Қорақалпоғистон Республикаси прокурорининг ўринбосари Ш.Мухаматов ва соҳага маъсул ходимлар томонидан жойларда “Камбағалликдан фаровонлик сари” дастури доирасида амалга оширалаётган ишлар аҳволи ўрганилди.

Хусусан, Қўнғирот ва Мўйноқ туманларида бўлиб, туманларда истиқомат қилаётган ижтимоий ёрдамга муҳтож хонадонларга борилиб, уларнинг турмуш тарзи билан танишилди ҳамда «Камбағал оилалар учун еттита имконият ва масъулият» тамойилига кўра уларнинг даромад манбаи, тиббий хизматидан фойдаланиш, вояга етмаган фарзандларининг таълим олиш жараёнларидаги иштироки, касбга ўқитиш ишларини ташкиллаштириш бўйича масъулларга кўрсатмалар берилди.

Шунингдек, “Камбағалликдан фаровонлик сари” дастури доирасида ташкил этилган штаблар фаолияти танқидий ўрганилиб, аниқланган камчиликларни бартараф этиш, ишсизларни манзилли аниқлаш ва уларнинг ҳисобини тўғри юритиш, оилаларни камбағаллик реестридан чиқаришда қонунийликни таъминлаш бўйича аниқ топшириқлар берилди.

Бу борадаги ишлар Республика прокуратураси томонидан изчил давом этмоқда.