SamDAQU │ Rasmiy kanal

“Shashlik time” musobaqasi o‘tkazildi
#21feb #Musobaqa

Mirzo Ulug‘bek nomidagi Samarqand davlat arxitektura-qurilish universitetida Talabalar dekanining yoshlar ishlari bo‘yicha o‘rinbosari Nazorbek Axmedov hamda Talabalar dekanati tyutorlari Ikrom Davurov, Surayyo Januzakova, Zoyir Umirzakov va Aziz Dehqonov tashabbusi bilan “Iqtisodiyot va boshqaruv” fakulteti talaba-yoshlari o‘rtasida “Shashlik time” musobaqasi tashkil etildi.

Mazkur tadbir milliy an’analarni davom ettirish, yoshlarning ota-bobolarimizdan meros bo‘lib qolgan boy qadriyatlarni asrab-avaylash maqsadida o‘tkazildi.

Musobaqa davomida fakultetning pazanda qizlari milliy taomlar tayyorlab, yigitlar esa qo‘lbola shashlik pishirish mahoratini namoyish etdilar. Hakamlar hay’ati uchun g‘oliblarni aniqlash oson bo‘lmadi.

Yakuniy natijalarga ko‘ra, barcha jamoalar g‘olib deb topildi!

G‘oliblar 21-mart – “Navro‘z” umumxalq bayramida universitet rahbariyati tomonidan diplom va esdalik sovg‘alar bilan taqdirlanadilar.

#SamDAQU #MilliyQadriyatlar #ShashlikTime


SamDAQU Axborot xizmati
@samdaqueduuz

“Milliy qadriyatlarimizni qadrlaymiz” mavzusida davra suhbati o‘tkazildi
#21feb #MilliyQadriyatlar

Mirzo Ulug‘bek nomidagi Samarqand davlat arxitektura-qurilish universitetida Xotin-qizlar maslahat kengashi tomonidan “Milliy qadriyatlarimizni qadrlaymiz” mavzusida davra suhbati o‘tkazildi.

Tadbirda universitet rektori Dr. Chidem Turkyilmaz ishtirok etib, milliy liboslar kuni talaba-qizlarning ijodiy qobiliyatlarini shakllantirishga hamda ish unumdorligini oshirishga xizmat qilishi haqida ta’kidladi.

Xotin-qizlar maslahat kengashi raisi, rektor maslahatchisi Adolat Ziyotova esa “Qizlarjon” klubi doirasida talaba qizlar uchun universitetga mos “dress code” yaratish loyihasi ish boshlaganini e’lon qildi hamda takliflar bildirildi.

Mazkur tadbir milliy qadriyatlarimizni targ‘ib qilish, talabalar o‘rtasida milliy liboslarga bo‘lgan qiziqishni oshirish va zamonaviy uslubda milliy kiyinish madaniyatini shakllantirishga xizmat qiladi.

#SamDAQU #MilliyLiboslarKuni #XotinQizlarFaoliyati


SamDAQU Axborot xizmati
@samdaqueduuz

“Kiber jinoyatlarga qarshi kurashish – dolzarb vazifa” mavzusida davra suhbati o‘tkazildi
#21feb #KiberXavfsizlik

Mirzo Ulug‘bek nomidagi Samarqand davlat arxitektura-qurilish universitetida Talabalar dekanati tashabbusi bilan “Kiber jinoyatlarga qarshi kurashish – dolzarb vazifa” mavzusida davra suhbati bo‘lib o‘tdi.

Tadbirda Samarqand shahar IIO Kiber jinoyatchilikka qarshi kurash bo‘limi xodimi Ulug‘bek Eshonqulov hamda SamDAQU profilaktika inspektori Temur Karimov ishtirok etdilar.

Davra suhbati davomida Qurilish fakulteti talaba-yoshlari uchun kiber jinoyatchilikning sodir etilish usullari, uning oqibatlari va oldini olish choralari haqida batafsil ma’lumot berildi. Shu bilan birga, kiber jinoyatlarga qarshi samarali kurashish usullari yuzasidan tushunchalar taqdim etildi.

Mazkur tadbir talabalarning raqamli xavfsizlik bo‘yicha xabardorligini oshirish va internet muhitida ehtiyotkorlik bilan harakat qilish ko‘nikmalarini shakllantirishga xizmat qiladi.

#SamDAQU #KiberXavfsizlik #KiberJinoyatchilikkaQarshiKurash


SamDAQU Axborot xizmati
@samdaqueduuz

Darslar milliy ruhda o‘tmoqda
#21feb #MilliyQadriyatlar

Mirzo Ulug‘bek nomidagi Samarqand davlat arxitektura-qurilish universitetida har juma kuni Milliy liboslar kuni deb belgilangan bo‘lib, ushbu tashabbus talabalarda milliy qadriyatlarga bo‘lgan hurmatni oshirish, vatanparvarlik tuyg‘usini shakllantirish va milliy mentalitetimizga xos fazilatlarni singdirish maqsadida amalga oshirilmoqda.

Dars jarayonlari ham milliy ruhda o‘tib, talabalar va professor-o‘qituvchilar milliy liboslarda ishtirok etmoqda. Ushbu tashabbus milliy an’analarimizni targ‘ib qilish va yoshlar ongida o‘zligimizni mustahkamlashga xizmat qiladi.

#SamDAQU #MilliyQadriyatlar #Vatanparvarlik


SamDAQU Axborot xizmati
@samdaqueduuz