POSITIVE ENGLISH TEACHER

IXLOS - ZIKR - MUSIQA

Adashmasam, birinchi sinfda o'qigan paytimda kechqurun onamga maktabimdagi bir muammo haqida aytgan edim; shunda onam "Uxlashdan oldin 3 marta Bismillohni aytib uxla" degan edilar. Islom dinini taniganimga qadar har bir muhim ish oldidan yoki qiyinchilik vaqtida tinimsiz Bismillohni aytar edim va har bir ishim bexato o'xshar edi.

2017-yil. Oʻqishdan yiqildim. Qaytadan tayyorlanishni boshladim va 2018-yilda o'qishdan yana bir marta yiqilsam bu menga salbiy oqibatlar olib kelishini yaxshi angladim. Qayerdan va qanday ekanini eslolmayman-u, lekin telefonimda Ixlos surasini qayta-qayta takrorlasa so'ralgan niyatlar amalga oshishi haqidagi video bor edi. YouTube'dagi o'sha videoni har safar dars tayyorlashdan charchasam yoki dars tayyorlagim kelmasa maza qilib tomosha qilardim. Ixlos surasini ham men YouTube orqali o'rganganman. 2018-yil imtihon oldi Ixlos surasini 100 martadan ziyod aytib yurardim. Imtihonga dadam bilan taksida borayotganimizda ham faqat ichimda Ixlos surasini takrorlardim, dadam aytgan gaplari va savollari ham meni zikrdan to'sa olmasdi. O'sha yili chiroyli natija bilan o'qishga kirgan edim va ancha payt o'zimga o'zim mehnat va ixlos birlashsa qanday kuchli bo'lishi mumkinligini aytib yurar edim.

Men hech bir shubhasiz ayta olamanki, muvaffaqiyat kaliti bu - qattiq mehnat hamda ixlos.

Xo'sh, sarlavhada musiqani nega tilga oldim. O'qishga kirib ancha yengil tortganimdan keyin musiqaga ko'p berila boshladim. O'qishga borayotganimda naushnikda, uyda kalonkada, ishxonada noutbukimda faqat musiqa eshitardim. Mashina olganimdan keyin esa musiqa eshitish bo'yicha oliy toifali ekspert bo'lgan bo'lsam kerak. Musiqa mening ruhiyatim va samaradorligimga o'ta salbiy ta'sir qildi (bu haqida batafsil boshqa postda yozaman). Oxirgi 5 yilda qilgan shaxsiy yutuqlarim juda oz ekanini o'zim ich-ichimdan his qilaman.

Men qilgan ikkinchi xulosa shuki, musiqa insonni ilohiy muloqotdan, ixlosdan juda uzoqlashtiradi va keraksiz xomhayollar bilan bog'lab qo'yadi. Shuning uchun bo'lsa kerak, aksariyat din ulamolarining musiqaga bo'lgan fikri salbiy. Sababini endi tushunyapman.

Yaqinda o'zim anchadan beri juda xohlab yurgan ishga nihoyat kirdim faqat ikkinchi urinishda. Birinchi urinishda har taraflama tayyor hamda munosib bo'lsamda o'tolmadim, ikkinchi urinishda esa zikrni kundalik odat qildim va natija kutganimdek.


Uzun postdan qisqa xulosa shundaki, inson ko'ngli xotirjamligi, muvaffaqiyat va baxtga erishishi uchun tili hamisha zikrda, qo'li esa mehnatda bo'lishi kerak.

QO'LIDA TELEFONI BOʻLGAN BOLALAR!
Men "bolalar" dedim, "yoshlar" deganim yoʻq. Bugun aksariyat bolachalarda telefon bor. Telefon degani bu Instagram yoki YouTube'dagi qisqa videolar tomosha qilishga imkoniyati bor degani. Ming afsuski, bugun bolachalarga telefon olib bergan ota-onalar aslida bola uchun yaxshi qilishdimi yoki yomonmi bunisi aniq emas. Men bugun qisqa videolar orqali bugun bolalar koʻzini uzmay tomosha qilayotgan shorts (qisqa videolar) dan ba'zilarini sanab oʻtmoqchiman.
1. YouTube'da jonli efir qiladigan qizlar va yigitlar bor, ular ogʻziga kelgancha soʻkinadi. Haqoratlaydi va shu orqali oʻzini koʻrsatadi.
2. Mashhur blogger yigit doim bitta o'zidan yoshi katta ayolni xuddi yaqinda olib yuradigandek yonida olib yuradi. Yosh bola nari tursin, hali kattalar koʻrsa gʻijinadigan bu narsani bolalar koʻz uzmay tomosha qiladi;
3. "Men bir urunishda 30 ta tuxum ichmasam, tomdan tashlayman..." kabi videolar ham juda koʻpaygan va ularda qandaydir manfaat borligiga shubham bor.
4. Maktabdagi sevgi haqidagi videolar chiqib mashhur boʻlganiga esa 5 yildan oshdi. Sabina Sardorni sevadi, Sardor Nigorani sevadi...
5. Bundan ham dahshati bor. "Kenayishkalar" mavzusi. Bu erdan ajrashgan, eri oʻlgan yoki eri "lox" boʻlgan ayollar yoshgina yigitlar bilan har turdagi aloqa qilib yurishi.
6. Yarim yalongʻoch, avratlati ochiq holatda har xil videolar oladigan blogger qizlar esa kun sayin koʻpaymoqda.

Hurmatli ota-ona, bolangizga telefon olib bermang. U ma'lum yoshgacha siznikini ishlatsin. Kursga borganda siznikini olib borsin, qaytib kelgan zahotiyoq qaytarib bersin. Dars qilish payti yana olsin va yana qaytib bersin. Telefoni yoʻq bolangiz ustidan boshqalar kulishi mumkin, lekin siz uni harom-harishdan ancha qutqargan boʻlasiz. Lekin asosiysi oʻzingiz harom-harishdan tiyilgan boʻlishingiz kerak, albatta.

2024-yilda topilgan va yoʻqotilganlar!
2024-yil bir muncha sokin o'tdi. Juda sermahsul deya olmayman va bu, albatta, dangasaligimga aloqador. Salohiyatim yetadigan darajada koʻp kitob oʻqiy olganim yoʻq.
Lekin YouTube orqali juda koʻp manfaatli videolarni tomosha qildim. YouTube haqiqatda juda katta kutubxona ekaniga guvoh boʻldim.
Mart oyida farzandli boʻldim. Oʻyinchoq topildi menga😂.
May oyida oʻzim mustaqil ishlashni boshladim. Bu ham aytishga arzigulik oʻzgarishlardan biri.
Umuman olganda 2024-yilda, yoki boshqacha qilib aytganda 360 kunlik vaqt davomida samaradorlikni 40% dan baland deyishim qiyin. Olloh bergan eng aziz ne'matlardan biri bu vaqt. 2025-yil uchun aniq rejalarim yoʻq lekin asosiysi vaqtimni zoye ketkizmoqchi emasman. Sizga ham shuni taklif qilaman.

Sizga kelgusi 360 kunlikni samarali oʻtkazishingizni tilayman.

@positive_english_teacher kanalim men uchun qadrli, chunki har-har zamonda post joylasam uning ostida eski qadrdonlarim (do'stlarim, ustozlarim va bir-biridan ajoyib o'quvchilarim) yozib qolishadi va eski davrlarni eslayman😊

Nostalgia😊😊😊