Peshonamga bitilgan malak,
Topolmayin bu jonim xalak,
Izlab yer va osmon-u falak,
Bir kun seni topaman sevgim.

Yoʻlim toʻsar sinovni ezib,
Taqdirimda borliging sezib,
Kerak boʻlsa, dunyoni kezib,
Bir kun seni topaman sevgim.

Dildan ishqda muzdayin erib,
Yoʻldan qizil lolalar terib,
Badal boʻlsa borimni berib,
Bir kun seni topaman sevgim.

Yozilgandir taqdir bu azal,
Sevdim deya yozib she'r gʻazal,
Seni izlash ham aslida goʻzal,
Bir kun seni topaman sevgim

Hali hanuz isming bilmayman,
Yuzing hatto tushda koʻrmayman,
Hech kimsaga oshkor qilmayman,
Bir kun seni topaman sevgim.

Alloh nasib etgani haqdir,
Yuzlashtirar bizlarni taqdir,
Bilmam qachon lek aniq naqddir,
Bir kun seni topaman sevgim.

Mendan qochib dunyo chopmasa,
Baxt arazlab, eshik yopmasa,
Umrim bavaqt poyon topmasa,
Bir kun seni topaman sevgim.

Soʻzlarimni yaxshi eshitgin!
Uchrashamiz albatta kutgin!
Unutma hech, yodingda tutgin!
Bir kun seni topaman sevgim.

@sevgi_haqida_sherlarimiz