Ayni shu soatda u jo’nab ketgan xotinini eslash orqali, uni haqiqatan ham yaqindan tuyar edi.
Xa, soat to’rtgacha odamning, mohiyatan olganda, qiladigan ishi yo’q va hatto xiyonat kechasi bo’lsa ham, qotib uxlaydi. Xa, odam bu soatda uxlaydi va uxlagani ham yaxshi, chunki xavotirlar qiynagan ko’ngilning yagona istagi - kimni sevsang, o’shani batamom egallash yoki agar ayriliq oni kelsa, uni to uchrashuv kuni yetguncha tushlaringning tubiga yashirib qo’yishdan iborat bo’ladi.
