Umida Rustamova || Psixolog

ХОТИРЖАМЛИК СИРИ НИМАДА?

Ҳозирда кўп одамлар моддий фаровонликка эришиш пайида туну кун елиб-югурмоқда, яхши еб-ичишга, чиройли кийинишга, ҳашаматли уйлар қуришга ҳаракат қилмоқда. Аммо тараққиёт чўққисига чиққан кўп мамлакатлардаги ҳаёт ҳозирги кунда унчалик хотиржам эмас, кишиларда руҳий сокинлик йўқолиб боряпти. Яқин тарихга мурожаат қилсак, хонадондан бир киши деҳқончилик, боғбонлик ёки ҳунармандчилик билан рўзғор тебратар, унинг бир мавсумда топгани бутун бошли оиланинг йиллик сарф-харажатларига етарди. Ҳатто муҳтож қариндошларга ҳам ёрдам қилинарди.

Аммо бугунги кунда оилада ҳамма – эр ҳам, хотин ҳам, ҳатто болаларгача тирикчилик ғамида тиним билмай ҳаракат қилади. Шунга қарамай хотиржамлик, ҳузур-ҳаловат йўқ...

Хотиржам яшаш учун мол-дунё топиляпти, “Бойлик тўплаб олай, кейин хотиржам яшаймиз” деб орзу қилиняпти, “Мана шу ишни қилиб олсам, кейин хотиржам бўламан”, деб ўйлашяпти. Аммо бу иш кўпинча ортидан бошқа юмушларни етаклаб келади.

Аслида тинчлик-хотиржамликка Аллоҳни зикр қилиш билан эришилади. Ҳар соатда, ҳар сонияда Яратганнинг бирлигини, борлигини ўйлаб, барча ишларида Парвардигорига таваккал қилган
қалбларгина ўзи истаган хотиржамликка эришади.

Ақлли инсон ўзига берилган мол-дунёни Аллоҳнинг омонати деб билади, топаётган мол-дунёсида ўзгаларнинг ҳам ҳақи бор, деб ишонади, бойлигини керакли жойга, айникса Унинг розилиги учун сарфлайди. Шу билан кўнгли таскин топади.

Агар танасида дард бўлса, буни синов деб сабр қилади, дардига даво излайди. Мўмин киши буларнинг барчаси тақдирдан деб ишонади.

Банда Аллоҳга таваккал қилмаса, Парвардигорига суянмаса, ожиз-нотавон бўлиб қолади. Зеро, дунё ҳаёти шу қадар мураккабки, бунда биз Олий Зотнинг мададига, Қудратли Аллоҳнинг қўллаб-қувватлашига жудаям муҳтожмиз. Аллоҳга таваккал қиларканмиз, зинҳор ўзимизни ёлғиз ҳис этмаймиз, ҳар дамда Аллоҳ биз билан эканини, бизга ёрдам беришини қалбдан сезиб турамиз. Мана шу ишонч бизга руҳий далда беради, кўнглимизни кўтаради.

Hamma eshiklar yuzinga yopilsa ham,
Yaratganning eshigi doimo ochiq.
Insonlardan qayta qayta so'rasang yoqmaydi, bosh tortishadi yordam beraverishdan
Ammo Robbing
- " So'ra bandam, so'ra beraman " deydi.
Shunday mehribonimiz bor ekan insonlarga xojatimiz tushishi to'g'rimi?
- Yo'q !!!
Doimo duoga qo'l ocharkanmiz ;
- Yo Allohim, xojatimni xech bir bandanga tushirma, so'rasam yolg'iz O'zingdan so'ray. Zero, ular ozor beruvchi,minnat qiluvchi. Sen esa doimo meni tushunuvchisan, marhamati kengimsan. Robbim, hamma meni yolg'iz qoldirganda, menga xech kim ishonmaganda ham, yagona yonimda bo'lgan Zot O'zing eding. Yolvoraman Allohim meni Sensiz qoldirma, meni nazaringdan bir lahza ham xoli qo'yma Robbil a'lamin ! " deb so'raymiz. Ayting shunday duodan keyin ham insonlarga xojatimiz qolarmidi ?
- Yo'q, zero Robbim hammadan mehribon U marhamatini ayamaydi.

( Butun dunyo meni suyib, Seni nazaringdan chetda bo'lishdan ko'ra, hamma mendan yuz o'girib Sen yonimda bo'lishing avzal )

☕️ CHOY ICHIB SHIFO TOPAMIZ

1. Uyqisizlikda – Ramashkali choy

Ramashka (romashka) choyi tinchlantiruvchi ta’siri bilan mashhur bo‘lib, asablarni bo‘shashtiradi va uyquga ketishni osonlashtiradi. U uyqu sifati yaxshilanishiga yordam beradi va stressni kamaytiradi.

2. Tomoq og’rig’ida – Zanjabilli choy

Zanjabil yallig‘lanishga qarshi kuchli vosita hisoblanadi. Tomoq og‘rig‘i, shamollash va yo’talni davolashda foydali bo’lib, immunitetni kuchaytiradi va issiqlikni pasaytiradi.

3. Teridagi toshmalarda – Ko’k choy

Ko’k choy antioksidantlarga boy bo‘lib, terini himoya qiladi va yallig’lanishni kamaytiradi. Teri muammolari va toshmalarni kamaytirishga yordam beradi, hujayralarni yangilaydi.

4. O’t qopi shamollashda – Namatakli choy

Namatak (itburun) mevalaridan tayyorlangan choy vitamin C ga boy bo‘lib, o’t yo‘llari va qopi kasalliklarida shifo beradi. Tananing yallig’lanish jarayonlarini kamaytiradi va immunitetni kuchaytiradi.

5. Asabiylikda – Lavandali choy

Lavanda choyi asablarni tinchlantiradi, stress va asabiylikni yengillashtiradi. Kayfiyatni yaxshilaydi va umumiy dam olishga yordam beradi, bu esa tinch uyquni ta’minlaydi.