Qo‘shtepa tumani axborot-kutubxona markazi|

@qoshtepa_akm

Гео и язык канала: Узбекистан, Узбекский

Категория: Книги

📚 Qo‘shtepa tumani axborot-kutubxona markazining rasmiy kanali© 📚
📘Yangi kitoblar
📜Badiiy asarlar
🌐 Yangiliklar
Sizlarga kitob kerak bo‘lib qoldimi yoki savollaringiz bormi, unda marhamat @Qoshtepa_library_bot ga murojaat qiling
Tel:+99855-802-02-82

Связанные каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Qo‘shtepa tumani axborot-kutubxona markazi|

5 Mar, 13:43

#Onajonlar_bayrami
#togarak_mashguloti

Qo‘shtepa tumani axborot-kutubxona markazining o‘quv zalida navbatdagi "Yosh musavvir" to‘garagi mashg‘uloti bo‘lib o‘tdi.

Ushbu mahg‘ulot davomida yosh musavvirlar o‘rtasida Xalqaro xotin-qizlar bayrami 8-mart bayrami munosabati bilan "Onajonim-mehribon" mavzusida rasmlar tanlovi tashkil etildi.

39 0 1

Qo‘shtepa tumani axborot-kutubxona markazi|

5 Mar, 09:34

#jarayon

Ayni damda Alisher Navoiy nomidagi O'zbekiston Milliy kutubxonasi tomonidan tashkil etilgan "Adabiyotlarni qisqa baholash" metodik qo'llanmasi muhokamasiga bag'ishlangan mashg'ulot ò'tkazilmoqda.

Qo'shtepa tuman axborot-kutubxona markazi xodimlari ham ushbu mashg'ulotda zoom platformasida onlayn tarzda qatnashmoqdalar.

47 1 0

Qo‘shtepa tumani axborot-kutubxona markazi|

5 Mar, 07:42

#Qoshtepa_ilhomlari
O‘lkashunoslik

Onamga

Sizni so‘zlab tolmagay tilim,
Kulgingizga jo‘r bo‘lar samo.
Yuzingizga termulsam uzoq
To‘lib ketgay o‘pkamga havo.

Uzoqlashib qolsangiz agar
Jismim go‘yo bo‘lar chalajon.
Qo‘lingizni tutgan chog‘imda
O‘z tanimga sig‘mas hayajon.

Yoningizda bir on o‘ltirsam
Tirikligin his etar yurak.
Poyingizga to‘shasam baxtni
Yaproq yozar bahorgi kurtak.

Kaftlaringiz ko‘zimga surtay
Shukur aytay, aytay kalomlar,
Jannatlarni kutmayman ona,
Jannatdaman allaqachonlar.

📚“Baxt uchqunlari” kitobidan
✍️Iroda A’zamjonova

56 1 1

Qo‘shtepa tumani axborot-kutubxona markazi|

5 Mar, 07:26

Usta va Margarita📚
Bulgakov✍

Har bir ardoqli, sevib oʻqiladigan yozuvchi, qaysidir asarida albatta jamiyat, insonlar va ularning munosabatlari, tuzumlar, imperiyalar haqida yozadi. Bulgakovni "Usta va Margarita"si ham aynan shunday holatlar ustidan kuladi. Asarda bevosita shayton deb taʼriflanuvchi obraz boʻlsada, asar bevosita ezgulik, insoniylik va muhabbatni tarannum etadi. Kitob ikkita yozuvchining Iso a.s haqidagi suhbatidan boshlanadi. Ulardan biri Iso a.s boʻlmaganligi, va uni qoralab maqola chop etishmoqchi edi. Ularning suhbatiga uchinchi shaxs , shayton kelib qoʻshiladi. U Isoning mavjud boʻlganligini, ulardan birini birozdan keyin oʻlishi bilan isbot qiladi.

Men bu yerdagi shayton obrazini oʻsha jamiyat uchun jazo deb oʻyladim. Hamda insonlarning manfur ilatlari bilan ularni yuziga tushuruvchi, gʻaroyib obraz. Bulgakov realist emasdi, u ikki ming yil oldingi voqealarni oʻz davri voqealari bilan bogʻlashi kuchli fantast ekanligidan dalolat beradi.

54 1 0

Qo‘shtepa tumani axborot-kutubxona markazi|

4 Mar, 14:17

#Inson_huquqlari
#davra_suhbati
#adabiyotlar_targiboti

Qo‘shtepa tumani axborot-kutubxona markazi xodimlari tomonidan tumandagi Maktabgacha va maktab taʼlimi bo‘limiga qarashli 24-umumtaʼlim maktabi pedagoglari o‘rtasida "O‘zbekiston Respublikasida Inson huquqlari sohasidagi Milliy taʼlim dasturini tasdiqlash to‘g‘risida"gi PQ-46-son Qarorida belgilangan vazifalar ijrosini taʼminlash maqsadida "Inson huquqlari haqida nimalarni bilasiz" mavzusida davra suhbati hamda adabiyotlar targ‘iboti olib borildi.

57 1 1

Qo‘shtepa tumani axborot-kutubxona markazi|

4 Mar, 13:49

#tuman_tarixi O‘lkashunoslik

Ushbu qabr egasi haqida turli qarashlar mavjud. Marg‘ilon hokimi (begi) Valixon to‘ra topshirig‘i bilan bog‘ yaratilgan. Bog‘bon, Andijondan tariqat elchisi sifatida muzofotimizga kelgan Holbek eshonga tegishli ekanligi aytiladi. Valixon to‘raning vasiqalaridan birida Holbek va uning ukasi Odilbek Haydarbek o‘g‘illariga tegishli Langar muzafotida er maydonlari borligi ko‘rsatilgan. Bulardan ko‘rinadiki eshon buva bilan bog‘liq voqelik XVIII asr oxirida
sodir bo‘lgan. Ayrimlar ul zoti sharif haj safari chog‘i Qizil dengiz bo‘yida xalok bo‘lgan desalar, ba'zilar Yakkatut qishlog‘ida tug‘ilganligi uchun uning qabri Yakkatutda bo‘lsa kerak deyishadi. Shu kabi Marg‘ilondagi xonaqoh masjidida Karim hazrat qo‘lida ta'lim olgan, “Qatag‘on” mahallasida imomlik qilayotgan chog‘ida “Bohabar” masjidiga olib kelingan mulla Usmon domla pochcha (asli Usmonali Ahmedov (1893-1983)ga tegishli deyishadi. Qizig‘i shundaki,
Toshloq tumani “Birlik” MFYga qarashli mahallani “Bexabar” atalishida mazkur qishloqlar bilan qandaydir bog‘liqlik jihati borga o‘xshaydi.
Tohir Usmonov, Maxbuba Xoshimova.

55 1 1

Qo‘shtepa tumani axborot-kutubxona markazi|

4 Mar, 13:45

#tuman_tarixi O‘lkashunoslik

Tumanimizning Bohabar qishlog‘idagi ushbu qabr XVIII asrga oid bo‘lib, u mahad (qabr) kimga tegishli ekanligi quyidagicha faraz qilinadi: undan biri Valixon to‘ra topshirig‘i bilan bog‘ yaratgan Xolbek eshon buvo yoki Marg‘ilondan kelib imomlik qilgan Usmon domla pochcha, asli Usmonali Ahmedov (1893-1983)ga tegishli ekanligi hozircha bizga ma’lum. Bu haqda tadqiqotlar davom etmoqda.

Tohir Usmonov, Maxbuba Xoshimova.

56 1 1

Qo‘shtepa tumani axborot-kutubxona markazi|

4 Mar, 08:50

#inson_huquqlari
#kitob_korgazmasi

Qo‘shtepa tumani axborot-kutubxona markazida kitobxonlar uchun "Inson huquqlari, shaʼni va qadr-qimmati davlat himoyasida" mavzusida kitob ko‘rgazmasi tashkil etildi.

57 1 0

Qo‘shtepa tumani axborot-kutubxona markazi|

4 Mar, 08:45

#Tuman_tarixi
O'lkashunoslik

Qo‘shtepa tumanidagi noyob obida

Istiqlol MFY guzarida savlat solib turgan sharqona tusdagi ko‘rkam choyxona 1983 yili foydalanishga topshirgan bo‘lib, hozirda “Sharqona” marosimlar maskani va “Naqsh” oshxonasi sifatida foydalanilmoqda. O‘z davrida Respublikamizning noyob obidalaridan biri bo‘lgan ushbu choyxonani Qo‘qonlik xalq rassomi, yog‘ochga naqsh tushuruvchi xalq ustasi Qodirjon ota Haydarov va Abdug‘ani Abdullayev o‘z shogirdlari bilan noyob naqshlar bilan bezagan.

Ushbu arxitektura yodgorligi bezagida o‘zbek milliy bunyodkorligining turli usullaridan foydalanilgan. Katta zalining maydoni 300 M2 dan iborat. Naqshli to‘sinlar va 6 ta bir biriga o‘xshamagan hovuzdan iborat bo‘lgan shifti vassa juftlardan ishlangan. Ayvonning oldi tomonidagi o‘yma bezakli ustunlar binoga ko‘tarinki ruh va joziba bag‘ishlaydi. Devorlari naqshinkor bezaklar bilan hashamatli va ko‘rkamlashgan.

Manba muallifi Tohirjon Usmonov

56 1 0

Qo‘shtepa tumani axborot-kutubxona markazi|

4 Mar, 07:23

Uchtagina kitobi boʻlsa-da, kutubxonangiz boʻlsin. Ana shunda dunyodagi jaholatdan bir qismini olib tashlashga oz boʻlsa-da hissangiz qoʻshilgan boʻladi!

Abdulqodir Samarqandiy✍

62 1 0

Qo‘shtepa tumani axborot-kutubxona markazi|

3 Mar, 07:58

#Kitob_haqida

Kitob – axborotlarni gʻoya, obraz va bilimlarni saqlash hamda tarqatish, ijtimoiy-siyosiy, ilmiy, estetik qarashlarni shakllantirish vositasi; bilimlar targʻiboti va tarbiya quroli; badiiy, ilmiy asar, ijtimoiy adabiyot. Xalqaro statistikada YUNESKO tavsiyasiga koʻra, hajmi 48 sahifadan kam boʻlmagan, taboqlab tikilgan nodavriy nashrni, shartli ravishda, Kitob. deyish qabul qilingan.

71 1 1

Qo‘shtepa tumani axborot-kutubxona markazi|

3 Mar, 07:27

#iqtibos....

Shopengauer bir xatida: «Agar kitob bo'lmaganida, men bu dunyodan allaqachon ketgan bo'lardim», deb yozgandi. Uning kutubxonasi boy emasdi. Bor-yo'g'i 1375 dona kitob bor edi. U ana shu kitoblarni o'qib, dunyoning eng ulug' faylasuflaridan biri bo'lib yetishgandi. Biroq u kitob o'qib, kitobdan iqtibos qilib, kitobiy fikrlaydigan faylasuf olimlarni yoqtirmasdi, ularni faylasuf deb bilmasdi. Shuning uchun u falsafada tafakkur tarzini birinchi o'ringa qo'yardi. Uning qarashlari kitobiylikdan xoli hol-da tafakkur mahsuli sifatida dunyoga kelgandi. Shu sababli ham Shopengauerning fikrlash tarzi va ifoda usullari falsafiy usuldan ko'ra ko'proq adabiyotga, obrazli fikrlashga, ijodiy jo'shqinlikka, hissiy taassurotlarga yaqin turadi. Ko'pgina adiblar uning asar-larini adabiy hodisa sifatida talqin qiladilar.

Kitob bandasi 📚

70 1 0