Sanitariya-epidemiologiya qo'mitasi | Vaksina oling!

📢 Эълон!

🗣 Оммавий ахборот воситалари вакилларини АОКАда бўлиб ўтадиган матбуот анжуманига таклиф этамиз!


⚫️Мавзу: Юқумли касалликларни олдини олиш мақсадида республикада олиб борилаётган ишлар вазифалар
⚫️Вақти: 12:00
⚫️Иштирок этади: Санитария-эпидемиологик осойишталик ва жамоат саломатлиги қўмитаси раҳбарияти

➡️ Матбуот анжуманига саволларни @Rasmiy_aloqabot га жўнатишингиз мумкин.

Санэпидқўмита
Ахборот хизмати

Telegram| Instagram| Facebook| YouTube

Virusli gepatit A kasalligi maktab yoki boshqa bolalar muassasalarida aniqlanganda quyidagi kompleks chora-tadbirlar amalga oshiriladi:

1. Zararsizlantirish ishlari

Virusli gepatit A kasalligi aniqlangan har bir holat bo‘yicha uyushgan muassasalarda va kasallik o‘choqlarida yakuniy zararsizlantirish tadbirlari muassasa xodimlari va dezinfeksiya bo‘limi mutaxassislari ishtirokida amalga oshiriladi.Bunda kasallik aniqlangan o'choqlarda,sinf va guruh xonalari, hojatxona va umumiy foydalaniladigan joylar, o‘rin oqliklar, idish-tovoqlar to‘liq dezinfeksiya qilinadi.

2. Maktabning karantinga yopilishi

Uyushgan muassasalarda bir inkubatsion davrda bir biriga bog‘liq bo‘lgan o‘choqlilik holatlarini yuzaga kelishida shart sharoitlar bo‘lsa, ya’ni sanitar gigiyenik tadbirlarpga rioya etilmasa, toza ichimlik suvi ta’minoti, zararsizlantiruvchi vositalar bilan to‘liq ta’minlanmagan bo‘lsa, shu muassasada kasallikni tarqalishi bilan bog‘liq epidemik xavf yuzaga kelsa, virusli gepatit "A" kasalligiga qarshi emlanmagan bolalar soni yuqori bo‘lib, jamoaviy immunitet shakllanmagan holatlarda Sanepidqo'mitaning hududiy bo'limlari qarori bilan vaqtincha karantinga yopilishi mumkin. Karantin muddati virusning inkubatsiya davri (28-35 kun), muassasada sanitariya qoidalariga amal qilish uchun sharoit tiklangunga qadar va epidemiologik xavf holatiga qarab belgilanadi.


3. Profilaktika va nazorat ishlari

Maktabda muloqotda bo‘lgan o‘quvchilar va pedagog xodimlar tibbiyot xodimlari tomonidan 35 kunlik tibbiy kuzatuvga olinadi.

Gepatit A virusining tarqalishini oldini olish borasida o'quvchilar, pedagog va boshqa xodimlarga shaxsiy gigiyena qoidalariga rioya qilish, sanitar-gigiyenik hamjda zararsizlantirish tadbirlariga amal etish  bo‘yicha tushuntirish ishlari olib boriladi.

Zarur hollarda emlash ishlari olib borilmagan o‘quvchilar va xodimlarga  emlash tadbirlari o‘tkazilishi tavsiya etiladi.
Qabul qilinadigan choralar Sanepidqo'mitaning hududiy bo'limlari tomonidan belgilanadi, muassasaning rahbariyati bunga mas'ulligi tushuntiriladi va muassasaning xavfsizligini ta'minlashga qaratiladi.

Sanepidqo‘mita
Axborot xizmati

Telegram| Instagram| Facebook| YouTube

🔤🔤🔤🔤🔤

Ta’lim muassasalarida ichimlik suviga qanday sanitariya talablari qo‘yilgan?

🏢Umumiy o‘rta, o‘rta maxsus, professional ta’lim muassasalarida o‘quvchilar ovqatlanishini tashkil etishning sanitariya qoidalari, normalari va gigiyena normativlari”da ichimlik rejimini ta’minlovchi tashkilotlarga talablar belgilangan.

🤓Unga ko‘ra, ta’lim muassasalarida o‘quvchilarning maxsus gigiyenik talablarga mos toza ichimlik suvi bilan ta’minlanishi ko‘zda tutilishi kerak.

📌Ta’lim muassasasidagi ichimlik rejimi quyidagi shakllarda tashkil etilishi kerak: stasionar suv ichish favvorachalari, idishlardagi kaynatilgan suv va qadoqlangan suv holatida.

⚠️O‘quvchilar ta’lim muassasasida qoladigan vaqt mobaynida suvdan foydalanish imkoniyatiga ega bo‘lishi lozim.

⚠️Stansionar ichimlik favvorachalari 10 sm.dan kam bo‘lmagan vertikal suv oqimi atrofida chegaralab turuvchi doiraning bo‘lishi ham ko‘zda tutilishi kerak.

📌Agar tashkilot idishdagi suv orqali ichimlik rejimini tashkil etsa, u yetarli miqdordagi toza idishlar, shuningdek, toza va ishlatilgan chinni yoki fayans idishlar uchun alohida patnislar bilan ta’minlangan bo‘lishi shart. Bir martalik idishlarni to‘plash uchun maxsus konteynerlar bo‘lishi kerak.

🏢Ta’lim muassasasiga keltiriladigan ichimlik suvning sifati va xavfsizligini kafolatlovchi hujjati bo‘lishi shart.

Sanepidqo‘mita
Axborot xizmati

Telegram| Instagram| Facebook| YouTube

Sanepidqo'mita: Maktabdagi epidemiologik vaziyat to'liq nazorat ostida

Shayxontohur tumanidagi maktab o‘quvchisida aniqlangan sil kasalligi bo‘yicha yuzaga kelayotgan epidemiologik vaziyat yuzasidan quyidagilarni ma’lum qiladi:

‼️O'tgan yilning 26-dekabrida Shayxontohur tumanida joylashgan umumta’lim maktabining 11-sinf o‘quvchisida sil kasalligi aniqlangan va shu kuni Shahar Bolalar ftiziatriya shifoxonasiga yotqizilgan. Bemor bilan muloqotda bo‘lgan 22 nafar o‘quvchi va maktabning 30 ta o‘qituvchisi joriy yilning 4-yanvaridan boshlab rentgenografiya, diaskin test tekshiruvlaridan o‘tgan. Kasallik aniqlangan o‘quvchi ambulator sharoitda davolanmoqda. Epidemiologik surishtiruv o'tkazish natijasida bemorning oila a'zolari ham tegishli tekshiruvlardan o‘tkazilib, kasallik aniqlanmagan.

🔹Sanepidqo'mita mutaxassislari tomonidan ushbu maktabda  epidemiologik o‘rganishlar olib borilishi natijasida maktabda sanitariya talablarining qo'pol ravishda buzilishi, sil kasalligi bilan kasallangan bemorni erta aniqlanmagani  va  o‘z vaqtida chora-tadbirlarni tashkil etilmaganligi hamda pedagoglarning davriy tibbiy ko‘rikdan o'tmaganligi ma'lum bo'ldi.

📝Aniqlangan kamchiliklar  yuzasidan ushbu maktab direktoriga ma’muriy bayonnoma rasmiylashtirildi.

Maktabda bemor bilan muloqotda bo‘lgan o‘quvchi va o‘qituvchilar maxsus tekshiruvdan o‘tkazildi hamda ular orasida kasallikni yuqtirib olganlar aniqlanmadi. Amaldagi tartibga ko'ra ular 6 oydan so'ng qayta tekshiruvdan o‘tkazilishi  rejalashtirilgan.

Shu o'rinda ortiqcha vahimaga o'rin yo'qligini, vaziyat nazorat ostida ekanligini eslatib o'tamiz.

Sanepidqo‘mita
Axborot xizmati

Telegram| Instagram| Facebook| YouTube

❓БИЛАСИЗМИ?

❗️Юқумли касаллик ҳақида ёлғон маълумот тарқатганлик учун жиноий жавобгарлик белгиланган

❇️ Президент томонидан имзоланган (ЎРҚ–613, 26.03.2020 й.) “Жиноят, Жиноят-процессуал кодексларига ҳамда Маъмурий жавобгарлик тўғрисидаги кодексга ўзгартиш ва қўшимчалар киритиш ҳақида”ги Қонунга мувофиқ, карантинли ва инсон учун хавфли бўлган бошқа юқумли касалликлар тарқалиши ҳақида аҳоли орасида асоссиз ваҳима тарқалишининг олдини олиш, жамоат хавфсизлигини таъминлаш ҳамда мутасадди идораларнинг нормал фаолият юритиши учун шароит яратиш мақсадида Жиноят кодекси 244-5-модда билан тўлдирилди.

✅ Унга кўра, карантинли ва инсон учун хавфли бўлган бошқа юқумли касалликларнинг пайдо бўлиши ҳамда тарқалиши шароитида карантинли ва инсон учун хавфли бўлган бошқа юқумли касалликлар тарқалиши ҳақида ҳақиқатга тўғри келмайдиган маълумотларни тарқатиш:

🔹 БҲМнинг 200 бараваригача (44 млн. 600 минг сўм) миқдорда жарима;

🔹300 соатгача мажбурий жамоат ишлари;

🔹 2 йилгача ахлоқ тузатиш ишлари билан жазоланади.

🔻 Мазкур маълумотларни нашр қилиш ёки бошқача усулда кўпайтирилган матнда ёки ОАВ, шунингдек, Интернет орқали тарқатиш:

🔹 БҲМнинг 200 бараваридан (44 млн. 600 минг сўмдан) 400 бараваригача (89 млн. 200 минг сўм) миқдорда жарима;

🔹 300 соатдан 360 соатгача мажбурий жамоат ишлари;

🔹 2 йилдан 3 йилгача ахлоқ тузатиш ишлари;

🔹 3 йилгача озодликни чеклаш;

🔹 3 йилгача озодликдан маҳрум қилиш билан жазоланади.

Тelegram| Instagram| Facebook| YouTube