Termiz shahridagi Prezident maktabi

#8_mart_Xalqaro_xotin_qizlar_kuni

Hatto zeb-ziynatni yulqib ziyoda,
Haykal ham qo‘yingiz bamisli xayol.
Shundaylar bo‘lmasa agar dunyoda,
Bu qadar muhtaram bo‘lmasdi ayol.

Ayol — avvalo, ona, opa-singil! Yaratganning go‘zal mo‘jizasi! Sizlar hayotning mazmuni, borliqning tuhfasi! Sizning yuzingizdan bahor andoza oladi, zamin qalbingizdan ruhga to‘ladi!

Aziz ayollar, qadrli opa-singillar, dilrabo qizlar!!!

Sizlarni bahor nafasi ila kirib kelgan 8-mart — “Xalqaro xotin-qizlar kuni” bilan chin qalbimizdan muborakbod etamiz!

Sizlar hayotimizga go‘zallik, nafosat va mehr olib kiradigan bebaho insonlarsiz.

Sizlarga sog‘lik, baxt, tinchlik-osoyishtalik va ishlaringizda ulkan zafarlar tilaymiz. Lablaringizdan samimiy kulgu, xonadoningizdan baxt-saodat tuyg‘ulari, ezgulik hissi, nur va sevinch, mehr va muhabbat aslo arimasin!

Hurmat bilan,
Termiz shahridagi Prezident maktabi jamoasi 💐💐💐

Termiz shahridagi Prezident maktabining ijtimoiy tarmoqdagi sahifalari:
Telegram | Instagram | Facebook | YouTube

#otalar_yigʻilishi
#Termiz_shahri
#Prezident_maktabi

Avval xabar berganimizdek, Termiz shahridagi Prezident maktabida “Farzand tarbiyasida otalarning roli” mavzusida “Otalar yig‘ilishi” bo‘lib o‘tmoqda.

Bu gal maktabimizning barcha dilrabo qizlarining otalari, oila a’zolari tashrif buyurdilar.

Dastlab, maktab rahbariyati va pedagogik jamoa a’zolari mavzuning naqadar muhimligi yuzasidan davra suhbati tashkil etdi. Shundan so‘ng tadbirimiz zavqli trening, ibratli badiiy sahna ko‘rinishi, she’rlar-u qo‘shiqlarga ulanib davom etdi.

“Otalarning farzandlariga murojaati” qismida otalar, avvalo, suyukli qizlarini bayramlari bilan qutlab, o‘z hayot yo‘lidagi mashaqqatlari va tajribalarini aytib, farzandlariga nasihat qildilar.

Yig‘ilish so‘ngidagi otalar va farzandlar ishtirokida shaxmat, shashka hamda “Zakovat” intellektual o‘yinlari barchaga katta zavq ulashdi.

Telegram | Instagram | Facebook | YouTube