Birburchak

#finished

Bu kitob shu kungacha oʻqiganlarimdan butunlay boshqacha ta’sir qildi menga. Odatda kitoblar bizni butunlay yangi olamlarni kashf qilishga undaydi, tasavvurimiz, xayolot dunyomiz kengayadi. Oʻzimizni tarixda, kelajakda yoki ulkan tuygʻular ichida his qilamiz. "Ozor berma" esa meni 2 karra real hayotga qaytardi.

Nimaga 2 karra? Men haqiqatda qarshimda ko'rib turgan, eshitayotgan, gapirayotgan narsalarim miyamdagi ingichka tolachalarning harakati xolos. Tasavvurimdagi katta olam, maqsad, rejalarim, qizimga bo'lgan chegarasiz mehrim, hatto eng kichik harakatim ham mana shu ingichka tolalarga bog'liq. O'lim va hayot o'rtasida turgan juda kichik bog'ichlarga.

"Ozor berma" kitobi o'quvchini britaniyalik mashhur neyrojarroh Henri Marshning murakkab operatsiyalariga olib kiradi. Bir necha millimetrlik juda kichik xato ham bemorning taqdirini butunlay o'zgartirib yuborishi, umrbod falaj, ko'r yoki o'limga mahkum qilishi mumkin.

Muallif aslida jarroh bo'lishiga qaramay o'z amaliyotlarini sodda, o'quvchiga tushunarli hikoya qilib beradi. Meni kitob bilan qattiq bog'lab qo'ygan narsa esa avvalo muallifning samimiyligi bo'ldi.

Kitobda miyamiz bilan bog'liq turli kasalliklar, ularning operatsiya jarayoni, oqibatlari bilan birga bemor va uning yaqinlari bu paytda nimalarni his qilishi, shifokor ular bilan qanday munosabat qilishi kerakligi haqida ham ko'p narsa o'rganasiz.

Henri Marsh bemorlari va operatsiyalari haqida hikoya qilar ekan, o'z xatolarini ham tan oladi. Jarroh sifatida xatolari bilan yashashning qiyin tomonlari, o'ziga bo'lgan ishonchsizlik keyingi operatsiyalarga qanday ta'sir qilishi haqida ham yozadi. Bunday tushkun kayfiyatning oilaviy munosabatlarga qanday ta'sir ko'rsatishini ham o'zi misolida ochiq aytadi.

Rosti, bu kitob haqida soatlab gaplashish, muhokama qilish mumkin. Ammo hech bir qarash o'zingiz o'qib ko'rganingizga yetmaydi. Tibbiyotga qiziqmaydigan o'quvchilar ham hech ikkilanmay "Ozor berma"ni boshlayvering. O'zingiz uchun juda muhim xulosalar olishingizga aminman.

➡️@qora_yigit

Foydali tanlov!💥

4 nafar gʻolibning har biri AKS toʻplamidagi 3 tadan kitobni yutib olishi mumkin.

Shartlar: AKS toʻplami haqidagi videoni tomosha qilasiz: ➡️https://youtu.be/jyz6Xm_xa7k

va quyidagi ikkita savolga YouTubedagi video izohiga javob yozasiz:

1. Alisher Fayzullayevning videoda aytilgan qaysi hikoyasi sizda qiziqish uygʻotdi va nima uchun?

2. Tillanisoning “Shakl” romani haqida videodagi fikrlar sizda qanday tasavvur paydo qildi?

Javoblaringizni Screen qilib shu post izohiga tashlaysiz. Men sizga raqam beraman. Gʻoliblar 4 nafar boʻladi. 2 sini random tanlaydi, 2 gʻolibni esa izoh mazmuniga qarab oʻzim tanlayman.

‼️MUHIM: YouTube kanalga obuna boʻlishingiz va videoga layk bosgan boʻlishingiz shart. Shunda shartlarni toʻliq bajargan boʻlasiz. Shartlarni toʻliq bajarmasangiz gʻolibligingiz bekor qilinadi. Gʻoliblarni yakshanba oqshomida aniqlaymiz.

Ham AKS toʻplamidan 3 ta kitob yutib olasiz, ham foydali videoni tomosha qilasiz! Hammaga omad tilayman.

➡️@qora_yigit

Yana kim bu fikrga qoʻshiladi?

Qoʻrqmanglar, aytaveringlar.
Qoramanmi a? Qaramanmi? Dezdemona, aaaayt? — deydi-ku Shekspirning mashhur asarida 🙂

➡️@qora_yigit

Bir yil avval mart oyidan boshlab kitob oʻqishni doimiy odatda aylantira boshlagandim. Mana bir yil oʻtib sarhisob qilganimda yil davomida oʻqigan kitoblarim soni 108 taga yetganini bildim. Shu haqida esdalik uchun video olib qoʻyishni istadim.

▶️Qiziq boʻlsa, Youtubeda tomosha qilishingiz mumkin: https://youtu.be/btZm1iUyM7g

Mening kasbim aslida kitoblardan ancha uzoqdagi bir ish. Operator va montajchiman. Lekin kitob oʻqishni judayam yaxshi koʻraman. Bu videodan yoki postdan maqsadim maqtanish emas. Koʻproq dam olish uchun oʻqiyman. Kitoblarning yelkasiga juda katta majburiyatlarni yuklamasdan shunchaki oʻqiyman. Albatta, bundan yaxshigina ma’naviy foyda ham olaman.

📌Quyida esa bir yil mobaynida oʻqigan kitoblarim va ular uchun bildirgan arzir, arzimas fikrlarim:

🌷Mart - 7 ta kitob

🌷Aprel - 10 ta kitob

🌷May - 9 ta kitob

🌷Iyun - 11 ta kitob

🌷Iyul - 11 ta kitob

🌷Avgust - 10 ta kitob

🌷Sentabr - 9 ta kitob

🌷Oktabr - 8 ta kitob

🌷Noyabr - 9 ta kitob

🌷Dekabr - 9 ta kitob

🌷Yanvar - 9 ta kitob

🌷Fevral - 9 ta kitob

👉Videoni tomosha qilishni, izohlar yozib fikringizni bildirishni unutman. Qoʻllab-quvvatlaganingiz va men bilan boʻlganingiz uchun rahmat 😇

➡️@qora_yigit

Turk tilini oʻrganib, yangi kitoblarni oʻqimoqchi yoki filmlarni koʻrmoqchimisiz? Yoki turk tilidan milliy va xalqaro til sertifikatini olib, magistratura, doktoranturada oʻqishni davom ettirmoqchimisiz?

Unda @salimov_blogi onlayn Turk tili kursiga taklif qiladi.

Darslar haftada uch kun, soat 20:00 da video yoki audiochat shaklida boʻladi. Dars davomiyligi bir soat. Yakshanba kunlari konuşma (gaplashish) darslari boʻladi.

Kurs narxi 300 ming soʻm.
Butun kurs davomiyligi 3-4 oy.

Batafsil maʼlumot uchun: https://t.me/turkcha_bilamizmi/276

Kursga yozilish uchun @Shaxnoza_filolog profiliga murojaat qiling.

Menda hozir AKSdan 2 toʻplam (ya’ni 12ta kitob) bor. Shuni toʻplam holida 2 kishiga 6 tadan berganim yaxshimi yoki 3 tadan 4 kishigami?

🔥 – toʻplam holida, 6 tadan ikki kishiga

❤️‍🔥 – 3 tadan 4 kishiga berganimiz yaxshi

Reaksiyalarga qarab bugun bir tanlov boshlavoramiz. Qaniy, oʻz fikringizni demokratik usulda bayon qiling 😁

➡️@qora_yigit

#finished

Bir uyda yonma-yon va bir-biriga begona sifatida yashash daxshatli holat.

“Kuyujaklik Yusuf” Sabohiddin Alining eng kuchli asarlaridan biri hisoblanadi. Garchi “Moʻyna mantoli madonna” yoki “Ichimizdagi shayton” asarlari kabi mashhurlikka erishmagan boʻlsa-da. Turk adabiyotiga, oʻquvchi va keyingi yetishib chiqqan yozuvchilarga ta’siri hamda turk millati ruhiyati kuchli ochib berishiga koʻra soha mutaxasislari tomonidan TOP 10 talikda turadigan asar hisoblanarkan Sabohiddin Alining “Kuyujaklik Yusuf”i.

Roman bosh qahramoni Yusufning bolalik chog‘idan boshlab hayoti hikoya qilinadi. U o‘z oilasini bolaligida qaroqchilar hujumida yo‘qotadi. Shundan so‘ng, u shahar hokimi Salohiddin Bey tomonidan asrab olinadi va yangi oilada o‘sib ulg‘ayadi. Yusuf tabiatan jiddiy, kamgap va kuchli xarakterga ega yigit bo‘lib shakllanadi.

U ulgʻayib borarkan Salohiddin Beyning qizi Muazzamni sevib qoladi. Ammo Yusufning yangi oilasida va jamiyatda o‘z o‘rnini topishi qiyin kechadi. U ijtimoiy tabaqalanish, adolatsizlik va ikkiyuzlamachilik bilan kurashishga majbur bo‘ladi. Bosh qahramonning o‘z hayot yo‘lini topishga urinishlari roman davomida chuqur psixologik tasvirlar orqali yoritiladi.

Yusufning ogʻir vaziyatlardagi kayfiyati tinimsiz yogʻgan yomgʻirlar, loyli va botqoqli koʻchalar, haftalab yogʻgan qorlab bilan ajoyib omuxtalantiriladi. Muallif shu oʻrinlarda yana bir bor mahoratini koʻrsatadi.

Bundan tashqari asar ijtimoiy adolatsizlik va tabaqalanish, boylar hamda kambag‘allar o‘rtasidagi tafovutni ham ongingizda oʻchmaydigan bir shaklda ochib beradi. Yusuf va Muazzamning sevgisi qiyinchiliklari, jamiyat va oilaviy bosim ularning hayotini murakkablashtirishi, boshqa bir joydan kelgani (Kuyujakdan), past tabaqadan boʻlgani sabab Yusufni jamiyat oyoq osti qilishi ham asarning asosiy nuqtalari deyish mumkin.

Asar soʻngidagi sahna esa xayolimdan hech chiqmayapti. Begonlar orasida doim ezilgan, ota-onasi sogʻinchi bilan yashagan, oʻzini har soniya kishanlangandek his etgan, eng sevgani Muazzamdan ham qattiq azoblar qabul qilib olgan, shunga qaramay ulkan va samimiy srvgisi sabab qizni oʻzi bilan ozodlikka(nazarida Kuyujakda ozod boʻladigandek edi), Kuyujakka olib ketayotgan Yusufning qop-qora oʻrmondagi, oppoq qorlar ichidagi ich-ichidan chiqqan oʻkirishi ancha paytgacha ongimda aks-sado berib tursa kerak…

Siz ham albatta bu kitobni oʻqib koʻring. Umid qilamanki, asar jozibasi saqlangan holda oʻzbek tiliga tarjima qilingan.

➡️@qora_yigit

“Ozor berma”ni oʻqirkanman, mana bu yerda oʻzimni ham daxldor his qildim. Henri Marsh 1992-yilda Kiyevdagi neyrojarrohlik kasalxonasiga keladi. Bu Sovet ittifoqidagi bu yoʻnalishda eng yirik kasalxona boʻlgan:

“Kiyevga yetib kelgach, bizni neyrojarrohlik tadqiqot institutiga olib borishdi. Bu yer barcha yirik kasalxonalarning balosi boʻlgan uzundan uzun koridorlarga toʻla, ulkan, xunuk bino ekan. Yoʻlaklar qorongʻi va yaxshi yoritilmagandi. Yoʻlaklarga sovet neyrojarrohligining yutuqlarini namoyish etuvchi plakatlar osilgan, unda oppoq, uzun oshpazlar qalpogʻini kiygan qahramon koʻrinishidagi erkaklarning oq-qora fotosuratlarini…. koʻrish mumkin edi”.

Marsh Britaniyada murakkab va texnologik jihatdan ilg‘or operatsiyalarni o‘tkazishga o‘rganib qolgan edi. Biroq Ukrainada u boshqa bir haqiqat bilan yuzlashadi: eskirgan jihozlar, qo‘lda yasalgan asboblar, ko‘pincha hatto steril muhit ham yo‘q edi.

Kiyevda duch kelgan muammolari uni hayratga soladi. Ba’zida hatto eng oddiy asboblar ham yo‘q edi, ammo shifokorlar erishgan yutuqlarini tinmay takrorlashar, kasalxonaning mavqeyidan ma’ruzalar oʻqirdilar.

Britaniyalik shifokorni 1992- yilda hayratga solgan bu muammolardan ayrimlari haligacha bizga tanish, shundaymasmi?

➡️@qora_yigit

Roppa-rosa bir yil avval ayni shu paytlarda Birburchakni faol yuritishni boshlaganman. Unda obunachilar soni 376 ta edi. Bir yil o‘tib 7 mingdan oshiq katta jamoaga aylandik. Bu qaysidir ma’noda kanalimning tug‘ilgan kuni va sizlarning bayramingiz. Hammangizga katta rahmat!

Mart oyi boshida hech imkon qilolmadim, ammo kelayotgan dam olish kunlarida bir yil mobaynida o‘qilgan kitoblarni jamlagan holda rasmli yoki videoli post qilish niyatidaman. Nima deysizlar, do‘stlar? Fikrlaringizni izohlarda kutaman.

Hurmat bilan Muhiddin

➡️@qora_yigit

“Ozor berma” degan kitob bor. Koʻpchilik bilsa kerak. Bir-ikki yaqinlarning qattiq tavsiyalaridan keyin juda qiziqib qoldim. Qoʻlimdagi kitobdan keyin shu kitobni boshlamoqchiman.

Oramizda oʻqiganlar borligiga ishonaman. Sizlar qanday fikrdasiz bu kitob haqida? Yozib qoldirsangiz degandim. Bu menga qiziq.

➡️@qora_yigit