Turing, sud kelmoqda, tartibga keling,
So‘zlamang, jim bo‘ling ko‘tarmang shovqin.
O‘tiring, bemaʼni savollar bermang,
Zalda sukut,
Dilda xayollar shoshqin.
Jarayon o‘qilar, hamma boshi xam,
Qoralovchi turar chinordek og‘ir.
Panchara ortida gunohkor turar,
Aybidan vujudin titratib dir-dir...
Mushtin do‘laytirar, po‘pisa qilar,
Qilmishlari ko‘hi qofdek muhtasham.
Aybing baxtsizliging, ayblanuvchi, tur!
Sengga hukm tayin, berdisin aytsam!
So‘ng minbarga chiqar oqlovchi asta,
Ayblanuvchi qora, oqlansin, hakam!
Uning bitta aybi bebaxt hayotga
Taqlidan yashadi, so‘ng bo‘ldi mulzam!
Sud maslahat uchun chiqib ketgan on,
Ayblanuvchi arang olardi nafas.
Sud zali o‘zidek nafasi tushgan,
O‘zidek titrardi u turgan qafas.
Turing, Sud kelmoqda,
Hayajon,
Qo‘rquv...
Sud tomon boqadi bemajol dilxun.
Bolg‘a sasidan so‘ng yangraydi zalda,
ʼʼBaxtli yashamoqqa qilindi mahkumʼʼ
Turing, sud kelmoqda!!!
@boychechak_ifori
