijobiy kutuvlarning natijasini tezroq bilishni istaysiz. Lekin, bu hissiyotlar jo'shqinligi sizni sog'lom fikrlashdan to'sib qo'ymasin.

Darrovdan men yaxshi kelin bo'lolmayapman, qaynanam meni xushlamayapti deyishga shoshilmang.
Ayniqsa, onangizga yig'lab bermang. Sizkuya bugungi mojaroni hal qilib, kulishib, ertadan chiroyli yashab ketarsiz, onangiz kechasi bilan kiprik qoqmay chiqadi. Keyin kulib tursangiz ham, qizim qiynalyapti ekanda deb o'ylab siqiladi.

Hammada bir xarakter bo'ladi. Sizda bo'lgan injiqliklar qaynonada ham bor, shundoq ekan turli eslatma va dakkilarni to'g'ri qabul qilib, qil deyilgan ishni qilish, qilma deganni qilmaslik kerak. Qaynona ham bir ona, bolasiga yomonini istamaydi hech qachon 😊

*Bintu Malik

*

"O'lganingda tobutingni do'stlaring ko'taradi, xotining emas" deydi ayrimlar. Man bu gapga ishonmayman. Yaqinda 70 yoshli buvam vafot qilganida birorta do'sti kelmadi

© Stand-up

*

Erkak erkakning nafsidan xabari borligi uchun ayolini rashk qiladi.
Ayol ayolning makridan xabari borligi uchun erini rashk qiladi
Rashk qilmagan yo bexabar yo bee'tibor yoki sevgisi zaif )

#shaxsiy_fikr

Bir qancha fikrlarim yillar davomida o'z qolipida qotgan bo'lsa, qotganki, lekin o'zgarmagan.

Masalan, bilmaslik bu hech qachon sabab emas. Xabari yo'qligi, bilmaganligi, hayoliga keltirmaganligi vahokaz. Bular aybini yuvishga sabab bo'lolmaydi.

Alloh boshini butun yaratdimi? Miyasini o'ngi ham chapi ham ishlayaptimi? Aql faoliyatida muammosi yo'qmi?

Ko'zi sog'mi, ko'ryaptimi?
Burni, qulog'i, hammasi joyidami?
To'rt-munchasi sog'lommi? Hattoki, bir oyog'i bo'lmaganda ham, 2-oyog'i bormi?

Demak, ilm olishi shart va zarur. O'ziga farz bo'lgan ilmlarni o'rganmasligi gunoh bo'lib qolaveradi. Bundan xabari yo'qmi? Nega?
Ha, dindan bexabar oilada tug'ilgan.

Telefonni tushunadimi? Instagramni biladimi? Telefondan bexabar oilada tug'ilgan ediku! Bular bahona, sabab emas.

Google'ga kirib, dinimni o'rganish uchun nima qilishim kerak deb yozsin. Kamida 2 ta kitobning rasmi chiqadi, olsin shu kitoblarni o'qisin.
Pul yo'qmi? Pdf variantini o'qisin.
Maruza eshitsin unda Shayx hazratning yoki boshqa domlalarning maruzalarini.

Hammasi bahona. Vaqt ham, pul ham, boshqasi ham.
Ota-onam qarshi deganlarning telefon tutishiga ham ota-onasi qarshi edi, yashirincha instagram ishlatib yurganlar yo'qmi?

Gap faqat diniy ilmda emas. Oila arafasidagilar oila ilmini, undan keyin homiladorlik, ota-onalik ilmlarini, tarbiyani o'rganishsin.

Nima uchun o'rganasiz? Ilmingiz bo'lsa, yashash osonroq bo'ladi. Farzingizning bir qismi ado bo'ladi.

Hozir hamma yerda ilm ol deb bong urilyapti. Instagramda 5 ta reelsdan bittasi shu haqida. Ta'sir qilmaydi. Yana aytamizki, "men bilmagandim". Sen bilarding, shunchaki bilishingni tan olging kelmasdi. Chunki, bilmagandim deyish amal qilolmadim deyishdan nafsga osonroq.

* Bintu Malik

#ahvol

Bog'chada hamma bolalar birdagina injiqlik qilib, bog'cha opani asabini buzsa, bir bola nimadir haq gapni aytib chiqsa.
Masalan, suv ichgim kelyapti, chanqadim
Haligi asabi o'zi shundog'am qo'zib turgan bog'cha opa o'sha bolakayni ayamay uradi. Nimaga uryapsan deng, sizni ham uradi.
U yerda bir-birini urib, yig'lab yotgan bolalar bor, bog'cha stulimi sindirgan bolalar bor, o'yinchoqni buzgan bolalar bor. Lekin suv ichgim kelyapti degani kaltak yeydi.
Ayovsiz urgach, xumoridan chiqqach, ancha asabi joyiga keladi. To'g'ri qildim deydi boshqa bolalarning qo'rqib jim bo'lganini ko'rganida.

"Bittasini shunday tanobini tortsam, boshqalari bundan keyin qo'rqib ishini qiladi. Chizgan chizig'imdan chiqmaydi" deydi.

Haligi urilgan bola "nima qildim ustoz, meni nega urdiz?" Desa, bog'cha opa uni betiga qaraydida "qilgan ishingdan pushaymonmisan?" Deydi. Yana urishidan qo'rqqan bola, ha pushaymonman, kechirasiz" deydi. Boshqa iloji ham yo'qda..

O'xshashi yo'q qushdirman, balki,
Balki, qabih chayondirman naq.
Yo isbotlang chayonligimni,
So'ng ayamay o'ldiring ezib.
Bila turib ziyonligimni
Befarq yurmang, tegramda kezib.
Tan oling yo - haqsanu, qo'zim,
Afsus, bizbop emassan faqat.
Orangizdan ketaman o'zim,
Malol kelsa sizga haqiqat ..

* Bintu Malik

#shaxsiy_fikr

Bizning millat avliyolar yetishtiradigan onalarni istaydi.

Qur'on kurslari to'lovi madrasa 1mlndan ziyod, onlayn tajvid kurslari 300-600ming desa, buni qimmat deyishadi. Hali yoshsan, erga tegib, 2-3 ta tug'ib keyin ham qur'on o'qishni o'rgansang bo'ladi deyishadi. Umraga borishga yoshsan, buving tengilar borishyapti endi, deyishadi.
Lekin bitta to'yga 200minglik makiyaj va 1-2 mlnlik ko'ylak uchun doim pul topiladi va bu narxlar qimmat tuyilmaydi. U ko'ylak 1marta kiyiladimi yo'qmi, javonda chang bosib yotadi.

Kitob o'qi, kitob o'qiganning dunyoqarashi oshadi deyishadi. Lekin, kitobga pul ber desa, 30-40 ming berib, yetadimi? Deyishadi. Kitob do'konga olib borib, 5-6 ta kitob tanlasang, hozir 1 tasini o'qiysanku baribir, o'shani ol, qolganini o'qib bo'lib olasan deyishadi. Ketidan yaxshigina kafega borib, 200-300 mingga (kamida) tushlik qilishadi.

Kitob olay desang, shuncha kitobing borku, avval hammasini o'qib bo'l deyishadi. Kiyim olay demasang ham, kiyim olib berishadi. Axir, shuncha kiyimim borku deysan.

Talab qilishadi, talablariga javob berishmaydi
Aytishadi, aytganlariga amal qilishmaydi.

Bu holatning o'zgarishidan umidim katta. Yangi kitobxon avlod qizlari farzandiga yaxshi tarbiya berishiga ishonaman. Bolasiga yoshligidan kitob o'qib beradigan, kitob desa kitob javonni to'ldiradigan, pulini ilmdan ayamaydigan ona bo'lishadi. Qizi hijobga kiraman desa qarshilik qilmaydigan, aksincha birga borib ro'mol tanlaydigan, kimdir hijobiga osilsa, qizining yonini oladigan ona bo'lishadi. Bolasini majburlab turmushga bermaydigan, tanlovini hurmat qiladigan, oila qurishdan avval oila mas'uliyatini o'rgatadigan ona bo'lishadi.

Millat kelajagi o'sha onalar qo'lida. Umid qilamanki, buni har bir balog'atga yetgan yosh qizlar anglashmoqda😊

*Bintu Malik

"Man shu ibodatni istayman. Tanam chidasa chidasin, jonim chidasa chidasin. Chidamasa chiqib ketaversin."

Degan ekanlar Hazratning otalari kuniga 120 rakat nafl namoz o'qisalar, doktorlar sizga mumkinmas deyishganida

Tarbiya onaga bog'liq, lekin ota unda yetakchi rol o'ynaydi. ✨