Sanjar Xo‘ja

Turkiyaning Izmir viloyatidaman. Bekatda metro kutib o‘tirgandim. Bekatdagi o‘rindiqlar deyarli to‘la edi. Shu vaqt qariya ayol sekin yurib keldi. Menga yaqinlashganda, "keling, o‘tiring" deb joy bo‘shatdim. "Rahmat, bolam. Nariroqda bo‘sh joy bor ekan. O‘sha yerga o‘tiraman" dedi.

Bu voqeani shu yerda tugatsam, "Nima qilibdi, shunga shunchami? Oddiy hol-ku" deysiz.

Men o‘rindiqqa qayta joylashdim. Yonimda o‘tirgan yoshi katta ayol ko‘zi porlab menga dedi: "Yaxshiyam borsan! Yaxshiyam shundaysan!"

Yoshlarimiz ancha odobli. Shuning uchun bu hol sizga oddiy ko‘ringan. Bunday munosabatni ko‘rishga zor qancha-qancha dunyoda yoshi kattalar bor. Oldingizdan oqqan suvni qadri bo‘lsin. Yoshlarning izzatini bilib, qadrlaylik!

@sanjar_xoja

13-14 yoshda sinfdoshlar bilan tarovehga borardik. Ba'zan Katta Qa'ni masjidiga, ba'zan Cho‘pon ota masjidiga. Cho‘pon ota masjidi imomi namozda oyatlarni juda tez o‘qirdi. Sinfdoshlar bilan uni "Remiks domla" deb atardik.

Har to‘rt rakat tugaganda jamoatdan bir kishi "subhanallazil mulki val malakut" deb boshlanadigan tasbehni aytardi. O‘sha bir kishi biz boʻlishga harakat qilardik. Ko‘pincha bu nasib qilardi. 13-14 yoshdagi o‘smirlarga. Butun masjid jamoati bizni eshitardi...

Bu voqea Rustam Inoyatov MXX raisi bo‘lgan davrda edi. Hozirgidek hech kim bizni to‘smagan. Masjid ichidan xodimlar bizni olib chiqib ketmagan.

Rustam Inoyatov vafoti haqidagi mish-mishga ko‘pchilik quvonyapti. Savol-da, u o‘ldi nima-yu o‘lmadi nima? Baribir mansabda emas-ku!

Undan tashqari Rustam Inoyatov shunday biznes imperiyani shakllantirib, shunday strategik shartnomalarga sherik bo‘lgan-ki, uni yetti avlodini xalq boqishda davom etadi. Masalan, yoshlarga o‘rnak qilib ko‘rsatilayotgan ba'zi biznesmenlar aslida Inoyatov imperiyasiga tegishli bizneslarning ish boshqaruvchisi.

Biz xohlaymiz-ki, kimdir o‘lsin, kimdir qahramonlik qilsin, kimdir bizni qutqarsin. Shu orqali hammasi zo‘r bo‘lsin. Biz qo‘limizni sovuq suvga ham urmaylik. Bu dunyo unday dunyo emas!

Bu dunyo qiyinchilik va kurashishdan iborat. Ibn Qoyyim shu gapni aytgan: "Agar bir odam kalima-i tavhidni aytib, keyin rohat-farog‘atda yashayman deb o‘ylasa, demak u kalima-i tavhid ma'nosini tushunmabdi".

Juma muborak!

@sanjar_xoja

Xitoyga nisbatan qo‘rquvning sababi nima?

Pismayib kirib kelayotgan xitoyliklar qilayotgan ishni shu yurtni, shu davlat egasi bo‘lgan xalqqa ruxsat berilmaydi.

Oddiy misol, xitoyliklar ruxsatsiz ommaviy tadbir o‘tkazdi. Shu ishni "Aktivist" yoki Aslan qilganda darrov yetib kelib to‘sishgandi.

Do‘kon peshtoqiga xitoyliklar bemalol o‘z alifbosida "jin-man" kabi bir nimalar yozyapti.

O‘zimizni tadbirkorlar lotin alifbosida yozgan, lug‘atimizda bo‘lgan nomlarni o‘zgartirishga majbur qilindi. So‘z asli arabcha, deb.

Turkiylarda davlatga nisbatan "ota" degan munosabat bo‘lgan. Shunday qaralsa, bir ota o‘zini bolasini urib, so‘kib, shilib, har ishiga shubha bilan qarab, har onda yomon gumonda bo‘lsa-yu, qo‘shnining bolasini erkalab, siylasa, qo‘rquv va nafrat uyg‘onishi tabiiy hol. Ham "ota"ga, ham qo‘shni bolaga!

@sanjar_xoja

Rasmdagi binoni Abdulhamidxon II sovgʻa qilgan. Oʻzini yonidagi ishonchli generaliga. Bugungi kunda sotuvga qoʻyilgan. Narxi 125 million doʻllar. Oʻzimizdagi "Shovvozsoy" saroyi qurilishiga esa bir milliard doʻllardan ortiq pul ketgan.

@sanjar_xoja