Samandarxoʻja Yoʻldoshxoʻjayev | Shaxsiy blog

🌓15-15

1. Dastlab ustimdan kulishdi, endi qanday qilganimni soʻrashyapti.

2. Dastlab soʻrasam berishmadi, endi oʻzlari so'rashyapti.

3. Dastlab gapirib yer bilan bitta qilib yuborishdi, endi gaplashgilari kelyapti.

4. Dastlab yuragimni berdim, olishmadi. Endi, oʻzlarinikini qoʻlimga tutqazishib qoʻyishyapti.

5. Dastlab "oʻxshamaydi" deyishdi, endi "qanday o'xshatganim" haqida soʻrashyapti.

6. Dastlab "qanday qilaman" deb soʻradim, endi "qanday qilding" deb soʻrashyapti.

7. Dastlab iltimos qildim oʻrgatishmadi, endi o'rgatishimni soʻrab yozishyapti.

Alloh taolo beryapti, biz sababini qilyapmiz. Alhamdulillah.

P.S: Bu yerda kibr yoki maqtanish haqida gap ketgani yoʻq. Shunchaki, dastlabki bosqichdagi insonlar uchun keyingi bosqich borligini eslatmoqchiman, nasib qilsa!

🐜 @samandarxojasblog

💅 Qani edi, ertaroq bilsam

1. Bek Aka butun tibbiyot segmentiga "Germaniya - orzular mamlakati" propagandasini yoymoqda. Kimdirlar nemis tili oʻrganyapti.

2. Hamma ustozlar ingliz tili oʻrganish kerak ekanligini, IELTS olish shart deb mazgini tirayapti. Kimdirlar ingliz tili oʻrganyapti.

3. Duxtr akalar faqat amaliyot qilish orqali yaxshi duxtr boʻla olasan deb har kuni "qon" qilyapti. Kimdirlar amaliyot qilyapti.

4. Katta kurs akalar fundamental fanlarni qattiq oʻqish kerak ekan deb 2 yildan beri aytib kelyapti. Kimdirlar fiziologiya, biokimyo oʻrganib yuribdi.

5. Shustri akalar "spakoyna yuraver oldinga 4 ta aqllini olasan, soqani qilasan" deb dalda berishyapti. Kimdirlar spakoyna yuribdi.

6. Boshlovchi Turob esa: zakovatlarga qatnash, ustozlarni koʻziga "qaymoqday" koʻrin va olimpiyadalarga bor deb provaktasiya qilyapti. Kimdirlar olimpiadist boʻlib yuribdi.

7. Talaba ona qizlarga: tezroq turmushga chiqinglar. Maza. Hamma narsaga ulgirasizlar ekan deb jar solyapti. Kimdir yaxshisini axtarib, topib. Kelin koʻylak qidirib yuribdi.

Xulosa:

1. Hech qanday ideal yoʻl yoʻq.
2. Ummat umri "60-70" yosh orasida, kamimiz bu yoshdan oʻtamiz.
3. Hayot faqat oʻqish - ishlashdan iborat emas.
4. Ota-ona zalatoy, qolganlar 2 tiyin.
5. Hammaga ergashaverma.
6. Koʻz bilan koʻrganlaring "paygʻambar" emas.
7. Yoʻl keng ustozing ham sigʻadi, sen ham sig'asan.
8. Yaxshi qiz/yigitlar juda koʻp. Qiz yoʻq deb mazgi tirama.
9. Hammani oʻzinga yaqin olma.
10. Ota-ona zalatoy, qolganlar 2 tiyin.

P.S: Iltimos, kechiktirma. Oʻlib qolishimiz bor. Kasalxonada biz tengqurlar ham oʻlyapti. Faqat qarilar vafot etmas ekan. Shoshil.

🦂@samandarxojasblog

Bir kam dunyo

1. Farzandi ancha baquvvat, sogʻlom katta boʻlayotgan onani koʻrdim. Lekin, ona oʻzini ancha oldirib qoʻygan, nimjon edi. Bir kam dunyo.

2. Dunyo uni ortidan quvar, yegani oldida-yemagani ketida insonlarni koʻrdim. Ammo, farzandlari tarbiyasi buzilib ketgan yoki kasalmand edi. Bir kam dunyo.

3. Ilmi juda kuchli, talantli va Oʻzbekistondagi "sanoqli" insonlarni koʻrdim. Lekin, oʻzini koʻrsatib bera olmas, hali ham 8 soat ishlab yurar edi. Bir kam dunyo.

4. Ancha oʻzini bosib olgan, ilmli va soliha ayollarni koʻrdim. Ammo, eri uni tushunmas, qachon ayoli dindan gapirsa, eri: hayotga bir marta kelaman der edi. Bir kam dunyo.

5. Oʻqib ilmni "yorvoradigan" qizlar, bolalarni koʻrdim. Ammo, uyidagilari kelajakni 4 ta novvos boqib qurmoqchi edi. Bir kam dunyo.

6. Avval yaxshilab oʻqib olay, keyin katta-katta pul topib ota-onamni hursand qilaman deganlarni koʻrdim.

Ammo, koʻp emas 5 yil oʻtib, ona parhezda: yogʼli narsa yeya olmas, ota infarkt boʻlib haj tugul, koʻchaga chiqishga holi yoʻq edi. Bir kam dunyo.

🎯 Kanal linki: @samandarxojasblog
🎯 Aʼloqa bot linki: @SamandarxojasBot