#background
Bir kitob muqovasining tarixi )) 🕶🕯
«Islomda oila» kitobi 2021-yilda sotuvga chiqgan, lekin bir muddatdan keyin sotuv to‘xtatilgan. Mana endi u yana yangi ko‘rinishda sotuvga chiqishga ulgurdi. Yangi dizaynini
o‘zim tayyorladim 😌
Biz kitobni ikki xil ko‘rinishda sotuvga chiqarmoqchi edik:1️⃣
Premium ko‘rinish — qattiq muqovada, asosan hadyalar uchun mo‘ljallangan.
2️⃣
O‘rta narx segmenti uchun ko‘rinish — yumshoq muqovada, doimiy sotuvga mos.
Rasmdagi 1 va 2 premium ko‘rinishga ega, 3, 4 va 5 esa o‘rta segment uchun mo‘ljallangan.
Premium segmentdagi muqovalar minimalistik yondashuvda yaratilgan. Ahamiyat bersangiz, ortiqcha detallarsiz, nafis naqshlar va qimmat ranglar bilan ochib berilgan. Bu ko‘rinishda nafislik va yuqori sifatni aks ettirishga harakat qildim.
O‘rta narx segmenti uchun dizaynlarda biroz kreativlik qo‘shdim 🙃
Uchinchi ko‘rinishdagi gullar va ularning ranglari oiladagi turli xil muammolarni va xilma-xillikni ifodalaydi. Ba’zan oila gullab-yashnasa, ba’zan qiyinchiliklarni yengish uchun vaqt ta'lab qiladi.
To‘rtinchi ko‘rinish esa, kitobning mazmuniga e’tibor qaratadi. Unda kitob ichidagi mavzularni muqova orqali kreativ tarzda joylashtirdim.
Va nihoyat
beshinchi muqova esa, yoqimli ranglar va o‘rta segmentga mos uyg‘unlik bilan yaratilgan. Bu dizaynda kitob mavzusini to‘liq va to'g'ridan - to'g'ri ochib berishga harakat qildim.
Ammo, sharoit shunday bo‘ldiki, premium kalit ko‘rinishi yumshoq va qattiq muqovalarda chop etiladigan bo‘lib qoldi. Barcha yaratgan dizaynlarim ko‘chada qolib ketmasin deya, bu loyihamni sizlar bilan bo‘lishishni istadim 🙂
@risolassblog
